Özbəkistan Prezidentinin Azərbaycana Dövlət Səfəri: Strateji və Tarixi Əhəmiyyət

Bakı:

31 °C

43 %

3 m/s

Əlaqə

AZ RU EN

Ana səhifə / YAP xəbərləri / Özbəkistan Prezidentinin Azərbaycana Dövlət Səfəri: Strateji və Tarixi Əhəmiyyət

Özbəkistan Prezidentinin Azərbaycana Dövlət Səfəri: Strateji və Tarixi Əhəmiyyət

04.07.2025 [18:45]

Özbəkistan Respublikasının Prezidenti Şavkat Mirziyoyevin 2025-ci ilin iyul ayında Azərbaycana həyata keçirdiyi dövlət səfəri, təkcə iki qardaş ölkə arasında əməkdaşlığın möhkəmləndirilməsi baxımından deyil, eyni zamanda regionun gələcəyi üçün strateji və tarixi əhəmiyyət daşıyır.

Azərbaycan ilə Özbəkistan arasında münasibətlər əsrlərlə ölçülən dostluq və ortaq milli-mənəvi dəyərlər zəminində formalaşıb. Bu gün iki ölkə arasında siyasi, iqtisadi, humanitar və mədəni əlaqələr daha da dərinləşir və strateji tərəfdaşlıq səviyyəsinə yüksəlir. Prezident Şavkat Mirziyoyevin bu səfəri isə bu əlaqələrin inkişafında yeni bir mərhələnin başlanğıcı kimi dəyərləndirilə bilər.Azərbaycan Respublikasının Prezidenti İlham Əliyev və Özbəkistan Prezidenti Şavkat Mirziyoyev arasında keçirilən görüşlərdə bir sıra mühüm sənədlər imzalanmış, regional nəqliyyat-logistika marşrutları, enerji sahəsində əməkdaşlıq, sənaye kooperasiyası və birgə sərmayə layihələri müzakirə olunmuşdur. Bu isə Türk Dövlətləri Təşkilatı çərçivəsində də inteqrasiya proseslərini daha da gücləndirir.Xüsusilə, bu səfər zamanı əldə edilən razılaşmalar, Azərbaycanın Qarabağ və Şərqi Zəngəzur bölgələrində həyata keçirilən bərpa və yenidənqurma işlərinə Özbəkistanın verdiyi dəstəyin daha da genişləndirilməsinə şərait yaradacaq. Qardaş ölkənin bu ərazilərdə həyata keçirdiyi sosial infrastruktur layihələri xalqlarımız arasındakı sarsılmaz dostluğun bariz nümunəsidir.Səfərin tarixi əhəmiyyəti ondan ibarətdir ki, bu dövlət səfəri təkcə cari maraqlarla məhdudlaşmır, eyni zamanda gələcək nəsillərə inteqrasiya olunmuş, güclü və qarşılıqlı faydalı əlaqələrin miras qoyulmasına yönəlmişdir. Bu, həm də türk dünyasının birliyinə töhfə verən strateji addım kimi yadda qalacaq.

Azərbaycan və Özbəkistan prezidentlərinin qarşılıqlı hörmət və etimada əsaslanan münasibətləri, iki ölkənin qarşıdakı dövrdə birgə regional təşəbbüslərlə çıxış etməsinə, Türk Dövlətləri Təşkilatı çərçivəsində daha aktiv rola malik olmalarına zəmin yaradır.Bu səfər, həm ikitərəfli, həm də regional əməkdaşlıq baxımından yeni imkanların qapısını açır və bölgədə sabitlik, tərəqqi və qarşılıqlı dəstəyin möhkəmlənməsinə xidmət edir.

Anar Məmmədov,

YAP Gədəbəy rayon təşkilatının əməkdaşı

Paylaş:

Baxılıb: 437 dəfə