Azərbaycan - qədim sivilizasiyaların beşiyi, möhtəşəm memarlıq abidələrinin və zəngin tarixi irsin Vətəni

Bakı:

32 °C

38 %

5 m/s

AZ RU EN

Ana səhifə / YAP xəbərləri / Azərbaycan - qədim sivilizasiyaların beşiyi, möhtəşəm memarlıq abidələrinin və zəngin tarixi irsin Vətəni

Azərbaycan - qədim sivilizasiyaların beşiyi, möhtəşəm memarlıq abidələrinin və zəngin tarixi irsin Vətəni

21.05.2026 [23:12]

Azərbaycan qədim tarixi, zəngin mədəniyyəti, incəsənəti və memarlıq abidələri ilə dünyanın diqqətini cəlb edən ölkələrdən biridir. Xalqımız əsrlər boyu yaratdığı musiqi, poeziya, elm və memarlıq nümunələri ilə bəşər mədəniyyətinə böyük töhfələr vermişdir. Orta əsrlərdə Azərbaycan Şərqin elm və mədəniyyət mərkəzlərindən biri olmuşdur. Azərbaycan yalnız musiqi və şeir ölkəsi deyil. Bu torpaq həm də qədim sivilizasiyaların beşiyi, möhtəşəm memarlıq abidələrinin və zəngin tarixi irsin Vətənidir.

Hər bir xalqın mədəniyyəti, tarixi və milli kimliyi onun yaratdığı şəhərlərdə və memarlıq abidələrində öz əksini tapır. Şəhərlər yalnız insanların yaşadığı məkan deyil, həm də bir millətin keçmişini, həyat tərzini və inkişaf səviyyəsini göstərən canlı tarix kitabıdır. Memarlıq abidələri isə əsrlərin sınağından keçərək xalqın mənəvi dəyərlərini, sənətkarlıq qabiliyyətini və estetik düşüncəsini gələcək nəsillərə çatdırır.

Müasir dövrdə şəhərlərin yenilənməsi, infrastrukturun inkişafı və tarixi irsin qorunması dövlət siyasətinin mühüm istiqamətlərindən birinə çevirilmişdir. Məhz buna görə Azərbaycan Respublikasının Prezidenti cənab İlham Əliyev tərəfindən 2026-cı ilin “Şəhərsalma və Memarlıq ili” elan edilməsi böyük əhəmiyyət daşıyır. Bu qərar ölkəmizdə memarlıq sənətinin, şəhərsalma ənənələrinin və milli irsin qorunmasına verilən yüksək dəyərin göstəricisidir.

Müasir Azərbaycanda şəhərsalma sahəsində böyük layihələr həyata keçirilir. Abidələr bərpa olunur, yeni yollar inşa olunur, xüsusilə də işğaldan azad olunmuş ərazilərdə həyata keçirilən yenidənqurma və “ağıllı şəhər” layihələri müasir şəhərsalma siyasətinin mühüm nümunəsidir. Bununla yanaşı 2026-cı ildə Naxçıvan Muxtar Respublikası ərazisində də bir sıra tarixi və memarlıq abidələrinin bərpası və konservasiyası həyata keçirilir. Ən böyük bərpa layihələrindən biri Azərbaycan Respublikasının Prezidentinin Sərəncamına əsasən Mömünə Xatun türbəsinin bərpası ilə bağlıdır.

2026-cı il 17-22 may tarixlərində keçirilən Ümumdünya Şəhərsalma Forumunun 13-cü sessiyasına Azərbaycanın ev sahibliyi etməsi təsadüfi deyil. Forum çərçivəsində keçirilən panel iclasları, sərgilər, seminarlar və müzakirələr şəhərlərin gələcək inkişaf istiqamətlərinin müəyyən edilməsinə xidmət edir. Forumun Azərbaycanda keçirilməsi ölkəmizin beynəlxalq arenadakı mövqeyini daha da gücləndirir . Forum vasitəsilə Azərbaycan öz zəngin mədəniyyətini, qədim tarixini və müasir inkişaf modelini dünyaya təqdim etmək imkanı qazandırmışdır. Bu tədbir bir daha sübut etdi ki, Azərbaycan qlobal məsələlərin müzakirəsində fəal iştirak edən, dayanıqlı inkişaf ideyalarını dəstəkləyən və beynəlxalq əməkdaşlığa böyük önəm verən müasir dövlətdir.

Aytən Babayeva

YAP Naxçıvan şəhər təşkilatının fəal üzvü

Paylaş:

Baxılıb: 300 dəfə