Dövlətimizin daha da qüdrətlənməsi naminə Yeni Azərbaycan Partiyasına səs verin!

Bakı:

26 °C

78 %

6 m/s

Əlaqə

AZ RU EN

Ana səhifə / YAP xəbərləri / Dövlətimizin daha da qüdrətlənməsi naminə Yeni Azərbaycan Partiyasına səs verin!

Dövlətimizin daha da qüdrətlənməsi naminə Yeni Azərbaycan Partiyasına səs verin!

14.10.2015 [10:52]

Bu çağırış Yeni Azərbaycan Partiyası tərəfindən irəli sürülmüş namizədlərin Şəmkirdə seçicilərlə görüşündə bir daha səsləndirilib
Oktyabrın 11-də Şəmkir rayonunun Zəyəm qəsəbəsində Yeni Azərbaycan Partiyası (YAP) tərəfindən irəli sürülmüş namizədlərin seçicilərlə görüşü keçirilib. Tədbiri Yeni Azərbaycan Partiyası Şəmkir rayon təşkilatının sədri Fəxrəddin Vəliyev açaraq, Milli Məclisə seçkilərə hazırlıqla bağlı görülmüş işlər barədə, eyni zamanda, namizədlərin təbliğat-təşviqat kampaniyasının həyata keçirilməsi prosesinin uğurla davam etməsi haqqında məlumat verib. Həmçinin F.Vəliyev Yeni Azərbaycan Partiyasının namizədləri Sahibə Qafarovanın, Sona Əliyevanın və Kamran Bayramovun siyasi fəaliyyətləri haqda məlumatı seçicilərin diqqətinə çatdırıb.
F.Vəliyev seçiciləri fəal olmağa və 1 noyabr parlament seçkilərində məntəqələrə gedərək, ümumxalq partiyası olan Yeni Azərbaycan Partiyasının irəli sürdüyü namizədə səs verməyə çağırıb.
98 saylı Şəmkir şəhər Seçki Dairəsindən YAP tərəfindən namizədliyi irəli sürülmüş Sahibə Qafarova çıxış edərək əvvəlcə ölkəmizdə əsası Ulu öndər Heydər Əliyev tərəfindən qoyulmuş, bu gün isə Prezident İlham Əliyev tərəfindən uğurla davam etdirilən siyasət nəticəsində qazanılmış böyük uğurlardan danışıb, eyni zamanda, bu nailiyyətlərin gələcək illərdə də davam edəcəyinə əminliyini ifadə edib. Həmçinin Sahibə Qafarova Yeni Azərbaycan Partiyasının dövlətçiliyimizin inkişafı, xalqımızın rifahının daha da yaxşılaşması istiqamətində görülən işlərdə əvəzsiz rolunu da diqqətə çatdırıb: “Yeni Azərbaycan Partiyası yarandığı gündən bu günədək xalqımızın maraqlarına söykənən fəaliyyəti ilə böyük uğurlar qazanıb. Mənim üçün həm şərəf, həm də məsuliyyətdir ki, regionun ən güclü partiyası olan Yeni Azərbaycan Partiyası tərəfindən namizədliyim irəli sürülüb. Ona görə də bu etimadı doğrultmaq üçün bundan sonra da bütün gücümlə fəaliyyət göstərəcəyimə söz verirəm”.
Daha sonra çıxış edən 99 saylı Şəmkir kənd Seçki Dairəsindən YAP tərəfindən namizədliyi irəli sürülən Sona Əliyeva isə deyib: “Biz hər zaman ədalətli, şəffaf seçkilərin tərəfdarı olmuşuq. Noyabrın 1-də keçiriləcək növbəti parlament seçkilərinin də ədalətli prinsiplərə söykənəcəyinə əminik”.
Seçicilər noyabrın 1-də YAP-ın namizədlərinə səs verəcəklərini bir daha bəyan ediblər.

Paylaş:

Baxılıb: 1041 dəfə