Azərbaycan Prezident İlham Əliyevin ölkəyə rəhbərlik etdiyi dövrdə böyük inkişaf yolu keçib

Bakı:

24 °C

69 %

4 m/s

AZ RU EN

Ana səhifə / YAP xəbərləri / Azərbaycan Prezident İlham Əliyevin ölkəyə rəhbərlik etdiyi dövrdə böyük inkişaf yolu keçib

Azərbaycan Prezident İlham Əliyevin ölkəyə rəhbərlik etdiyi dövrdə böyük inkişaf yolu keçib

19.09.2013 [10:06]

Sentyabrın 17 və 18-də Goranboy rayonunun Börü, Mənəşli, Rus Borisi, Todan, Buzluq, Borsunlu, Nadirkənd və Rəhimli kəndlərində seçicilərlə görüşlər keçirilib
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin seçki təbliğatı çərçivəsində sentyabrın 17 və 18-də Goranboy rayonunun Börü, Mənəşli, Rus Borisi, Todan, Buzluq, Borsunlu, Nadirkənd və Rəhimli kəndlərində seçicilərlə görüşlər keçirilib. Yüksək fəallıq şəraitində baş tutan görüşlərdə Azərbaycanın ötən 10 ildə əldə etdiyi nailiyyətlərdən və qarşıdakı vəzifələrdən bəhs edilib. Qeyd edilib ki, Prezident İlham Əliyev müdrik siyasəti ilə Azərbaycanı Cənubi Qafqaz bölgəsinin lider dövlətinə, o cümlədən, beynəlxalq aləmin nüfuzlu ölkələrindən birinə çevirib.
Milli Məclisin deputatı Mahir Aslanov çıxış edərək bildirib ki, Azərbaycan gənc bir dövlət olmasına baxmayaraq, qısa müddətdə çox böyük uğurlara imza atıb. Bu isə, heç şübhəsiz ki, ölkəmizdə həyata keçirilən uğurlu daxili və xarici siyasətin nəticəsidir. “Prezident İlham Əliyevin çoxşaxəli fəaliyyətinin nəticəsidir ki, bütün sahələrin paralel inkişafı təmin olunub. Həyata keçirilən sosial-iqtisadi kurs vətəndaşların rifah halının daha da yaxşılaşmasına xidmət edib” - deyə, millət vəkili vurğulayıb.
Onun sözlərinə görə, qarşıdakı illərdə Azərbaycanın istər daxildə, istərsə də xaricdə böyük uğurlara imza atacağı heç kimdə şübhə doğurmur: “Ölkədə gedən abadlıq-quruculuq işləri, insanların sosial rifah halının günü-gündən yaxşılaşması, siyasi sabitliyin qorunub saxlanması Prezident İlham Əliyevin yürütdüyü siyasətin əsasını təşkil edir. Məhz bu əsaslar xalqın növbəti seçkilərdə də cəmiyyətimizin alternativsiz seçimi olan cənab İlham Əliyevə səs verəcəyinə inam yaradır”.
Kibernetika İnstitutunun direktoru akademik Telman Əliyev isə çıxışında Prezident İlham Əliyevin 10 illik fəaliyyəti barədə ətraflı məlumat verib. O, həyata keçirilən uğurlu daxili və xarici siyasətin Azərbaycan xalqının maraqlarına xidmət etdiyini vurğulayıb. “Son 10 il müddətində ölkəmizdə qazanılan uğurlar onu təsdiq edir ki, ölkəmiz doğru yolda irəliləyir. Azərbaycan vətəndaşlarının böyük əksəriyyətinin birmənalı qənaəti bundan ibarətdir ki, ölkəmizin sürətli inkişafı, iqtisadiyyatın yüksəlişi, həyatımızın bütün sahələrində baş verən dəyişikliklər Prezident İlham Əliyevin həyata keçirdiyi siyasətlə bağlıdır. Mən rayon ictimaiyyətini seçkilərdə fəal iştirak etməyə və layiqli namizədə - Yeni Azərbaycan Partiyasının namizədi cənab İlham Əliyevə səs verməyə çağırıram” - deyə, T.Əliyev əlavə edib.
Tədbirdə kənd ağsaqqalları, gənclər və qadınlar çıxış edərək qarşıdan gələn prezident seçkilərində Yeni Azərbaycan Partiyasının namizədi cənab İlham Əliyevə səs verəcəklərini bildiriblər. Nəzərə çatdırılıb ki, Goranboy ictimaiyyəti, həmçinin, YAP Goranboy rayon təşkilatının üzvləri hər zaman fəal olublar. Xüsusi olaraq qeyd edilib ki, cənab İlham Əliyevin 10 illik Prezidentliyi dövründə rayon ərazisində xeyli irəliləyişlər olub, olduqca müsbət dəyişikliklər qeydə alınıb.
NURLAN

Paylaş:

Baxılıb: 1337 dəfə