Zirvə görüşü regional sülh və təhlükəsizlik məsələlərinin türk dövlətlərinin prioritet istiqaməti olduğunu təsdiqlədi

Bakı:

28 °C

55 %

7 m/s

AZ RU EN

Ana səhifə / YAP xəbərləri / Zirvə görüşü regional sülh və təhlükəsizlik məsələlərinin türk dövlətlərinin prioritet istiqaməti olduğunu təsdiqlədi

Zirvə görüşü regional sülh və təhlükəsizlik məsələlərinin türk dövlətlərinin prioritet istiqaməti olduğunu təsdiqlədi

13.10.2025 [11:07]

Müasir dövrdə dünya siyasi düzəni sürətlə dəyişir, yeni güc mərkəzləri formalaşır. Bu kontekstdə Türk Dövlətləri Təşkilatı (TDT) regional və qlobal səviyyədə əhəmiyyətini artıran mühüm platforma kimi ön plana çıxır. Tarixi və mədəni bağlılıqlara əsaslanan bu birlik eyni zamanda siyasi və iqtisadi zərurətdən irəli gələn strateji əməkdaşlıq modelidir. TDT təkcə ortaq tarix və mədəniyyət üzərində deyil, eyni zamanda üzv ölkələrin ortaq maraqlarını müdafiə edən, onların beynəlxalq nüfuzunu artıran qardaşlıq və tərəfdaşlıq birliyi kimi formalaşmışdır. TDT sammitlərinin mütəmadi olaraq Azərbaycanda keçirilməsi ölkəmizin bu təşkilatdakı mövqeyinin və nüfuzunun aydın göstəricisidir. Xüsusilə Qəbələdə keçirilən XII Zirvə Görüşü bir çox aspektdən tarixi əhəmiyyət kəsb edir. Bu görüş, yalnız üzv dövlətlərin bir araya gəlməsi baxımından deyil, həm də Türk dünyasının gələcək strateji hədəflərinin müəyyənləşdirilməsi baxımından mühüm hadisə oldu. Qəbələ Zirvəsi həm də onunla yadda qaldı ki, liderlər buradan dünyaya barış və sülh mesajı göndərərək beynəlxalq münasibətlərdə güc prinsipinin deyil, hüquq və ədalətin üstünlüyünün vacibliyini vurğuladılar. Zirvə zamanı Prezident İlham Əliyevin çıxışı xüsusi diqqət çəkdi və bu nitqdə səsləndirilən əsas ideyalar TDT-nin gələcək inkişafına dair strateji yol xəritəsi kimi tarixə düşdü. Prezident İlham Əliyev bəyan etdi ki, Türk Dövlətləri Təşkilatı artıq sadəcə regional əməkdaşlıq qurumu deyil, qlobal əhəmiyyətə malik geosiyasi aktor kimi formalaşmaqdadır. Azərbaycan bu təşkilat çərçivəsində siyasi, iqtisadi və hərbi sahələrdə mühüm təşəbbüslərlə çıxış edir. Ölkəmizin daxili sabitliyi, əlverişli coğrafi mövqeyi və artan iqtisadi potensialı TDT-nin ümumi gücünə ciddi töhfələr verir. Azərbaycanın TDT Katibliyinə göstərdiyi maliyyə dəstəyi, üzv ölkələrlə, xüsusilə Türkiyə ilə həyata keçirilən birgə hərbi təlimlər təşkilat daxilində strateji birliyin möhkəmləndirilməsinə xidmət edir. 2020-ci il Vətən müharibəsi və 2023-cü ildə aparılan antiterror tədbirləri nəticəsində Azərbaycanın ərazi bütövlüyünün bərpası təkcə milli deyil, həm də regional sabitliyin və ədalətin bərqərar olunması baxımından mühüm hadisə oldu. Qəbələ sammitində liderlər tərəfindən verilən bəyanatlar bir daha göstərdi ki, türk dünyasında siyasi, iqtisadi və mədəni sahələrdə sıx əməkdaşlıq və ortaq strateji məqsədlər vacibdir. Zirvə görüşü həmçinin regional sülh və təhlükəsizlik məsələlərinin türk dövlətlərinin prioritet istiqaməti olduğunu təsdiqlədi. Prezident İlham Əliyevin qeyd etdiyi kimi, bu mövzu təşkilatın yol xəritəsində əsas istiqamət kimi müəyyənləşdirilmişdir. Sülh və inkişaf — TDT-nin vahid güc mərkəzinə çevrilməsi yolunda başlıca hədəfdir. Bu məqsəd Türk dünyasını birləşdirir və onu gələcəyə doğru inamla aparır. Bundan əlavə, nəqliyyat və enerji sahələrində həyata keçirilən layihələr — Orta Dəhliz, Zəngəzur dəhlizi, bərpaolunan enerji təşəbbüsləri — Türk dünyası ölkələri arasında iqtisadi və infrastruktur əlaqələrini daha da gücləndirir. Azərbaycanın bu sahədəki təşəbbüsləri TDT-nin regional və qlobal mövqeyini əhəmiyyətli dərəcədə gücləndirir. TDT-nin fəaliyyəti ortaq tarix, dil və mədəniyyət üzərində qurulan əməkdaşlıq modeli ilə seçilir və bu model gələcək üçün böyük perspektivlər vəd edir. Bu birlik təkcə tarixi keçmişə söykənmir, həm də ortaq gələcək naminə formalaşan mənəvi və strateji platforma kimi çıxış edir.

Arifə Abbasova

YAP Tovuz rayon təşkilatının məsləhətçisi

Paylaş:

Baxılıb: 573 dəfə