Şəmkirdə "Qurtuluşdan tərəqqiyə, tərəqqidən Zəfərə aparan yol” mövzusunda konfrans keçirilib

Bakı:

28 °C

56 %

3 m/s

AZ RU EN

Ana səhifə / YAP xəbərləri / Şəmkirdə "Qurtuluşdan tərəqqiyə, tərəqqidən Zəfərə aparan yol” mövzusunda konfrans keçirilib

Şəmkirdə "Qurtuluşdan tərəqqiyə, tərəqqidən Zəfərə aparan yol” mövzusunda konfrans keçirilib

10.06.2026 [16:33]

Şəmkirdə 15 İyun – Milli Qurtuluş Gününə həsr olunmuş "Qurtuluşdan tərəqqiyə, tərəqqidən Zəfərə aparan yol” mövzusunda konfrans keçirilib.

Yeni Azərbaycan Partiyası Şəmkir rayon təşkilatı 15 İyun – Milli Qurtuluş Gününə həsr olunmuş "Qurtuluşdan tərəqqiyə, tərəqqidən Zəfərə aparan yol” mövzusunda konfrans keçirib.

Rayon təşkilatının inzibati binasında keçirilən tədbirdə YAP Şəmkir rayon təşkilatının sədri Fəxrəddin Vəliyev, Şəmkir rayon İcra Hakimiyyəti başçısının müavini Aynur Abdullayeva, Qazax-Tovuz Regional Mədəniyyət İdarəsinin rəis vəzifəsini icra edən Səbuhi Xasməmmədov, ərazi partiya təşkilat sədrləri və partiya fəalları iştirak etdilər.

Əvvəlcə Ulu öndər Heydər Əliyevin Şəmkir şəhərinin mərkəzində ucaldılmış abidəsi ziyarət olunub, önünə gül dəstələri düzülüb.

Sonra tədbirdə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və Vətən uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan YAP Şəmkir rayon təşkilatının sədri Fəxrəddin Vəliyev iyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan və xalqına arxa, dayaq olan Ümummilli Lider Heydər Əliyevdir. Bu gün milli qurtuluş ideologiyasının təntənəsi müstəqil respublikamızın davamlı inkişafında özünü büruzə verir, dünyada Azərbaycanın nüfuzu daha da artır. Ulu Öndər Heydər Əliyevin hakimiyyətə qayıdışından sonra ölkədə baş vermiş sosial-iqtisadi və siyasi inkişaf dövlətimizin möhkəmlənməsində, sivil dünyaya sıx inteqrasiya prosesinə qoşulmasında və xalqımızın strateji mənafelərini təmin edən modern cəmiyyətin qurulmasında həlledici rol oynadı. Beləliklə, bu mühüm tarixi gün xalqımızın yaddaşına Milli Qurtuluş Günü kimi həkk oldu və 1997-ci ildən etibarən parlamentin qərarı ilə rəsmi bayram kimi qeyd edilir.

Fəxrəddin Vəliyev çıxışında qeyd edib ki, bu gün Azərbaycanda müstəqil dövlətçilik ənənələri formalaşdırılmışdır və şübhəsiz ki, bu mühüm nailiyyətin əldə edilməsində ümummilli lider Heydər Əliyevin fədakar xidmətlərinin müstəsna əhəmiyyəti vardır. Onun siyasi xadim kimi yürütdüyü siyasətin başlıca qayəsi Azərbaycanın hər bir vətəndaşının təhlükəsizliyini qoruya biləcək qədər qüdrətli dövlətə çevirmək olub. Bu gün Azərbaycan Respublikasının Prezidenti İlham Əliyev Ümummilli Liderimizin siyasi kursuna sadiq qalaraq müstəqil ölkəmizi inamla gələcəyə doğru aparır.

Şəmkir rayon İcra Hakimiyyəti başçısının müavini Aynur Abdullayeva, Qazax-Tovuz Regional Mədəniyyət İdarəsinin rəis vəzifəsini icra edən Səbuhi Xasməmmədov və digər çıxış edənlər qeyd etdilər ki, Milli Qurtuluş Günü Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür. İyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan Ümummilli Lider Heydər Əliyevdir.

Tədbirin sonunda qabaqcıl partiya fəallarına YAP Şəmkir rayon təşkilatının fəxri fərmanları və qiymətli hədiyyələri təqdim olunub.

Tədbir Yeni Azərbaycan Partiyası himnin səsləndirlməsi ilə başa çatmışdır.

Paylaş:

Baxılıb: 486 dəfə