Müttəfiqlər “B” planına start verir?

Bakı:

0 °C

86 %

0 m/s

Əlaqə

AZ RU EN

Ana səhifə / Analitik / Müttəfiqlər “B” planına start verir?

Müttəfiqlər “B” planına start verir?

05.04.2022 [10:30]

ABŞ nüvə silahlarını Polşaya yerləşdirərsə...

Türkiyədə baş tutan Rusiya-Ukrayna danışıqlarında qismən də olsa razılığın əldə edilməsi münaqişənin yekunlaşması ümidi yaratdı. Hətta Rusiya xarici işlər naziri Lavrov belə danışıqlar yolu ilə müəyyən qarşılıqlı güzəştlərin mümkünlüyünü dilə gətirdi. Bir sözlə, sülhün “qapını döydüyünə” ümid yarandığı anda Qərb yenidən öz ambisiyasını ortaya qoyur: qlobal dünya müharibəsi təhlükəsi qaçılmazdır. Rusiya bu və ya digər şərtlər altında ərazilərdən geri çəkilməyə başlasa da, Qərbin qarşıdurma istəyi bunun önünə “sədd” çəkməyə başlayır. Müharibənin geostrateji anlamda miqyasını genişləndirmək və dünyada yeni iqtisadi münasibətlər formalaşdırmaq üçün yeni planlar cızılır.

Pərviz SADAYOĞLU

Kaçinski Alyansı şərqə yönəldir

Məsələn, Ukraynanın NATO-ya daxil olmasını özünün “qırmızı xətti” adlandıran Rusiyanı yeni bir qarşıdurmaya cəlb etmək üçün Alyans fərqli addımlar atmaqda, fərqli açıqlamalar verməkdədir. Qurum bir müddət öncəyə qədər müharibəyə qoşulmayacağını iddia edirdisə, artıq deyəsən bu fikirdən daşınıb. Polşanın baş nazirinin müavini Yaroslav Kaçinskinin açıqlamaları da bunu təsdiqləyir. Kaçinski bildirib ki, Polşa öz ərazisində ABŞ-ın nüvə silahlarına ev sahibliyi etməyə hazırdır. Varşava bu məsələdə Vaşinqtonun təşəbbüsünü gözləyir. Rusiya mətbuatının “Spiegel”ə istinadən yaydığı xəbərdə göstərilir ki, Polşanın baş nazirinin müavini deyib ki, əgər amerikalılar bizdən nüvə silahlarını Polşada yerləşdirməyi xahiş etsələr, buna razılaşarıq. Bu, Rusiya təhlükəsini xeyli neytrallaşdırar. Y.Kaçinski əlavə edib ki, hələlik ABŞ-ın nüvə silahlarının Polşada yerləşdirilməsi barədə müzakirələr aparılmır, lakin “vəziyyət tezliklə dəyişə bilər”. Onun fikrincə, belə bir təşəbbüs Vaşinqtondan gəlməlidir. Polşa baş nazirinin müavini ölkəsində NATO-nun operativ komandanlıq mərkəzinin yaradılmasına da çağırış edib. Onun sözlərinə görə, bu, Rusiyaya alyansın liderlik səviyyəsinin həm də şərqdə mövcud olduğuna dair siqnal olacaq. Bundan əlavə, o hesab edir ki, Alyans rəsmi Kiyevi Zelenskinin tələb etdiyindən daha çox silahla təmin etməlidir. Bütün bunlar isə Kaçinski və onu dəstəkləyənlərin müharibəni sonlandırmaq deyil, davam etdirmək niyyətində olduğunu bir daha ortaya qoyur.

Amerikalı general planı açıqladı...

Kaçinskinin önə sürdüyü “yeni təhlükə” adlı “B” planı artıq digər kanallar vasitəsilə də gündəmə gətirilir. Məsələn, ABŞ-ın Avropa Ordusunun keçmiş komandanı, general Ben Hodges də KİV-lərə müsahibəsində Putinin qoşunlarını bu ərazilərdən çıxarmağa razılıq verməsinin səbəblərindən danışarkən deyib: “İndi onlar geri çəkilməyə, yenidən təşkil olunmağa, növbəti “mərhələ” üçün yenidən qruplaşmağa çalışırlar. Fikrimcə, hazırda baş verənlər bundan ibarətdir. Deməli, bu, geri çəkilmə deyil”.

General bildirib ki, yaxın üç həftə müharibədə həlledici olacaq: “Üç həftə ərzində Ukrayna Kremli əzəcək. Müttəfiqlər Ukraynanın irəli getməsi üçün daha çox kömək etməli və Ukraynanın istədiyi hər şeyi təcili şəkildə təmin etməlidirlər. Əgər biz kömək etməsək, ruslar toparlanmağa başlayacaq, yeni silah-sursat gətirəcək, səhvlərini anlayacaq və yeni hücuma keçəcəklər. Ona görə də hazırda bu kampaniyanın kritik mərhələsindəyik”.

Bu fakt da NATO-nun Ukrayna problemini sülh yolu ilə tənzimləmək fikrindən uzaq olduğunu göstərir. Amerikalı general müharibənin gedişi ilə bağlı yeni anonslar səsləndirməklə yanaşı, qarşıdurmanın yeni tərəfləri haqda fikir yürüdüb. Müttəfiqlər artıq rəsmi Kiyevin arxasından deyil, Rusiyanın qarşısında danışmağa başlayacaqlar.

Polşanın baş naziri Mateuş Moravetskinin Rusiyanın Ukrayna ərazisinin üçdəbirini tutmağa çalışacağı ilə bağlı bəyanatını şərh edən general həm də onu qeyd edib ki, Moskvanın arzusu budur: “Amma onlar artıq dayandırılıb. Ona görə də qarşıdakı üç həftə çox vacibdir. Biz Ukraynanın irəli getməsinə və Rusiyanın boynunu qırmasına kömək etməliyik ki, 2-3 ildən sonra eyni şeyi təkrarlamasın”.

Demək ki, Qərb Rusiyanı tam çökdürməyə niyyətlənib. Qarşıdakı dövrdə yenidən “eyni şeyi təkrarlayacağı” bəhanə gətirilir və Moskvaya “yeri göstərilir”. Bu “yer”in sərhədləri isə Qərb - Rusiya mübarizəsinin yeni “qırmızı xətti” ola bilər...

Paylaş:

Baxılıb: 784 dəfə