Ölkəmizdə uğurlu gənclər siyasəti həyata keçirilir

Bakı:

27 °C

36 %

5 m/s

Əlaqə

AZ RU EN

Ana səhifə / YAP xəbərləri / Ölkəmizdə uğurlu gənclər siyasəti həyata keçirilir

Ölkəmizdə uğurlu gənclər siyasəti həyata keçirilir

04.03.2015 [09:58]

YAP Cəlilabad rayon təşkilatı Gənclər Birliyinin konfransı keçirilib
Dünən Yeni Azərbaycan Partiyası (YAP) Cəlilabad rayon təşkilatı Gənclər Birliyinin konfransı keçirilib. Konfrans iştirakçıları və qonaqlar əvvəlcə Ulu öndər Heydər Əliyevin abidəsi önünə gül dəstələri düzərək, xatirəsini ehtiramla yad edib, Heydər Əliyev Mərkəzində Ümummilli liderimizin həyat və fəaliyyətini əks etdirən stendlərə baxıblar.
Sonra konfrans YAP Cəlilabad rayon təşkilatının iclas zalında davam etdirilib. Konfransı giriş sözü ilə açan YAP Cəlilabad rayon təşkilatının sədri Mirsüleyman Mirxaslı ölkəmizdə uğurlu gənclər siyasətinin əsasının Ümummilli lider Heydər Əliyev tərəfindən qoyulduğunu bildirib: “Ulu öndər Heydər Əliyev hakimiyyətdə olduğu bütün dövrlərdə gənclərin himayədarı olaraq sağlam düşüncəli yeni nəslin yetişdirilməsini dövlət və cəmiyyətin mühüm vəzifəsi hesab edib, onların ümummilli dövlət mənafeləri əsasında səfərbər olunması üçün mühüm addımlar atıb”.
Rayon təşkilatının sədri deyib ki, Ümummilli lider tərəfindən əsası qoyulan gənclər siyasəti bu gün Prezident İlham Əliyev tərəfindən uğurla davam etdirilir.
YAP Cəlilabad rayon təşkilatı Gənclər Birliyinin sədri Anar Abdullayev hesabat məruzəsi ilə çıxış edib. Cəlilabad şəhər 3 saylı uşaq bağçasının müdiri Günel Məmmədova, DSMF rayon şöbəsinin məsləhətçisi Orxan Cavadlı, Azərbaycan Müəllimlər İnstitutu Cəlilabad filialının tələbəsi Gülşən Nəcəfova, Astanlı kənd inzibati ərazi dairəsi üzrə nümayəndənin müavini Ziya Quliyev, rayon təhsil şöbəsinin metodisti Elçin Hüseynov hesabatı qənaətbəxş qiymətləndiriblər.
Sonra təşkilati məsələlərə baxılıb. YAP Cəlilabad rayon təşkilatı Gənclər Birliyinin 21 nəfərdən ibarət şurası, 9 nəfərdən ibarət İdarə Heyəti seçilib. Eyni zamanda, Vüsal Kazımov YAP Cəlilabad rayon təşkilatı Gənclər Birliyinin sədri, Anar Abdullayev, Günel Məmmədova, Elçin Hüseynov və Ziya Quliyev sədr müavinləri seçiliblər. Konfransda, həmçinin, YAP Gənclər Birliyinin respublika konfransına nümayəndələr də seçiliblər.
Konfransda çıxış edən rayon İcra Hakimiyyətinin başçısı, YAP Cəlilabad rayon təşkilatı İdarə Heyətinin üzvü Əziz Əzizov, YAP Siyasi Şurasının üzvü, millət vəkili Mirkazım Kazımov, YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə, YAP Mərkəzi Aparatının məsul işçisi Məcid Əhmədov YAP rayon təşkilatı Gənclər Birliyinin rəhbər heyətinə seçilmiş gəncləri təbrik edib, onlara gələcək fəaliyyətlərində uğurlar arzulayıblar. Natiqlər, həmçinin, ölkə Prezidenti, Yeni Azərbaycan Partiyasının Sədri İlham Əliyevin gənclərə diqqət və qayğısını xüsusi qeyd edib, respublikada yaranmış siyasi sabitliyin, iqtisadi inkişaf sahəsində əldə olunmuş nailiyyətlərin məhz dövlət başçısının səmərəli və yorulmaz fəaliyyəti sayəsində mümkün olduğunu diqqətə çatdırıblar.

Paylaş:

Baxılıb: 913 dəfə