Şərqi Avropadakı müharibə göstərdi ki...

Bakı:

15°C

77%

11m/s

Əlaqə

AZ RU EN

Ana səhifə / Analitik / Şərqi Avropadakı müharibə göstərdi ki...

Şərqi Avropadakı müharibə göstərdi ki...

01.04.2022 [09:55]

Azərbaycan beynəlxalq birliyin məsuliyyətli üzvü, prestijli dövlət, Ermənistan isə zəif və cinayətkar ölkədir

Nurlan QƏLƏNDƏRLİ

İnsanın fərdi keyfiyyətləri ekstremal şəraitdə bilinir - o ya nümunəvi davranış sərgiləyir, ya da fors-major situasiya imtahanından “kəsilir”. Dövlət də siyasi orqanizmdir, insan tərəfindən idarə olunur və qeyri-adi vəziyyətlərdə mahiyyətini nümayiş etdirir. Müharibə şəraiti də buraya daxildir.

Bəşəriyyət indiyə qədər iki dəfə cahan savaşına, müxtəlif dövlətlər arasında müharibələrə şahidlik edib. Öz ərazi bütövlüyü, təhlükəsizliyi uğrunda ləyaqətli mübarizə aparan, müharibədə humanizm prinsipinə və hərb qaydalarına əməl edən dövlətləri də görmüşük, mülki insanları hədəfə alan, müharibə cinayətləri törədən, işğal və terroru fəaliyyət fəlsəfəsi kimi mənimsəyən ölkələri də... Eynilə Azərbaycanın və Ermənistanın timsalında olduğu kimi. Çox uzağa getmək lazım deyil, 2020-ci ildə baş vermiş 44 günlük müharibə Azərbaycan tarixinə əzm, mübarizə, şərəf və ləyaqət simvolu kimi yazıldı. 30 ilə yaxın müddət ərzində torpaqlarımızı işğal altında saxlayan, tarixi - dini və mədəni abidələrimizi soyqırımına məruz qoyan, sərvətlərimizi mənimsəyən Ermənistan isə müharibə zamanı - növbəti dəfə faşist, cinayətkar mahiyyətini nümayiş etdirdi...

Daha bir sınaq - Rusiya-Ukrayna müharibəsi də reallıqları növbəti dəfə nümayiş etdirdi. Bir neçə məqam xüsusilə diqqəti cəlb etdi:

- Azərbaycan sülh çağırışları etdiyi, sabitlik və təhlükəsizliyin önəmini vurğuladığı halda... Ermənistan sükuta qərq oldu, iradə ortaya qoya bilmədi. Bu, Bakının ümumbəşəri dəyərlərə və beynəlxalq hüquq normalarına üstünlük verdiyini göstərdi. İrəvan üçün isə bu dəyərlərin, normaların heç bir önəmi - dəyəri yoxdur;

- Bakı Ukraynaya humanitar yardım göstərdi - bu, həm Kiyev tərəfindən, həm də bütövlükdə, dünya miqyasında yüksək qiymətləndirildi. Xarici KİV-in məlumatına əsasən, Ermənistan isə “Su-30” tipli 4 döyüş təyyarəsini Rusiya ordusunun tərəfində döyüşmək üçün Ukraynaya göndərdi. Üstəlik, Rusiya istehsalı olan qırıcıları xüsusi təlim keçmiş erməni pilotların idarə etdikləri qeyd olundu;

- Ayrı-ayrı dövlətlərin rəhbərləri, beynəlxalq təşkilatların nümayəndələri İlham Əliyev ilə regional təhlükəsizlik məsələləri ilə əlaqədar müzakirələr aparır - Azərbaycan Prezidentinin yanaşmasına xüsusi önəm verilir, Onun mövqeyi nəzərə alınır. Diplomatik trafikdə Bakının fəal rolu nəzərə çarpır, Azərbaycana inam və etimad ifadə edilir. Ermənistan isə yenə geosiyasi autsayder vəziyyətindədir, təsir imkanına, etibara malik olmayan İrəvanın mövqeyi heç kim üçün önəmli deyil.

Bütövlükdə, Azərbaycan dünyaya nümayiş etdirir: beynəlxalq birliyin layiqli və məsuliyyətli üzvü, yüksək nüfuza və geosiyasi prestijə malik olduğunu. Ermənistan isə göstərir ki, elə tanındığı, bilindiyi kimidir - vaxt keçsə də, şərait dəyişsə də...

Paylaş:

Baxılıb: 778 dəfə