Heydər Əliyev
yeni azerbaycan logo

Ana səhifə / Xəbər lenti / Qafar Çaxmaqlı: Parlament seçkilərinə beynəlxalq diqqətin yüksək olması bizi qürurlandırır

Qafar Çaxmaqlı: Parlament seçkilərinə beynəlxalq diqqətin yüksək olması bizi qürurlandırır

13.08.2024 [15:05]

“Son 4 ildə baş verən siyasi və hərbi proseslər ölkəmiz üçün olduqca mühüm və qürurverici reallıqlar formalaşdırıb. Xüsusilə, torpaqlarımızın işğaldan azad edilməsi, suverenliyimizin tam bərpa olunması müstəqillik tariximizdə yeni siyasi mərhələnin, yeni siyasi eranın başlanğıcını qoydu”. Bu fikirləri  “Seçki 2024”  Müstəqil Media Mərkəzinə Türkiyənin Erciyes Universitetinin professoru, Araşdırmaçı Jurnalistlər Liqası İctimai Birıliyinin sədri Qafar Çaxmaqlı deyib.

O bildirib ki, VII çağırış Milli Məclisə seçkilərin bütün ölkə ərazisində keçirilməsi ilk növbədə yurd həsrəti çəkən, haqqı və hüququ pozulmuş insanlarımızın gələcəyə inam hissini artırır: “30 ildən sonra Böyük Qayıdış proqramı əsasında doğma yurd yerlərinə qayıdan vətəndaşlarımız öz ərazilərində ilk dəfə səs verəcəklər. Bu, həm böyük xoşbəxtlik, həm də böyük qürurverici haldır”.

Professor əlavə edib ki, müasir siyasi çağırışlar daima mütərəqqi addımların atılmasını zərurətə çevirir. “Azərbaycan  Cənubi Qafqazın lider ölkəsidir. Ölkəmiz böyük bir coğrafiyada aparıcı siyasi-iqtisadi aktora çevrilib. Bunu sübut edən faktorlardan biri bu il ölkəmizdə keçiriləcək COP29 tədbiridir. Dünya üçün də Azərbaycanın önəmi artmaqdadır. Sentyabrın 1-də baş tutacaq parlament seçkilərinə beynəlxalq diqqətin daha çox ayrılması da fikrimizi təsdiq edir. Bu da təbii ki, bizi qürurlandırır. Əminəm ki, bu seçkilər demokratik prinsiplərə uyğun  əsas institutun - yeni dövrün yeni parlamentinin formalaşdırılması ilə nəticələnəcək”.

Paylaş:
Baxılıb: 356 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31