Heydər Əliyev
yeni azerbaycan logo

Ana səhifə / YAP xəbərləri / Naqif Həmzəyev: Parlamentin buraxılacağı ilə bağlı səsləndirilən iddialar həqiqəti əks etdirmir

Naqif Həmzəyev: Parlamentin buraxılacağı ilə bağlı səsləndirilən iddialar həqiqəti əks etdirmir

11.08.2021 [09:17]

“Parlamentin buraxılacağı ilə bağlı səsləndirilən iddialar həqiqəti əks etdirmir. Bu, radikal müxalifətin, eləcə də xaricdəki müəyyən antiazərbaycançı qüvvələrin ortaya atdığı iddiadır”. Bu sözləri Yeni Azərbaycan Partiyası (YAP) Gəncə şəhər təşkilatının sədri, Milli Məclisin deputatı Naqif Həmzəyev deyib.
N.Həmzəyev bildirib ki, həmin qüvvələrin məqsədi ictimai rəyi yanıltmaqdır: “Azərbaycanda hakimiyyətin bütün qolları koordinasiyalı şəkildə fəaliyyət göstərir. 44 günlük Vətən müharibəsindən sonra Böyük Qayıdış proqramı üzrə işlər davam etdirilir. Sonuncu parlament seçkilərindən sonra da Milli Məclisdə xeyli işlər görülüb. Hesab edirəm ki, parlament həm 44 günlük Vətən müharibəsində, həm də pandemiya dövründə öz missiyasını layiqincə yerinə yetirdi. Beləliklə, biz parlament diplomatiyasından uğurla istifadə edə bildik. Parlamentdə çoxlu sayda iclas və dinləmələr keçirilib. Bu cür şayiələrin yayılması ermənipərəst qüvvələrin istəyidir. Bizim əsas hədəfimiz Qarabağa qayıdış proqramını həyata keçirmək, yenidənqurma işlərini tamamlamaqdır. Bizi əsas hədəflərimizdən heç kim yayındıra bilməz. Bu cür şayiələri ciddi qəbul etməmək lazımdır”.

Paylaş:
Baxılıb: 625 dəfə

Xəbər lenti

Hamısına bax

Xəbər lenti

Sosial

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31