Ermənistan - Rusiya münasibətlərinə yenidən baxılmasına rəsmən start verilib...

Bakı:

19 °C

82 %

4 m/s

Əlaqə

AZ RU EN

Ana səhifə / Xəbər lenti / Ermənistan - Rusiya münasibətlərinə yenidən baxılmasına rəsmən start verilib...

Ermənistan - Rusiya münasibətlərinə yenidən baxılmasına rəsmən start verilib...

04.03.2024 [14:46]

Bilirsiniz bu nə böyük qələbədir?...

Rəsmi Moskvanın və rəsmi Yerevanın bunu açıq etiraf edib-etməmələrindən asılı olmayaraq Rusiya - Ermənistan münasibətlərinə yenidən baxmaq məsələsi hər iki paytaxtın siyasi çevrələrində artıq müzakirə olunmağa başlayıb.

Bu fikirləri “Bakı xəbər” qəzetinin baş redaktoru Aydın Quliyev özünün Facebook səhifəsində yazıb. yeniazerbaycan.com paylaşımı təqdim edir:

“Paşinyan dəfələrlə deyib ki, təhlükəsizliyimizi tək Rusiyaya etibar etməklə səhv etmişik, KTMT- də fəaliyyətimizi faktiki dondurmuşuq. Spiker Simonyan açıq şəkildə "rus sərhədçiləri sərhədlərimizdən getməlidir" deyib, prezident Xaçaturyan da prosesə yenicə qoşulub, dedi ki, müstəqilliyin ilk başlanğıcından yanlış yolda olduq.

Rusiyadan ən yuxarı səviyyələrdə bunlara reaksiyalar var. Lavrov Türkiyədə dedi ki, "əgər bunlar bütün Ermənistan hakimiyyətinin və erməni xalqının mövqeyidirsə, Ermənistanla münasibətlərdə bəzi məsələlərə yenidən baxmalı olacağıq. Lavrov bilmir ki, bir an içində Paşiinyan hər şeyi bütün hakimiyyətin və bütün erməni xalqının mövqeyi kimi bəyan edə bilər?! Nə çətin şey var ki?!. Demək, əslində Rusiya hakimiyyəti fərqindədir ki, Ermənistanın Rusiyadan ayrılmaq niyyəti ciddidir və hər keçən gün bunun ideoloji, siyasi, informativ və hüquqi əsaslarının yaradılmasına xidmət edir… Demək, Rusiya özü də "nə etməklə bağlı ev müzakirələrinə" artıq başlayıb.

Əlbəttə, başa düşüləndir ki, bunun rəsmən bəyan edilməsi asan məsələ deyil. Hələ bir müddət bu müzakirələrin getməsi açıq etiraf olunmayacaq. Ermənistan bunu daha tez açıqlayacaq. Çünki Ermənistan bu məsələdə "hücumçu və ya təşəbbüskar" tərəfdir, Rusiya passiv müdafiə olunur. Başa düşüləndir ki, Rusiya 150 ildən çox müddətdə əsas müttəfiq kimi baxdığı xalqla "münasibətlərə yenidən baxmağa başlamışıq" deməkdə çətinlik çəkir. Ancaq ermənilər bunu çox asan və rahat deyəcəklər. Həm də daha tez deyəcəklər. Artıq əlamətləri görünməkdədir. Ən böyük əlamət isə Azərbaycanla normallaşma danışıqlarının bütün səviyyələrindən ( sərhədlər, kommunikasiyaların açılması, saziş layihəsi) Rusiyanı çıxartmaq cəhdləridir. Lavrov bunu da Antalya Diplomatik Forumunda etiraf etdi. Açıq dedi ki, Azərbaycanla hər şey qaydasındadır, Yerevan isə normallaşma üzrə bizim xüsusi nümayəndəmizi qəbul etmir.

Rusiya - Ermənistan münasibətlərinə azı 100 illik tarixdə yenidən baxılmasını gündəmə gətirmək Azərbaycan diplomatiyasının çox böyük uğurudur. Bunu görmək, dəyərləndirmək lazımdır.

Paylaş:

Baxılıb: 570 dəfə