Qərbi Azərbaycanlıların qayıdışı MİLLİ İDEYADAN beynəlxalq platformaya çevrilir...

Bakı:

25 °C

59 %

4 m/s

Əlaqə

AZ RU EN

Ana səhifə / Analitik / Qərbi Azərbaycanlıların qayıdışı MİLLİ İDEYADAN beynəlxalq platformaya çevrilir...

Qərbi Azərbaycanlıların qayıdışı MİLLİ İDEYADAN beynəlxalq platformaya çevrilir...

08.12.2025 [18:01]

Qərbi Azərbaycanlıların ata-ana yurdlarına dönüşü hələ başlanmasa da, ortada ilkin sayıla biləcək nəticələr var. Bu günlərdə Qərbi Azərbaycanlıların qayıdışı üzrə beynəlxalq konfransa Prezident İlham Əliyevin müraciətindən əvvəlcə bu fikri xatırlayaq. Prezident "Qərbi Azərbaycanlıların qayıdışının artıq beynəlxalq platformaya çevrildiyini" dedi.

Bunu "Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində yazıb.

A.Quliyev daha sonra yazır:

Fikrimcə bu, Qərbi Azərbaycanlıların qayıdışı yolunda ilk böyük uğur sayıla bilər. Birliyin bir neçə sənədi BMT-də yayılıb, müxtəlif mövzularda beynəlxalq tədbirlər keçirilib, dünya fikrinə az-çox təsiri olan tanınmış əcnəbi siyasətçilər və dövlət adamları Qərbi Azərbaycanlıların qayıdış haqqına malik olduqlarını etiraf ediblər. Mövzunun beynəlxalq tanınması elə miqyasa çatır ki, Ermənistan özü də ona tədricən alışır, əvvəlki kimi mövzunu aqressivcəsinə süngüləmir. Bu insanların qayıdışının "Ermənistana qarşı guya ərazi iddiası" olması kimi irticaçı yalanlara da artıq çox rast gəlinmir. Mövzunun Prezident İlham Əliyevin dediyi kimi," beynəlxalq platformaya çevrilməsinin" bundan artıq əlaməti daha nə ola bilər ki?!...

2. Yenə də Prezidentin beynəlxalq konfransa müraciətindən bir fikrə baxaq. "Qərbi Azərbaycanlılara qarşı törədilənlər cinayət faktları kimi sübut olunub"... Fikrimcə bu məqam xalqımızın böyük hissəsini təşkil edən Qərbi Azərbaycanlıların məsələsini beynəlxalq hüquq müstəvisinə daşımaq üçün geniş miqyasda materiallar təmin edəcək mənbədir. Elə məhz buna əsaslanaraq Prezident beynəlxalq hüquq müstəvisində gərəkli işlərin sürətlə görülməsi üçün səylərin artırılmasını tələb etdi.

3. Prezident İlham Əliyevin müraciətində diqqət çəkən başqa bir məqam da oldu. Prezident tarixin bir çox məlum mərhələlərində erməni şovinistlərinin Azərbaycan türklərinə məxsus tarix, mədəniyyət və dini abidələrin məhv edildiyini, coğrafi yer adlarının məqsədyönlü şəkildə dəyişdirildiyini söylədi. Məsələnin çox önəmli tərəflərindən biri də odur ki, Ermənistanda milli irsimizin məhv edildiyini tək özümüz demirik, onu artıq dünya siyasi və elmi dairələrinin də qəbul və etiraf etdikləri mövzulara çevirə bilmişik. Bu günlərdə Bakıda elə həmin konfransda bir Amerikalı alimin "biz bilirik ki, Ermənistan ərazisində Azərbaycanlıların yaşadıqları və çıxarıldıqları 650-dən çox kənd qalıb" fikri dünyanın bilməli olduğu böyük həqiqətdən xəbər verir...

4. Ermənistanda qalmış və əsasən məhv edilmiş milli irsimizin bərpa olunmasının vacibliyi də milli çərçivədən beynəlxalq miqyasa çıxarılıb. Prezident İlham Əliyevin tarixi, mədəni və dini irsimizin qorunması və bərpası yönümündə işlərin zərurətindən danışması bunu bir daha təsdiqləyir.

Başqa nüanslar da gətirmək olar və bunlar bir daha sübut edir ki, Qərbi Azərbaycanlıların vətənə qayıdışı Milli ideya kimi başlandı və qısa müddətdə beynəlxalq platformaya çevrildi. Etiraf olunmalıdır ki, strateji hədəfi olan böyük keyfiyyət dəyişməsidir...

Paylaş:

Baxılıb: 574 dəfə