Rayonların birləşdirilməsi prosesinə start verildi

Bakı:

26 °C

65 %

3 m/s

Əlaqə

AZ RU EN

Ana səhifə / Xəbər lenti / Rayonların birləşdirilməsi prosesinə start verildi

Rayonların birləşdirilməsi prosesinə start verildi

10.02.2022 [22:40]

Proses işsizliyə səbəb olacaqmı?

Gəncə şəhərinin Nizami və Kəpəz rayonlarının ləğv edilməsi təklif olunur. Bu, “Gəncə şəhərinin inzibati ərazi bölgüsündə qismən dəyişiklik edilməsi haqqında” qanun layihəsində əksini tapıb. Dəyişikliklə Nizami və Kəpəz rayonlarındakı inzibati ərazi dairələri Gəncə Şəhər İcra Hakimiyyətinin tabeliyinə verilir. Qanun layihəsi Milli Məclisin Regional məsələlər komitəsinin fevralın 11-də keçiriləcək iclasında birinci oxunuşda müzakirə ediləcək.

Layihəyə əsasən, Kəpəz bələdiyyəsinin əhatə etdiyi ərazi vahidlərinə Cavadxan, Məhsəti, Natəvan, Sadılı və Şıxzamanlı qəsəbələri, Gəncə şəhərinin 3 və 4 saylı sahə inzibati ərazi dairələrinin ərazisini təşkil edən hissəsi daxil olacaq.

Nizami bələdiyyəsinin əhatə etdiyi ərazi vahidlərinə Gəncə şəhərinin 1 və 2 saylı sahə inzibati ərazi dairələrinin ərazisini təşkil edən hissəsi daxil olacaq. Qüvvədə olan qanuna görə, Kəpəz bələdiyyəsinin əhatə etdiyi ərazi vahidinə Kəpəz rayonu (aşağıda göstərilən bələdiyyənin ərazisi çıxmaqla) daxildir.

Eyni zamanda, Nizami bələdiyyəsinin əhatə etdiyi ərazi vahidinə Nizami rayonu daxildir.

Qeyd edək ki, “Gəncə şəhərinin inzibati ərazi bölgüsündə qismən dəyişiklik edilməsi haqqında” qanun layihəsinə əsasən, Nizami və Kəpəz rayonları ləğv edilir. Buna görə də müvafiq qaydada “Bələdiyyələrin əraziləri və torpaqları haqqında” Azərbaycan Respublikasının Qanununa əlavə edilmiş “Azərbaycan Respublikasında bələdiyyələrin siyahısı”nda da dəyişiklik edilir.

Daha hansı rayonlar birləşəcək?

Bəs, görəsən, birləşmə prosesi digər rayonlarda da gözlənilirmi? Mövzu ilə bağlı açıqlama verən Milli Məclisin Regional məsələlər komitəsinin üzvü Tahir Rzayev bildirib ki, ölkənin bütün sahələrində aparılan islahatların nəticəsi rayonların birləşməsini zəruri edir: “Bu gün idarəetmə strukturlarında ciddi islahatlar gedir. Gəncə şəhərinin iki rayonunun ləğv edilməsi də bu məqsədə xidmət edir. Məlum olduğu kimi, iqtisadi rayonlar yaranıb və buraya səlahiyyətli nümayəndələr təyin edilir. Bunun özü də bir növ idarəetmədə baş verən yeniliklərdir. Gələcəkdə zərurət olarsa, müəyyən rayonların da birləşdirilməsi və həmin rayona səlahiyyətli nümayəndələrin təyin edilməsi halları baş verəcək”.

İnsanların iş yerlərini itirməsinə səbəb olmayacaq?

Təhsil və mədəniyyət şöbələrinin və işçilərinin aqibəti necə olacaq? İnsanlar işlərini itirmək təhlükəsi ilə üz-üzə qalmayacaq? “Kiçik rayonlarda fəaliyyət göstərən mədəniyyət və təhsil şöbələri birləşdirilərək regional idarələr yaradılacaq. İşçilərin sayı azaldılaraq müəyyən yerlərə transfer ediləcək. Müsabiqə və test yolu ilə ən yaxşı işçilər seçilərək həmin qaydada fəaliyyət göstərəcəklər. Digərləri isə başqa iş yerləri ilə təmin olunacaqlar. Bəzən bu dəyişiklik insanların işsizliyinə səbəb olacaq kimi yanlış şərh edilir. Mən düşünürəm ki, idarəetmədə struktur dəyişiklikləri varsa, bura daha savadlı kadrların seçilməsi olduqca vacibdir”,- deyə deputat söyləyib.

MÜŞFİQƏ

Paylaş:

Baxılıb: 843 dəfə