YAP Gənclər Birliyi “Hər birimiz əsgərik” adlı onlayn tədbir keçirib

Bakı:

19 °C

63 %

4 m/s

Əlaqə

AZ RU EN

Ana səhifə / YAP xəbərləri / YAP Gənclər Birliyi “Hər birimiz əsgərik” adlı onlayn tədbir keçirib

YAP Gənclər Birliyi “Hər birimiz əsgərik” adlı onlayn tədbir keçirib

14.07.2020 [08:31]

İyulun 13-də Yeni Azərbaycan Partiyasının (YAP) Gənclər Birliyi Ermənistan silahlı qüvvələri tərəfindən Tovuz rayonu istiqamətində sərhəd xəttində törədilən təxribatla bağlı “Hər birimiz əsgərik” adlı videokonfrans formatında tədbir keçirib.
YAP Gənclər Birliyindən AZƏRTAC-a bildiriblər ki, tədbirdə çıxış edən Birliyin sədr müavini, Milli Məclisin deputatı Ramin Məmmədov Azərbaycan Silahlı Qüvvələrinin Ali Baş Komandan İlham Əliyevin səyləri nəticəsində inkişafının yeni mərhələsinə qədəm qoyduğunu diqqətə çatdırıb. O qeyd edib ki, hazırda dünya çox çətin dönəm yaşayır. Koronavirus pandemiyasının geniş coğrafiyada yayılaraq bütün bəşəriyyətin bəlasına çevrildiyi zamanda mənfur düşmən işğalçılıq ənənələrinə sadiq qalaraq Tovuz rayonu istiqamətində sərhəd xəttində təxribat törədib. Bununla da Ermənistan tərəfi süni gərginlik yaradaraq yenə də qeyri-konstruktivlikdən əl çəkməyəcəyini, yeni ərazilər əldə etmək cəhdinin işğalçının növbəti təxribatı olduğunu göstərdi. Lakin reallıq ondan ibarətdir ki, Azərbaycan Ordusu ən şərəfli missiyasının, torpaqlarımızın işğaldan azad edilməsi ilə bağlı müqəddəs vəzifəsinin öhdəsindən gəlməyə hər an hazırdır. Fərəhləndirici haldır ki, qısa müddətdə böyük inkişaf yolu keçmiş Azərbaycan Ordusu hazırda Cənubi Qafqaz bölgəsinin ən güclü Silahlı Qüvvəsinə çevrilib. Aprel döyüşləri, eləcə də Naxçıvan zəfəri və iyulun 13-də Tovuz rayonu istiqamətində sərhəd xəttində gedən döyüşlər bunu deməyə əsas verir ki, bu gün Silahlı Qüvvələrimiz qarşısında dayanmış istənilən vəzifəni yerinə yetirmək iqtidarındadır.
Sonra konfransda çıxış edən Milli Məclisin deputatları Şahin İsmayılov, Naqif Həmzəyev, Cavid Osmanov və Jalə Əliyeva Azərbaycan Silahlı Qüvvələrinin kəmiyyət və keyfiyyət baxımından komplektləşdirilməsi, peşəkarlıq səviyyəsinin yüksəldilməsi, maddi-texniki bazasının gücləndirilməsi, hərbçilərin sosial rifah halının ildən-ilə yaxşılaşdırılması, ordu hissələrinin müasir texnika və avadanlıqla təchiz edilməsi, habelə beynəlxalq təcrübənin mənimsənilməsi istiqamətində kompleks tədbirlərin həyata keçirildiyini vurğulayıblar. Prezident İlham Əliyevin ordunun inkişafına daim qayğı göstərməsi, onun daha da qüdrətli olması üçün bütün tədbirləri həyata keçirməsi sayəsində güclü Milli Ordumuz gündən-günə daha da təkmilləşir. Bu gün ordumuzun qarşısında çox mühüm vəzifələr durur. Əsas vəzifə torpaqlarımızın düşmən əsarətindən azad edilməsidir. Bu vəzifəni layiqincə yerinə yetirmək üçün hər cür imkan var.
İyulun 12-13-də mənfur düşmənin atəşkəs rejimini kobud surətdə pozaraq Ermənistan və Azərbaycanın dövlət sərhədinin Tovuz rayonu istiqamətində Azərbaycan Silahlı Qüvvələrinin mövqelərini atəşə tutaraq hücuma keçməsi koronavirus pandemiyasına qarşı bütün dünya ölkələrinin çətin bir şəraitdə mübarizə apardıqları zamanda Ermənistanın bu təxribatı törətməsi təcavüzkarın əsl simasını bir daha bütün dünyaya göstərdi. Dünya birliyi təcavüzkar Ermənistanın Azərbaycana qarşı bu növbəti təxribatını, işğalçılıq siyasətini pisləməlidirlər. Azərbaycanın rəhbərliyi dəfələrlə bəyan edib ki, Azərbaycan bu münaqişənin dinc yolla, danışıqlar vasitəsilə həll edilməsinin tərəfdarıdır.
Onlayn konfransda çıxış edən YAP Gənclər Birliyi sədrləri və fəal üzvləri Fərid Vaqifli, Sahil Hüseynzadə, Namini Namidə, Elvin Həsilov çıxışlarında YAP-ın fəal gənci kimi hər an döyüşə hazır olduqlarını, Vətən qarşısındakı övladlıq borcunu yerinə yetirməyə, doğulduqları Vətən torpaqlarını göz bəbəyi kimi qorumaq üçün müzəffər bir gənc olduqlarını diqqətə çatdırıblar.

Paylaş:

Baxılıb: 548 dəfə