Mehriban Zeynalova: "Uşaqlara şəxsiyyət kimi hörmətlə yanaşmalıyıq"

Bakı:

25 °C

66 %

8 m/s

Əlaqə

AZ RU EN

Ana səhifə / Xəbər lenti / Mehriban Zeynalova: "Uşaqlara şəxsiyyət kimi hörmətlə yanaşmalıyıq"

Mehriban Zeynalova: "Uşaqlara şəxsiyyət kimi hörmətlə yanaşmalıyıq"

10.04.2024 [13:30]

Yaşadığımız dövrdə uşaqların problemlərinin həlli, uşaq hüquqlarının qorunması ən aktual vəzifələrdən biridir. Lakin son zamanlar müxtəlif kütləvi informasiya vasitələrində, sosial şəbəkələrdə ailədə, ümumtəhsil müəssisələrində uşaqlara qarşı zorakılq hallarının baş verməsi ilə əlaqədar görüntülər yayımlanır. Bəs uşaqlara qarşı belə halların yol verilməməsi üçün cəmiyyət olaraq necə diqqətli olmalıyıq? Suallarımızı "Təmiz Dünya" Qadınlara Yardım İctimai Birliyinin sədri Mehriban Zeynalova cavablandırıb.

- Mehriban xanım, ölkəmizdə uşaq hüquqları layiqincə müdafiə olunurmu?

- "Uşaq hüquqlarına dair strategiya"nın təsdiqindən sonra qanunvericilik aktlarının təkmilləşdirilməsi və uşaqlara dəstək proqramlarında çeviklik xeyli diqqət cəlb edir. Lakin hələ uşaq hüquqlarının müdafiəsi məsələsi tam formalaşmayıb. Baxmayaraq “Uşaq hüquqları haqqında” Qanun qəbul edilib və “Uşaq hüquqlarına dair”Konvensiyaya qoşulmuşuq, lakin boşluqlar hər zaman aşkarlanır. Yerdə qalan problemlərin həlli üçün tədbirlər görülməkdədir.

- Ailə daxili münaqişələr uşaqların gələcək həyatına necə təsir göstərir?

- Dəfələrlə ailədaxili münaqişələrin şahidi olan uşaqlar gələcəkdə cinayətkarlığa meyilli ola bilərlər. Biz bundan narahatıq. Uşağının gözünün qarşısında anası döyülürsə, öldürülürsə, uşaq ya qurbana çevrilir, ya qatilə. Bizi burda narahat edən daha çox uşaqların mənafeyidir.

- Son vaxtlar uşaqların sosial şəbəkələrə çox meyilli olması onların ailədən uzaqlaşmasına səbəb olurmı sizcə?

- Erkən yaşda hədsiz çox informasiya axınına düşən uşaqlarda şəxsiyyət dəyişikliyi ola bilər. Çünki onlar alınan məlumatları filtirdən keçirmək bacarıqlarına malik olmur, bəzi hallarda isə alınan məlumatın kim tərəfindən nə məqsələ yayılmasını araşdırmaq bacarıqları olmur. Bu baxımdan sosial şəbəkələrə erkən qoşulmuş uşaqlar üçün təhlükələr çoxdur və onaların müxtəlif cinayətlərin qurbanına çevrilməsi halı qaçılmaz olur.

- Necə düşünürsünüz, uşaqların hansısa qruplaşmaların təsiri altına düşməsində başlıca günahkar valideyn sayıla bilər?

- Valideynləri bütün məsələlərdə ittiham etmək doğru deyil. Mühit uşaqların sosial şəbəkələrə meyli üçün münbitdir. Uşaqlar bəzən gizlicə sosial şəbəklərə qoşula və ya dostlarının imkanlarından bəhrələnə bilərlər. Bir çox valideynlər uşaqlarının sosial şəbəkələrdə hansı məlumatlara girişin izləyə bilir və bununla da basqı etmədən nəzarət mexanizmi qurulur. Lakin bəzi valideynlərin bu barədə məlumatlı olmur və yaxud bütün günü işdə olduqları üçün uşaqlarına nəzarət edə bilmirlər.

- Bəs cəmiyyət olaraq nə etməliyik?

- Cəmiyyət olaraq daha çox məlumatlandırma və həssas yanaşmanı seçməliyik. Uşaqlara şəxsiyyət kimi hörmətlə yanaşaraq onların yaş həddinə uyğun məlumatlar paylaşsaq və texnologiyalardan istifadə qaydalarını öyrədərək, sosial şəbəkələrin üstün maraqlarını artıra biləsək, bu halı müsbət mənada dəyişə bilərik.

Havar Şəfiyeva

Paylaş:

Baxılıb: 646 dəfə