Musa Quliyev: Prezident İlham Əliyevin VIII qurultaydakı proqram xarakterli nitqi hər bir Azərbaycan vətəndaşı və hər bir partiya üzvü üçün fəaliyyət proqramı, yol xəritəsi oldu

Bakı:

23 °C

83 %

5 m/s

AZ RU EN

Ana səhifə / Arxiv / Musa Quliyev: Prezident İlham Əliyevin VIII qurultaydakı proqram xarakterli nitqi hər bir Azərbaycan vətəndaşı və hər bir partiya üzvü üçün fəaliyyət proqramı, yol xəritəsi oldu

Musa Quliyev: Prezident İlham Əliyevin VIII qurultaydakı proqram xarakterli nitqi hər bir Azərbaycan vətəndaşı və hər bir partiya üzvü üçün fəaliyyət proqramı, yol xəritəsi oldu

07.10.2026 [11:22]

"Yeni Azərbaycan Partiyasının VIII qurultayı Azərbaycan xalqının Azərbaycan dövlətinin və YAP-ın həyatında çox mühüm bir mərhələdir, əlamətdar hadisədir. VIII qurultay VII qurultaydan ötən müddətdə partiyamızın görüdüyü işlərin, qarşıya qoyulan vəzifələrin icra vəziyyətini müzakirə etdi, qiymət verdi və qarşıya yeni vəzifələr müəyyənləşdirdi. Partiyamızın Sədri, Azərbaycan Prezidenti cənab İlham Əliyevin VIII qurultayımızdakı proqram xarakterli nitqi hər bir Azərbaycan vətəndaşı və hər bir partiya üzvü üçün bir fəaliyyət proqramı, yol xəritəsi oldu".

Bu fikirləri "Yeni Azərbaycan" qəzetinə açıqlamasında Milli Məclisin Əmək və sosial siyasət komitəsinin sədri, YAP İdarə Heyətinin üzvü Musa Quliyev deyib. Komitə sədri bildirib ki, Prezident İlham Əliyev qurultayda YAP-ın keçdiyi şərəfli yola nəzər salaraq olduqca böyük qiymət verdi. İdarə Heyətinin üzvü vurğulayıb ki, Prezident İlham Əliyev YAP-ın Ulu öndər Heydər Əliyev ideyalarının, Onun siyasi məktəbinin daşıyıcısı olduğunu və qürurla bu vəzifəni uğurla yerinə yetirən mərd, mübariz insanların birləşdiyi bir paritya olduğunu bildirib: "Ölkə Prezidenti YAP-ın Cənubi Qafqazın ən mütəşəkkil, ən möhtəşəm partiyası olduğunu bir daha vurğulamaqla partiyamızın Azərbaycanın müstəqilliyinin qorunmasındakı, dövlətçiliyimizin qurulmasındakı mühüm və tarixi rolunu qeyd etmiş oldu. Eyni zamanda cənab Prezidentin çıxışında qarşıya qoyulan məsələlər, xüsusilə yeni dövrün prioritetləri açıq aydın şəkildə YAP üzvlərinə, bütövlükdə Azərbaycan vətəndaşlarına, həm də bütün dünya ictimaiyyətinə çatdırıldı. Bu mesajlar nədən ibarət idi? Biz birinci növbədə güclü olmalıyıq. Bunun üçün hərbi gücümüz, hərbi qüdrətimiz daha da artmalıdır. Çünki Vətən müharibəsində acı məğlubiyyətə uğrayan Ermənistan kapitulyasiya aktına qol çəkməsinə baxmayaraq, hələ də öz bəd niyətlərindən əl çəkmir. Eyni zamanda, Ermənistan etibarsız bir qonşudur. Bizh bunu son 200 illik tarixdə görmüşük. Digər tərəfdən Azərbaycanın müstəqilliiyini və suverenliyni həzm edə bilməyən qüvvələr və dövlətlər var ki, biz daima onlara qarşı güclü olmalıyıq. Gələn ilin dövlət büdcəsində hərbi xərclərə 9 milyard manatın ayrılması da bu istiqamətdə atılan addımdır".

M.Quliyev bildirib ki, güclü olmağın ikinci şərti bilikli, savadlı gəncliyin yetişməsidir. Komitə sədri qeyd edib ki, bilikli gənclərin yetişməsi ölkənin gələcək inkişafı üçün olduqca vacib şərtdir: "Xüsusilə süni intellekt, kompüter texnologiyalarının inkişaf etdiyi dövrdə bu çox vacib məsələdir. Savadlı və bilikli gəncliyin yetişməsi həm də dini fanatizmə, cəhalətə meyllərin qarşısını alan əsas amildir. Üçüncüsü, bizim iqtisadi və sosial cəhətdən güclü olmağımızdır. İqtisadiyyatımızın inkişafı çox vacibdir ki, cənab Prezident çıxışında bununla da bağlı mühüm bir müjdə vermiş oldu. Yeni ildən xalqın bütün təbəqələrinin əmək haqqları, təqaüdləri, sosial müavinətləri artacaq. Eyni zamanda yaşayış minimumu artacaq, minimum əmək haqqı artacaq. Bu son 7 ildə qəbul olunacaq 6-cı sosial rifah paketi olacaq. Cənab prezidentin növbəti mesajı ondan ibarət oldu ki, bizim gücümüz birlikdədir. Güclü olmaq üçün bir yerdə olmalıyıq. Bu da çox vacib bir məsələdir. Qeyd etməliyəm ki, YAP hər zaman olduğu kimi Azərbaycan Prezidentinin çıxışından irəli gələn məsələlərin öz yerini tapması, qarşıya qoyulan vəzifələrin yerinə yetirilməsi, ideoloji işin yeni çağırışlar əsasında qurulması məsələsinin həllinə səfərbər olacaq".

PƏRVİZ

Paylaş:

Baxılıb: 190 dəfə