YAP Gəncə şəhər təşkilatında ekoloji problemlərlə bağlı qarşıda duran vəzifələr müzakirə edilib

Bakı:

2 °C

93 %

12 m/s

AZ RU EN

Ana səhifə / YAP xəbərləri / YAP Gəncə şəhər təşkilatında ekoloji problemlərlə bağlı qarşıda duran vəzifələr müzakirə edilib

YAP Gəncə şəhər təşkilatında ekoloji problemlərlə bağlı qarşıda duran vəzifələr müzakirə edilib

25.02.2010 [09:34]

Dünən YAP Gəncə şəhər təşkilatı İdarə Heyətinin geniş iclası keçirilib. İclasda 2010-cu ilin “Ekologiya ili” elan olunması ilə əlaqədar Azərbaycan Prezidenti yanında ekoloji problemlərə həsr olunmuş müşavirədə Prezident İlham Əliyevin qarşıya qoyduğu vəzifələr və onların icrasına YAP ərazi ilk partiya təşkilatlarının səfərbər edilməsi haqqında məsələlər müzakirə olunub.
İclası giriş sözü ilə YAP Gəncə şəhər təşkilatının sədri, professor İsrafil İsmayılov açaraq vurğulayıb ki, Azərbaycan Respublikasının Prezidenti İlham Əliyev ölkəmizdə ekoloji məsələlərin həllinə böyük diqqət göstərir: “Uzun illərdir ki, ölkəmizdə bu istiqamətdə geniş işlər görülür. Ətraf mühitin qorunması sahəsində strateji proqramlar müvəffəqiyyətlə icra edilir. 2006-cı ildən başlayaraq “Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər Planı” çərçivəsində görülən işlər nəticəsində mövcud problemlərin həllinə, xüsusilə Bakı şəhəri və Abşeron yarımadasında ətraf mühitin yaxşılaşdırılması istiqamətində aparılan işlərə böyük təkan verilmişdir. ölkə Prezidenti cənab İlham Əliyevin yanında 18 fevral 2010-cu il tarixdə keçirilmiş ekoloji problemlərə həsr olunmuş müşavirədə respublikada ekologiya sahəsində görülən işlər ətraflı müzakirə edilmişdir”.
Natiq öz çıxışında vurğulayıb ki, Azərbaycan Prezidentinin ekoloji problemlərlə bağlı qarşıya qoyduğu vəzifələr olduqca zəruri və vacibdir.
Tövsiyə edilib ki, ayrı-ayrı təşkilatların yerləşdiyi ərazilərdə ekoloji vəziyyətin yaxşılaşdırılması məqsədi ilə mövcud imkanlar nəzərdən keçirilsin və tədbirlər planı tərtib edilsin.
Qərara alınıb ki, əhalini maarifləndirmək məqsədi ilə ali, orta ixtisas və orta məktəblərdə ətraf mühitin qorunması, ekoloji tarazlığın bərpası problemlərinə həsr edilmiş dəyirmi masalar keçirilsin. Ali məktəblərdə bərpa edilən alternativ enerji mənbələrinin yaradılmasına həsr edilmiş elmi- tədqiqat işlərinin başlanmasına və real nəticələrin əldə edilməsinə nail olunsun. Gəncə çayının şəhərin ərazisindən keçən hissəsinin, çayın vadisinin təbii və məişət tullantılarından, zibillərdən təmizlənməsi kampaniyasının davam etdirilməsi məqbul sayılıb. Gəncə şəhər televiziya kanallarında “Ekologiya-2010” rubrikası ilə həftəlik maarifləndirici verilişlərin təşkilinə və verilişlərdə şəhərimizdə ekologiyanın yaxşılaşdırılması, içməli su və kanalizasiya probleminin həlli istiqamətində görülən işlərin ekologiyaya həsr edilmiş verlişlərin, əsərlərin müzakirəsinin keçirilməsi, başqa tədbirlərin ətraflı işıqlandırılması və geniş ictimaiyyətə çatdırılmasına diqqətin artırılması tövsiyə edilib.
Şəhərdə ekoloji cəhətdən “Ən yaxşı küçə”, “Ən yaxşı məhəllə” və s. devizi ilə müsabiqələrin keçirilməsi, nəticələrin təhlil edilərək qiymətləndirilməsi məqsədəuyğun sayılıb.
İdarə Heyətinin iclasında 45 nəfər partiya sıralarına qəbul edilib.
Azərbaycan Prezideni İlham Əliyevin yanında ekoloji problemlərə həsr olunmuş müşavirədə dövlət başçısının proqram xarakterli nitqindən irəli gələn vəzifələrin yerinə yetirilməsinə YAP ərazi təşkilatlarının daha fəal qoşulmasını əks etdirən tədbirlər planı təsdiq edilib.

Paylaş:

Baxılıb: 1267 dəfə