Münhen Təhlükəsizlik Konfransı Azərbaycan diplomatiyasının növbəti zirvəsi oldu

Bakı:

25 °C

61 %

4 m/s

Əlaqə

AZ RU EN

Ana səhifə / YAP xəbərləri / Münhen Təhlükəsizlik Konfransı Azərbaycan diplomatiyasının növbəti zirvəsi oldu

Münhen Təhlükəsizlik Konfransı Azərbaycan diplomatiyasının növbəti zirvəsi oldu

20.02.2023 [11:49]

“Dünyanın siyasi və iqtisadi elitasının 800 nəfərdən çox təmsilçisinin dəvət olunduğu 59-cu Münxen Təhlükəsizlik Konfransı bu dəfə də Azərbaycan üçün uğurlu oldu. Konfransda iştirak edən Prezident İlham Əliyevin Avropa İttifaqı Şurasının Prezidenti, ATƏT-in Baş katibi, Avropa İnvestisiya Bankının prezidenti, İsrail Dövlətinin müdafiə naziri və digər rəsmi şəxslərlə görüşlər keçirməsi, eləcə də “Boru arzuları: Gələcəyə uyğun enerji təhlükəsizliyi” mövzusunda dəyirmi masada və "Dağları aşmaq? Cənubi Qafqazda təhlükəsizliyin qurulması" mövzusunda plenar iclas çıxışlar etməsi növbəti dəfə dünyanın ölkəmizə olan marağını və Prezident İlham Əliyevin dünya siyasətindəki yüksək nüfuzunu təsdiq etmiş oldu. Bütövlükdə, konfransın gündəliyini və gedişatını təhlil etdikdə bir daha əmin oluruq ki, Münhen Təhlükəsizlik Konfransı Azərbaycan diplomatiyasının növbəti zirvəsi oldu”. Bunu Yeni Azərbaycan Partiyası Nizami rayon təşkilatının sədri Ramil Vəlibəyov deyib.

Ramil Vəlibəyov bildirib ki, Münxen Təhlükəsizlik Konfransında Azərbaycanın qlobal enerji siyasətindəki yeri və rolu barədə növbəti dəfə danışılıb: “Azərbaycanın son 1 il ərzində Avropanın enerji təhlükəsizliyi üçün atdığı addımlar bir daha təqdir edilib. Cənubi Qaz Dəhlizi, TANAP, TAP layihələri, eləcə də interkonnektorlar, Balkan ölkələrinin enerji təhlükəsizliyinə verilən töhfələr, həmçinin, bərpaolunan enerji sahəsində Azərbaycanın təşəbbüsləri alqışlanıb və yüksək dəyərləndirilib. Artıq reallıq ondan ibarətdir ki, Azərbaycan Avropa qitəsi üçün “xilas mənbəyi”nə, daha doğrusu “təhlükəsizlik kəməri”nə çevrilib”.

“Münxen Təhlükəsizlik Konfransında ən böyük diqqət cəlb edən müzakirələrdən biri də heç şübhəsiz ki, Azərbaycan-Ermənistan münasibətlərinə dair idi” – deyən Ramil Vəlibəyov əlavə edib ki, hələ 3 il öncə “Kokeyşn büro” ilə yadda qalan Paşinyanın bu dəfə də beynəlxalq ictimaiyyəti güldürəcək fikirləri ilə gündəmə gələcəyi gözlənilirdi: “Daha önəmli məsələ isə o idi ki, Azərbaycan Prezidenti İlham Əliyev bu dəfə də ölkəmizin mövqeyini qətiyyətli şəkildə müdafiə etdi, milli maraqlardan irəli gələn fikirlərini səsləndirdi. Bir daha bütün dünya Laçın-Xankəndi yolunda blokada olmadığını başa düşdü, Ermənistanla olan münasibətlərin normallaşdırılması üçün Azərbaycanın ədalətli mövqeyini eşitdi. Bir sözlə, Münxen Təhlükəsizlik Konfransı bütün istiqamətlərdə Azərbaycan üçün əhəmiyyətli oldu və perspektiv addımların atılması üçün əlverişli istinada çevrildi”.

Paylaş:

Baxılıb: 587 dəfə