Ziyafət Şahmarov: Azərbaycan dünyada yüksək nüfuza sahib olan dövlətdir

Bakı:

11 °C

93 %

4 m/s

Əlaqə

AZ RU EN

Ana səhifə / YAP xəbərləri / Ziyafət Şahmarov: Azərbaycan dünyada yüksək nüfuza sahib olan dövlətdir

Ziyafət Şahmarov: Azərbaycan dünyada yüksək nüfuza sahib olan dövlətdir

30.07.2020 [09:59]

“Koronavirus pandemiyası insanların həyatını təhlükə altına qoyan ciddi sağlamlıq problemləri yaratmaqla bərabər, mənfi fəsadları hələ uzun müddət hiss olunacaq sarsıdıcı qlobal sosial-iqtisadi və humanitar təhlükələr meydana çıxarıb. Koronavirus pandemiyasına qarşı mübarizədə yalnız milli səviyyələrdə görülən tədbirlər yetərli deyil. Dünya müharibəsi ilə müqayisə olunan COVID-19 pandemiyası şəraitində özünütəcrid və franqmentar xarakter daşıyan tədbirlər əvəzinə, qlobal həmrəyliyə və qlobal baxışa böyük ehtiyac var. İndiki çətin dövrdə ölkələrin bir-birilərindən təcrid olunmaları, özlərinə qapanmaları vəziyyəti daha da ağırlaşdırır”.
Bu fikirləri Yeni Azərbaycan Partiyası (YAP) Cəlilabad rayon təşkilatının sədr müavini Ziyafət Şahmarov deyib.
Z.Şahmarov bildirib ki, daim birləşdirici, sabitləşdirici mövqeyi ilə dünyanın diqqətində olan Azərbaycan bu müddətdə daxili tədbirləri ilə yanaşı, eyni zamanda, mühüm beynəlxalq təşəbbüslərlə çıxış edir: “Prezident İlham Əliyevin təklifi ilə mayın 4-də Qoşulmama Hərəkatının Təmas Qrupunun COVID-19 pandemiyası ilə mübarizəyə həsr edilmiş onlayn Zirvə görüşü keçirilib. Prezident İlham Əliyev Qoşulamama Hərəkatının onlayn Zirvə görüşündə çıxışı zamanı qlobal həmrəyliyin nümunəsi kimi pandemiya ilə mübarizə məqsədilə BMT Baş Assambleyasının dövlət və hökumət başçıları səviyyəsində videokonfrans vasitəsilə xüsusi sessiyasının keçirilməsi təklifi ilə çıxış etdi. Xüsusi sessiyasının keçirilməsi üçün BMT Baş katibinə müraciət ünvanladı və qısa müddət ərzində təşəbbüsü 130-a qədər dövlət dəstəklədi. 130-a qədər BMT üzv dövləti tərəfindən Qoşulmama Hərəkatının sədri statusunda Prezident İlham Əliyevin BMT Baş Assambleyasının xüsusi sessiyasının keçirilməsi barədə təşəbbüsünün dəstəklənməsi beynəlxalq ictimaiyyət tərəfindən ölkəmizə olan böyük etimadın və hörmətin növbəti göstəricisidir”.
Z.Şahmarov söyləyib ki, dünyanın birləşdiyi, həmrəyliyin göstərildiyi bir dövrdə yalnız bir dövlət bu təşəbbüsə qarşı çıxdı ki, bu da işğalçı Ermənistandır: “Bu ölkə dünyamızın üzləşdiyi belə bir çətin zamanda, ən ali dəyər olan insan sağlamlığı məsələsinin beynəlxalq platformada müzakirəsinə dəstək vermədi. Beləliklə, təcavüzkar Ermənistan növbəti dəfə əsl dəyərlərinin nədən ibarət olduğunu nümayiş etdirərək özünü ifşa etdi”.

Paylaş:

Baxılıb: 591 dəfə