«FİNCA Azerbaijan» ölkənin maliyyə bazarında möhkəmlənmək niyyətindədir

Bakı:

17°C

63%

2m/s

Əlaqə

AZ RU EN

Ana səhifə / İqtisadiyyat / «FİNCA Azerbaijan» ölkənin maliyyə bazarında möhkəmlənmək niyyətindədir

«FİNCA Azerbaijan» ölkənin maliyyə bazarında möhkəmlənmək niyyətindədir

04.09.2013 [16:30]

Azərbayacanın ən böyük mikromaliyyə təşkilatı olan “FİNCA Azerbaijan” bank xidmətləri göstərmək üçün müvafiq lisenziya almaq niyyətindədir və ümid edir ki, cari ilin sonunadək Mərkəzi Bank tərəfindən onların müraciətinə müsbət cavab veriləcəkdir. Bu fikri “FİNCA Azerbaijan” ın direktoru Maniş Sane ötən gün keçirdiyi mətbuat konfransında səsləndirib.
Bank olmayan kredit təşkilatının yaranma tarixindən, onun Azərbaycandakı fəaliyyəti, keçdiyi inkişaf yolu , eləcə də əldə etdiyi nailiyyətlər barədə ətraflı məlumat verən natiq, rəhbərlik etdiyi qurum hazırda Azərbaycanda ən böyük mikromaliyyə təşkilatı olduğunu vurğulayıb. 2013-cü ilin təşkilat üçün uğurlu olduğunu qeyd edən Maniş Sane, cari ilin ötən 6 ayı ərzində ümimi kredit portfelinin 22,21 faiz artaraq, təqribən 200 milyon ABŞ dolları təşkil etdiyini bildirib. Hesabat dövründə təşkilatın müştərilin sayı isə 7 faiz artaraq, ümumilikdə, təqribən 160 min nəfərə çatıb.
Maniş Sane həmçinin, qeyd edib ki, Mərkəzi Bankın təkrar qeydiyyatdan keçməsi üçün ilin sonunadək yerli banklar qarşısında qoyduğu tələb onları narahat etmir. « «FİNCA Azerbaijan»ın kifayət qədər imkanları vardır ki, 1 yanvar 2014-cü il tarixinədək öz nizamnamə kapitalını 50 milyon manata çatdırsın»,-deyə o, vurğulayıb.
M. Sane daha sonra , qeyd edib ki, Mərkəzi Bankdan müvafiq lisenziya aldıqdan sonra , «FİNCA Azerbaijan»ın müştərilərinə bütün növ bank xidmətləri göstərməyə başlayacaq: « Buraya depozitlərin cəlb olunması, eləcə də, müxtəlif islehlak kreditlərin verilməsi də daxildir».
Natiq qeyd edib ki, 1 iyul 2013-cü il tarixindən etibarən «FİNCA Azerbaijan»ölkəmizin kapital bazarında istiqrazlarının ilk emissiyasını həyata keçirib. Qiymətli Kağızlar üzrə Dövlət Komitəsi hər birinin nominal dəyəri 1000 AZN olmaqla 10 milyon AZN məbləğində , 3 il ödəmə müddəti ilə 10 min istiqraz qeydiyyatdan keçirib. Əldə olunan maliyyə vəsaitləri təşkilatın biznez kredit portfelinin maliyyələşdirilməsi üçün istifadə olunacaq.
Təşkilat rəhbəri qeyd edib ki, müştəri xidmətinin keyfiyyətinin və əlverişliyinin artırılması üçün «FİNCA Azerbaijan» ın qiymət və müştəri xidmətləri strategiyasındakı dəyişiklik və inkişaflar davam etdirilməkdədir. Bu qəbildən olan növbəti dəyişiklik isə Kiçik və Orta Sahibkarlıq Krediti üzrə faiz dərəcələrinin aşağı salınması olub. .Belə ki, bundan belə «FİNCA Azerbaijan»ın
Ölkə üzrə 60-dan çox filial və sub-ofislərinə müraciət edən müştərilər 20 min ABŞ dollarından 100 min ABŞ dollarınadək olan kreditləri 21%-dən başlayan faizlərlə , eləcə də daha qısa müddət ərzində əldə edə biləcəklər.
Maniş Sane qeyd edib ki, kreditlər üzrə ödənişlərin müştərilər üçün daha da rahat həyata keçirilməsini təmin etmək məqsədilə «FİNCA Azerbaijan» MilliÖN
Ödəniş sisteminə qoşulub. İndi təşkilatın müştəriləri ölkənin bütün regionlarında quraşdırılmış 800 ödəmə terminalları vasitəsilə kreditləri ödəyə biləcəklər.
«FİNCA Azerbaijan»ın Korporativ Sosial Məsuliyyət çərçivəsində həyata keçirdiyi lyihələr haqda danışan natiq ötən ildə «FİNCA Azerbaijan»ın ölkənin bir çox regionlarında kimsəsiz uşaqlar və yeniyetmələr üçün müxtəlif xeyriyyə tədbirləri keçirdiyini də vurğulayıb.
Səlim Loğmanoğlu

Paylaş:

Baxılıb: 1388 dəfə