Bələdiyyə seçkiləri YAP üçün uğurlu olub

Bakı:

25 °C

50 %

1 m/s

Əlaqə

AZ RU EN

Ana səhifə / YAP xəbərləri / Bələdiyyə seçkiləri YAP üçün uğurlu olub

Bələdiyyə seçkiləri YAP üçün uğurlu olub

26.12.2009 [10:07]

Siyavuş Novruzov: Bizim apardığımız kampaniya onu deməyə əsas verir ki, yerlərin böyük əksəriyyətini YAP qazanacaq
“Bələdiyyə seçkiləri Yeni Azərbaycan Partiyası (YAP) üçün uğurlu olub. Biz irəli sürdüyümüz namizədlərin böyük əksəriyyətinin bu seçkidə qələbə qazanacağına inanırıq”. Bu sözləri YAP İcra katibinin müavini, Milli Məclisin deputatı Siyavuş Novruzov jurnalistlərlə söhbətində deyib.
S.Novruzov bəzi müxalifət partiyalarının bələdiyyə seçkilərinin ciddi qanun pozuntuları ilə keçməsi haqqında fikirlərinin əsası olmadığını bildirib. Onun sözlərinə görə, müxalifətin heç bir sosial dayağı yoxdur: “Bu iddialarla çıxış edən partiyalar bələdiyyələrə namizəd irəli sürə bilmədilər. Onlar heç məntəqələri müşahidəçilərlə təmin edə bilməmişdilər. Belə olan halda, bu cür iddialarla çıxış etmək heç bir məntiqə uyğun deyil”.
Avropa Şurasının Yerli və Regional Hakimiyyətlər Konqresinin bələdiyyə seçkilərini izləyən müşahidə missiyasının ilkin rəyinə gəlincə, S.Novruzov seçkilərin nəticələri ilə bağlı tənqidləri bölüşmədiyini deyib: “Avropa Şurasının Yerli və Regional Hakimiyyətlər Konqresinin nümayəndələrinin ölkədə keçirilən bu seçkilərə tam qiymət verməsi mümkün deyil. çünki, onlar cəmi 6 nəfər olub. 6 nəfər ölkə üzrə keçirilən seçkiyə necə qiymət verə bilər?! İki ay yarım aparılan seçki prosesinə 6 nəfərin rəy verməsi mümkün olan iş deyil”.
Telekanallarda debatların təşkil olunması ilə bağlı fikirlərə müna-sibət bildirən Siyavuş Novruzov bil-dirib ki, telekanallarda seçkilərlə bağlı məsələlər qanunvericiliyə uyğun olaraq həll edilir: “Seçki Məcəlləsinin tələblərinə görə, namizədləri bələdiyyələrin 2/3-də qeydiyyata alınan partiyalara televiziya və radioda təbliğat aparmaq imkanı verilir. Müxalifətin irəli sürməyə namizədi olmadığı üçün bu imkandan məhrum olmaları başadüşüləndir. Yeganə olaraq Yeni Azərbaycan Partiyası bu haqqa sahib olub. Biz də könüllü olaraq telekanallarda təşviqat aparmaqdan imtina etdik. Telekanallarda debatlar olmalı idi. Amma rəqiblərimiz olmadığı üçün biz də bu yolu seçdik”.
Siyavuş Novruzov, həmçinin, vurğulayıb ki, müxalifət seçkidə irəli sürməyə namizəd tapmadı: “Müxa-lifət necə müşahidə apara bilər ki, nə qədər adam seçkiyə gəlib. Elə adamları varsa, namizəd olardılar. Bu baxımdan mən müxalifətin iddialarını qəbul etmirəm. 3-5 adam kabinetində oturub, seçkiyə qiymət verə bilməz”.
YAP İcra katibinin müavini, eyni zamanda, deyib ki, YAP-ın apardığı kampaniya onu deməyə əsas verir ki, yerlərin böyük əksəriyyətini YAP qazanacaq: “YAP ölkənin ən aparıcı partiyası olduğu üçün buna şübhəmiz yoxdur. Son nəticələrdə böyük üstünlük bizim olacaq”.

Paylaş:

Baxılıb: 1400 dəfə