YAP Nərimanov rayon təşkilatının Gənclər Birliyi 2 Fevral - Gənclər Gününə həsr olunmuş tədbir keçirib

Bakı:

19 °C

52 %

1 m/s

AZ RU EN

Ana səhifə / YAP xəbərləri / YAP Nərimanov rayon təşkilatının Gənclər Birliyi 2 Fevral - Gənclər Gününə həsr olunmuş tədbir keçirib

YAP Nərimanov rayon təşkilatının Gənclər Birliyi 2 Fevral - Gənclər Gününə həsr olunmuş tədbir keçirib

03.02.2021 [09:04]

Yeni Azərbaycan Partiyası (YAP) Nərimanov rayon təşkilatının Gənclər Birliyinin təşəbbüsü ilə 2 Fevral - Gənclər Gününə həsr olunmuş onlayn tədbir keçirib. Tədbiri giriş sözü ilə açan YAP Nərimanov rayon təşkilatı Gənclər Birliyinin sədri Nərminə Yunusova ölkəmizdə həyata keçirilən gənclər siyasətinin əhəmiyyətindən danışıb. O, bildirib ki, Ümummilli Lider Heydər Əliyevin əsasını qoyduğu dövlət gənclər siyasəti bu gün də uğurla davam etdirilir. Prezident İlham Əliyevin rəhbərliyi ilə gənclərin fərdi inkişafına təkan verən Dövlət proqramları həyata keçirilir. Azərbaycan gəncləri ölkə həyatının bütün sahələrində təmsil olunur və özlərini doğruldurlar.
N.Yunusova vurğulayıb ki, hər bir ölkədə gənclər cəmiyyətin aparıcı qüvvəsidir. Bu gün Azərbaycanda yüksək intellektual səviyyəyə, vətənpərvərlik hissinə, milli düşüncəyə malik gənclər formalaşır. Hazırda respublikada mövcud olan yüzlərlə qeyri-hökumət gənclər təşkilatının aktiv fəaliyyəti dövlətin yaratdığı şərait sayəsində mümkün olub. Dövlətin gənclərə dəstək və diqqət göstərməsi Azərbaycan gəncliyində öz gücünə inam hissini artırır. Onun sözlərinə görə, geridə qoyduğumuz 2020-ci il Azərbaycan tarixinə qızıl hərflərlə yazıldı. Belə ki, Müzəffər Ali Baş Komandan İlham Əliyevin əmri ilə qəhrəman əsgər və zabitlərimiz cəmi 44 günə öz canları, qanları bahasına 30 ilə yaxındır işğal altında olan əzəli torpaqlarımızı düşməndən azad etdilər. Bu hərbçilərin böyük hissəsini isə gənclər təşkil edir.
Tədbirdə sonra Aprel döyüşlərinin və Vətən müharibəsinin iştirakçısı, YAP Xətai rayon təşkilatı Gənclər Birliyinin sədr müavini Sadiq Mirzəzadə çıxış edərək döyüşlərdə Azərbaycan Ordusunun göstərdiyi şücaətdən geniş bəhs edib, ordu sıralarında əsgərlərin Vətənə olan sevgisindən danışıb.
Daha sonra YAP Nərimanov rayon təşkilatı Gənclər Birliyinin sədr müavinləri Vüsal Əliyev və Tamerlan Əkbərov, fəal gənc Aysel Tahirova və digərləri çıxış edərək, ölkəmizdə gənclərin inkişafı istiqamətində atılan uğurlu addımlardan bəhs ediblər. Çıxış edənlər həmçinin 44 günlük Vətən müharibəsində qazanılan Zəfərlə Azərbaycanın adını tarixə qızıl hərflərlə yazdıran qüdrətli Azərbaycan Ordusunun sıralarında yer alan gənclərlə qürur duyduqlarını söyləyiblər.

Paylaş:

Baxılıb: 716 dəfə