Əfqanıstan ətrafında geosiyasi situasiya dəyişir

Bakı:

4 °C

65 %

8 m/s

Əlaqə

AZ RU EN

Ana səhifə / Xəbər lenti / Əfqanıstan ətrafında geosiyasi situasiya dəyişir

Əfqanıstan ətrafında geosiyasi situasiya dəyişir

08.12.2021 [11:19]

Pərviz Sadayoğlu

Artıq dünyanın bir sıra dövlətləri, o cümlədən qonşu ölkələr Əfqanıstanla, daha doğrusu, yeni hakimiyyətlə münasibətləri tənzimləmək üçün addımlara hazır olduqlarının anonsunu verirlər. Məsələn, Özbəkistan Prezidenti Şavkat Mirziyoyev xarici KİV-lərə müsahibəsində bildirib ki, Əfqanıstanda sülhün və sabitliyin əldə edilməsi onun inkişafı üçün yol açacaq, həmçinin regional və beynəlxalq əhəmiyyətli iri iqtisadi və enerji layihələrinin həyata keçirilməsi üçün yeni strateji imkanlar yaradacaq. Özbəkistan lideri vurğulayıb ki, əgər əlaqələndirilmiş effektiv tədbirlər görülməsə, Əfqanıstan uzun müddət regional təhlükəsizliyə yeni çağırışlar və təhdidlər mənbəyi olaraq qala bilər. Ş.Mirziyoyev Əfqanıstanın transregional əlaqələrin təşviqində əhəmiyyətinə diqqət çəkərək qeyd edib ki, Əfqanıstanın iqtisadi cəhətdən yenidən qurulması burada davamlı və uzunmüddətli sülhün təmin edilməsi üçün əvəzsiz şərtdir: “Bu baxımdan, vəziyyətin gərginləşməsinin qarşısını almaq üçün yeni hakimiyyətlə dialoqu inkişaf etdirmək, əfqan xalqına sosial-iqtisadi və humanitar yardımı davam etdirmək lazımdır. Əfqanıstanda genişmiqyaslı humanitar böhranın, onun beynəlxalq təcrid olunmasının qarşısını almaq son dərəcə vacibdir”.

Xatırladaq ki, bir müddət öncə bəzi Qərb dövlətləri də Əfqanıstanda siyasi təmsilçiliklərini - səfirlikləri yenidən bərpa edəcəklərini bildirmişdilər. Bu, beynəlxalq aləmin artıq Əfqanıstanın yeni hökuməti ilə münasibətləri formalaşdırmaq üçün addımlar atmağa hazır olduğunu göstərir. Artıq Əfqanıstana və “Taliban”a münasibətdə tərəflər müəyyənləşir.

Vurğulanmalıdır ki, Əşrəf Qəninin ölkəni tərk etməsinin ardından faktiki hakimiyyəti ələ almış “Taliban” daxili sabitliyi tam formalaşdıra bilməsə də, “Taliban” sərhədlərindən kənarda yeni simada təqdim olunmağa cəhdlər göstərir. Bu cəhdlər isə, göründüyü kimi, bəhrəsini verir. Nəzərə alınmalıdır ki, Əfqanıstan Böyük İpək yolunun, başqa sözlə, dünyanın ən əsas iqtisadi tranzit yolunun üzərində yerləşir. O baxımdan, regionda, xüsusilə tranzit yolun keçdiyi ərazilərdə sabitliyin formalaşması digər ölkələrin də marağındadır. İstər Qərb, istərsə də qonşu dövlətlər Asiya ilə Avropanı birləşdirən iqtisadi bağların keçid məntəqələrindən biri olan Əfqanıstanda yaşanan qeyri-müəyyənliklərin heç bir müsbət perspektiv vəd etmədiyinin fərqindədir....

Paylaş:

Baxılıb: 905 dəfə