YAP Nərimanov rayon təşkilatının təşəbbüsü ilə Bakı Avrasiya Universitetində tələbə-gənclərlə görüş keçirilib

Bakı:

27 °C

47 %

5 m/s

AZ RU EN

Ana səhifə / YAP xəbərləri / YAP Nərimanov rayon təşkilatının təşəbbüsü ilə Bakı Avrasiya Universitetində tələbə-gənclərlə görüş keçirilib

YAP Nərimanov rayon təşkilatının təşəbbüsü ilə Bakı Avrasiya Universitetində tələbə-gənclərlə görüş keçirilib

01.10.2019 [09:31]

Yeni Azərbaycan Partiyası (YAP) Nərimanov rayon təşkilatının təşəbbüsü ilə Bakı Avrasiya Universitetində tələbə-gənclərlə görüş keçirilib. Görüşdə YAP Nərimanov rayon təşkilatının sədri Təmraz Tağıyev, Bakı Avrasiya Universitetinin prorektoru Gülzar İbrahimova, YAP Nərimanov rayon təşkilatı Gənclər Birliyinin sədri Nərminə Yunusova və fəal gənclər iştirak ediblər.
Tədbiri giriş sözü ilə açan Bakı Avrasiya Universitetinin prorektoru Gülzar İbrahimova bildirib ki, Ulu Öndər Heydər Əliyevin müdrikliyi, uzaqgörənliyi, zəngin dövlətçilik təcrübəsi nəticəsində Azərbaycan dövlətçiliyi məhvolma təhlükəsindən xilas olub. Bu gün müstəqil Azərbaycan Respublikası Prezident İlham Əliyevin rəhbərliyi ilə uğurla gələcəyə doğru addımlayır.
YAP Nərimanov rayon təşkilatının sədri Təmraz Tağıyev çıxışında bildirib ki, Ulu Öndərimiz Heydər Əliyevin yaratdığı Yeni Azərbaycan Partiyası xalqımızın və ölkəmizin həyatını kökündən dəyişdirib, ölkəmizin həyatında yeni mərhələnin əsasını qoyub, yarandığı vaxtdan partiyamız siyasi mübarizələrlə dolu şərəfli bir yol keçib. Onun sözlərinə görə, YAP Ulu Öndər Heydər Əliyevin həyata keçirdiyi siyasətin avanqard qüvvəsi kimi, xalqımızın qarşısında dayanan vəzifələrin həll edilməsinə layiqli töhfəsini verir.
YAP Nərimanov rayon təşkilatı Gənclər Birliyinin sədri Nərminə Yunusova çıxış edərək qeyd edib ki, Yeni Azərbaycan Partiyası gənclər üçün böyük siyasi məktəbdir. Bunun nəticəsi olaraq, onlar siyasətçi kimi formalaşırlar. Gənclərimiz arasında mühüm dövlət strukturlarına irəli çəkilənlərin də sayı çoxdur ki, bunun əsas səbəbi onların partiyamızın yetirmələri olmasıdır. O, partiyanın gəncliyin inkişafı üçün uğurlu fəaliyyət göstərdiyini diqqətə çatdırıb.
Sonra YAP Nərimanov rayon təşkilatının məsləhətçisi, GB-nin sədr müavini Vüsal Əliyev və Bakı Avrasiya Universitetinin mətbuat xidmətinin rəhbəri Kamil Məhəmmədli çıxış edərək bildiriblər ki, Ulu Öndər Heydər Əliyevin rəhbərliyi ilə yaranan YAP qısa müddət sonra iqtidar partiyasına çevrildi. Natiqlər bu gün Ulu Öndərin siyasi kursunun Yeni Azərbaycan Partiyasının Sədri, ölkə Prezidenti İlham Əliyev tərəfindən davam etdirilməsi nəticəsində Azərbaycanın yeni-yeni uğurlar əldə etdiyini və partiyanın gəncliyin inkişafı üçün uğurlu fəaliyyət göstərdiyini diqqətə çatdırıblar.
Sonda Yeni Azərbaycan Partiyasına yeni üzv olan tələbələrə partiyanın üzvlük vəsiqələri təqdim olunub.

Paylaş:

Baxılıb: 875 dəfə