Cəmilə İsmayılova: Ermənistan təkcə Azərbaycan üçün deyil, bütövlükdə regionumuza böyük təhlükələr və təhdidlər yaradır

Bakı:

23 °C

68 %

7 m/s

AZ RU EN

Ana səhifə / YAP xəbərləri / Cəmilə İsmayılova: Ermənistan təkcə Azərbaycan üçün deyil, bütövlükdə regionumuza böyük təhlükələr və təhdidlər yaradır

Cəmilə İsmayılova: Ermənistan təkcə Azərbaycan üçün deyil, bütövlükdə regionumuza böyük təhlükələr və təhdidlər yaradır

19.08.2020 [08:57]

“Azərbaycan-Ermənistan sərhədinin Tovuz rayonu istiqamətində Ermənistan tərəfindən törədilən təxribatlar fonunda respublikamızın hər zaman yüksək tərəfdaşlıq əlaqələrinə sahib olduğu bəzi dövlətlərin işğalçı ölkəyə silah göndərməsi cəmiyyətimizdə müəyyən sualların ortaya çıxmasına səbəb olub. Belə ki, Tovuz istiqamətində iyul ayının ortalarında törədilən təxribatlardan bir neçə gün əvvəl Serbiyadan Ermənistana çox sayda silah-sursat göndərilməsi məsələsi Azərbaycanda böyük təssüf hissi yaradıb. Avqustun 7-də Serbiya Prezidenti Aleksandr Vuçiç Azərbaycan Prezidenti İlham Əliyevə zəng edərək, Ermənistanıın istifadəsinə Serbiya istehsalı silahların verilməsi ilə bağlı təssüf hissi keçirdiyini bildirib və məsələni araşdırmaq üçün Azərbaycana nümayəndə heyəti göndərib”.
Bu sözləri YAP Binəqədi rayon təşkilatı Gənclər Birliyinin sədr müavini Cəmilə İsmayılova deyib.
C.İsmayılova deyib ki, digər bir məqam isə Azərbaycan-Ermənistan sərhədinin Tovuz istiqamətində törədilən təxribatdan dərhal sonra, iyulun 17-dən avqustun 6-a qədər Rusiyadan Ermənistana 400 tondan çox silah-sursat göndərilməsi olub: “Ermənistan - Azərbaycan Dağlıq Qarabağ münaqişəsinin tənzimlənməsində ATƏT-in Minsk qrupunun həmsədrlərindən olan Rusiyanın indiki məqamda Azərbaycana qarşı işğalıçı siyasət yürüdən Ermənistana bu qədər böyük miqdarda silah göndərməsi cəmiyyətimizdə ciddi narazılıq doğurub. Çünki işğalçı ölkəyə dəstək verən dövlətlər nəzərə almalıdırlar ki, Ermənistan təkcə Azərbaycan üçün deyil, bütövlükdə regionumuza böyük təhlükələr və təhdidlər yaradır”.
“Prezident İlham Əliyevin rəhbərliyi ilə Azərbaycan xalqı həmişə öz milli maraqlarına zidd olan addımlara sərt reaksiyası ilə seçilib. Bu dəfə də dövlətimizin başçısı Rusiya Prezidenti ilə telefon söhbəti zamanı bu məsələni qaldırıb. Söhbət zamanı Ermənistan silahlı qüvvələrinin Azərbaycan-Ermənistan sərhədinin Tovuz istiqamətində törətdiyi təxribat əsas müzakirə mövzusu olub. Onu da qeyd edim ki, Azərbaycanda güclü xalq-iqtidar birliyi mövcud olduğu üçün hər zaman olduğu kimi bu məsələdə də vətəndaşlarımız Prezidentimizin ətrafında sıx birləşərək öz dəstəyini verir”, - deyə C.İsmayılova bildirib.

Paylaş:

Baxılıb: 706 dəfə