Almaniya siyasətində Türkiyə amili

Bakı:

22°C

64%

11m/s

Əlaqə

AZ RU EN

Ana səhifə / Dünya / Almaniya siyasətində Türkiyə amili

Almaniya siyasətində Türkiyə amili

30.09.2009 [15:40]

Yeni hökumət bu məsələni nəzərə alacaqmı?
Sentyabrın 27-də Almaniyada keçirimiş parlament seçkilərinin nəticələri ətrafında müzakirələr davam etməkdədir. Dünənki yazımızda da qeyd etdiyimiz kimi, bu nəticələrdən daha çox məyus olan alman sosial-demokratları və Türkiyədir. Alman sosial-demokratları ona görə ki, onlar İkinci Dünya müharibəsindən sonra ən böyük məğlubiyyətlə baş-başa qalıblar. Nəticənin Türkiyəyə təsirinə gəlincə, qardaş ölkənin Avropa İttifaqına (Aİ) üzv qəbul edilməsini dəstəkləməyən Angela Merkelin partiyasının qalib gəlməsi Ankarada soyuq duş effekti yaradıb. Bu barədə bir qədər sonra. İndi isə parlamentə düşən türkəsillilər barədə...
Türkəsilli deputatların sayı yenə 5 oldu
Qeyd edək ki, seçkinin ilkin nəticələri açıqlanarkən Almaniya parlamentindəki türkəsilli deputatların sayının 5-dən 3-ə düşdüyünə dair məlumatlar yayılmışdı. Lakin dünən yeni parlamentdə də türkəsilli deputatların sayının 5 olacağı dəqiqləşib. Türkiyə mətbuatının məlumatlarına əsasən, bunlar ilk dəfə Federal Məclisə girən Yaşıllar Partiyasının Baden-Vürttemberq əyalət siyahısından seçilən vəkil Memet Kılıç, Sosial Demokrat Partiyası (SPD) Hamburq əyalət siyahısından seçilən Aydan özoğuz, Azad Demokrat Partiyasının (FDP) Aşağı Saksoniya əyalət siyahısından namizəd göstərilən Serkan Tören, Yaşıllar Partiyasının Bavariya əyalət siyahısından namizəd olan Ekin Dəligöz və Sol Partiyanın Şimali Ren Vestfalya əyalət siyahısından millət vəkili seçilən Sevim Dağdələndir.
Ən böyük ziyan Türkiyəyə dəyə bilər
Dünənki yazımızda da qeyd etdiyimiz kimi, Angela Merkelin liderliyindəki qüvvələrin qələbəsindən sonra “Türkiyə üçün Aİ üzvlüyü yerinə imtiyazlı ortaqlıq” layihəsinin Berlinin rəsmi siyasəti olması gözlənilir. Elə Almaniyada qurulacaq yeni hökumətə dair analizlərə geniş yer verən xarici mətbuat da Türkiyə məsələsini önə çıxarır. Həmin yazılarda qeyd olunur ki, Türkiyənin Aİ-yə tamhüquqlu üzv olması siyasətini dəstəkləyən sosial-demokratların məğlubiyyəti rəsmi Ankaranı narahat edir. İngiltərədə nəşr edilən “Times” qəzeti də əsas diqqəti bu məsələyə yönəldib: “Almaniyada yeni hökumətin qurulmasından ən çox itirən Türkiyə olacaq. Sosial-demokratlar Türkiyənin Aİ üzvlüyünü tam şəkildə dəstəkləyirdilər. Lakin hazırda sosial-demokratlar müxalifətə keçmək zorunda qalıblar. Və artıq rəsmi Ankara Paris, Berlin və Romadakı hökumətlərlə qarşı-qarşıya gələcək”.
Qeyd edək ki, Almaniyada yeni hökumətin qardaş partiyalar kimi qəbul edilən Xristian Demokrat Birliyi (CDU) və Xristian Sosial Birliyi (CSU) ilə Azad Demokrat Partiyası (FDP) tərəfindən qurulması gözlənilir.
Türkiyə amili yeni koalisiyada fikir ayrılığı yarada bilər?
Yeri gəlmişkən, dünən Türkiyə mətbuatı seçkilərdən sonra Almaniyada qurulacaq hökumətlə bağlı maraqlı məlumat yayıb. Həmin məlumatda deyilir ki, koalisiyada təmsil olunması gözlənilən Azad Demokrat Partiyasından verilən açıqlama Angela Merkeli razı salmayıb. Belə ki, Azad Demokrat Partiyasının sözçüsü Verner Hoyer “Reuters” agentliyinə verdiyi açıqlamada Merkelin Türkiyə üçün irəli sürdüyü imtiyazlı ortaqlıq təklifinin köhnəldiyini deyib: “Türkiyənin Avropa İttifaqına üzvlüyü fikrinə artıq daha çox açığıq və müzakirələr də davam edir”.
NADİR

Paylaş:

Baxılıb: 1223 dəfə