Gənclərimizin seçimi cənab İlham Əliyevdir

Bakı:

13 °C

88 %

7 m/s

Əlaqə

AZ RU EN

Ana səhifə / Daxili siyasət / Gənclərimizin seçimi cənab İlham Əliyevdir

Gənclərimizin seçimi cənab İlham Əliyevdir

10.10.2013 [17:56]

İlk dəfə səs verən gənc seçicilər Azərbaycanın inkişafını təmin edən lideri seçir
Dünən ölkəmizdə prezident seçkiləri keçirildi. Böyük seçici fəallığı ilə müşahidə olunan seçki prosesi azad, şəffaf və demokratik şəkildə baş tutdu. Seçkini müşahidə edən yerli və xarici müşahidəçilər, o cümlədən, səs vermiş seçicilər seçkilərin tam demokratik şəraitdə baş tutduğunu, eləcə də, istədikləri namizədə səs verdiklərini bildiriblər.
Qeyd edək ki, builki seçkilərdə də ilk dəfə səs verən gənclər öz fəallıqları ilə seçiliblər. Qəzetimizə açıqlama verən ilk dəfə səs verən gənclər bildiriblər ki, seçkilərdə Azərbaycanı inkişafa aparan, beynəlxalq aləmdə ölkəmizi tanıtdıran namizədə -YAP Sədri, Azərbaycan Respublikasının Prezidenti cənab İlham Əliyevə səs veriblər.
İlk dəfə səsvermə hüququndan istifadə edən Aysel Məmmədova qəzetimizə açıqlamasında deyib ki, seçkilərin gedişindən, vətəndaşlara yaradılan şəraitdən çox razı qalıb. A.Məmmədova qeyd edib ki, məhz Prezident İlham Əliyevin fəaliyyəti nəticəsində bu gün Azərbaycan dünyanın ən inkişaf etmiş ölkəsidir. A.Məmmədova da ölkəmizi inkişafa aparan liderə-cənab İlham Əliyevə səs verib.
Şəfəq Xatınova da ilk dəfə səs verib. Səsvermədə iştirakın çox qürurverici olduğunu dilə gətirən Ş.Xatınova deyib ki, gələcək beşillikdə ölkəmizə daha böyük uğurlar qazandıracaq cənab İlham Əliyevə səs verib. O qeyd edib ki, bu gün ən əsas problemimiz olan Dağlıq Qarabağ münaqişəsinin həlli və işıqlı gələcəyimizin qurulması üçün YAP Sədri İlham Əliyevə səs verib.
Öz seçici hüququndan ilk dəfə istifadə edən daha bir gənc- Tofiq Abdullayev bildirib ki, Prezident İlham Əliyevə səs verib: “Cənab Prezident gənclərin inkişafı üçün bütün addımları atıb. Azərbaycan gəncliyi Prezident İlham Əliyevin rəhbərliyi altında ölkəmizi daha uca zirvələrə daşıyacaq”.
Nigar Səfərova da öz yaşıdları kimi ilk dəfə səs verir. O qeyd edib ki, bu gün ölkəmizdə təhsilə göstərilən qayğı, gənclərə göstərilən diqqət yüksək səviyyədədir: “Mən bu inkişafın gələcək illərdə də davam etməsi üçün cənab İlham Əliyevə səs verdim. Əminəm ki, cənab İlham Əliyev işıqlı Azərbaycanın gələcəyinin qarantıdır”.
Sülhəddin Ələsov isə qəzetimizə açıqlamasında bildirib ki, müstəqil Azərbaycanın vətəndaşı olaraq səsvermə hüququndan istifadə edib və gənclərin lideri cənab İlham Əliyevə səs verib: “Səsvermədə iştirak etmək bizim vətəndaşlıq borcumuzdur. Mən də bütün gənclər kimi ölkəmizdə vətəndaş birliyini, inkişafı, yeniliyi dəstəkləyirəm, Azərbaycanı inkişafa aparan liderə-cənab İlham Əliyevə səs vermişəm”.
İlk dəfə seçkidə seçici olaraq iştirak edən Həsən Hüseynzadə də Prezident İlham Əliyevə səs verdiyini diqqətə çatdırıb. O deyib ki, Ulu öndər Heydər Əliyev kursunu davam etdirən Prezident İlham Əliyev gələn beşillikdə Azərbaycana daha böyük uğurlar qazandıracaq: “Bu gün Azərbaycan gəncliyi özünün inkişafının yeni mərhələsini yaşayır. Bu inkişafın daha da davamlı və uğurlu olması üçün bütün gənclərimiz Prezident İlham Əliyevin ətrafında sıx birləşib”.
Orxan Səfərov da ilk dəfə səsvermədə iştirak etdiyini bildirib. O, qeyd edib ki, ölkəmizdə azad və şəffaf seçkilərin keçirilməsi üçün hər bir şərait yaradılıb: “Mən də öz seçici hüququmdan istifadə edərək Prezident İlham Əliyevə səs verdim. İnanıram ki, ölkəmizin qarşısında duran bütün problemlərə, ən əsası Dağlıq Qarabağın işğaldan azad olunmasına məhz Prezident İlham Əliyevin rəhbərliyi altında nail olacağıq”.
Rza Abduləzizov bildirib ki, hər bir Azərbaycan vətəndaşı öz azad ölkəsinin xoşbəxt gələcəyinə səs verməlidir: “Mən bu azad, xoşbəxt gələcəyə Prezident İlham Əliyevin rəhbərliyi altında nail olacağımıza əminəm. Bütün gənclər kimi, mən də Azərbaycanın inkişafının qarantı olan Prezident İlham Əliyevi seçmişəm”.
Amal Əsgərov bildirib ki, səsvermə hər bir xalqın gələcəyini təyin etmək üçün verdiyi qərardır. Bu qərarı verən zaman bir az ehtiyatlı olmaq lazımdır: “Mən də bütün gənclərimiz kimi dövlətimizi uğurlara daşıyan, problemlərin həllində birbaşa iştirak edən, ölkənin gələcəyini düşünən namizədə-Prezident İlham Əliyevə səs vermişəm”.
İlk dəfə səs verən Xalid Ağayev isə deyib ki, bu gün yerləşdiyi cənubi Qafqaz regionunun lider dövlətinə çevrilən Azərbaycan dövləti məhz Prezident İlham Əliyevin rəhbərliyi altında yüksək inkişafa nail olub: “Prezident İlham Əliyevin son 10 ildə apardığı siyasət ölkəmizin problemlərinin həllində əsaslı rol oynayıb. İnanıram ki, gələcək beşillikdə digər problemlərimiz də həll ediləcək. Bu səbəbdən də cənab İlham Əliyevə səs verdim”.
Göründüyü kimi, Azərbaycan gəncliyi ölkəmizin inkişafına, işıqlı gələcəyə və ən əsası müstəqil, suveren Azərbaycanın qarantına-cənab İlham Əliyevə səs verirlər.
Pərviz SADAYOĞLU