Qubadlı rayon İcra Hakimiyyətində 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş yığıncaq keçirilib

Bakı:

26 °C

65 %

17 m/s

AZ RU EN

Ana səhifə / İqtisadiyyat / Qubadlı rayon İcra Hakimiyyətində 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş yığıncaq keçirilib

Qubadlı rayon İcra Hakimiyyətində 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş yığıncaq keçirilib

01.08.2015 [10:35]

Qubadlı rayon İcra Hakimiyyətində (RİH) 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş yığıncaq keçirilib. Tədbirdə rayon İcra Hakimiyyətinin nümayəndələri, rayonun idarə, müəssisə və təşkilat rəhbərləri, ictimaiyyət nümayəndələri iştirak ediblər.
Tədbirdə çıxış edən rayon İcra Hakimiyyətinin başçısı Malik İsaqov qeyd edib ki, 2015-ci ilin birinci yarımilliyi iqtisadi baxımdan ölkəmiz üçün bir sıra uğurları ilə yaddaqalan olub.
Daha sonra RİH başçısının müavini Sahib Əliyev hesabat məruzəsi ilə çıxış edib. Bildirilib ki, birinci yarımildə Qubadlı rayonundan olan qaçqın və məcburi köçkünlərin evlə təminatı məsələsi diqqət mərkəzində olub. Beyləqan rayonunda məskunlaşan 1 ailə, Saatlı rayonunda isə 5 ailə yeni mənzilə köçürülüb. Hesabat dövründə əhalinin aztəminatlı hissəsi də diqqətdə saxlanılıb. Rayon rəhbərliyi 2015-ci ilin birinci yarısında yas mərasimlərinin təşkili, xəstələrin müalicəsi və sair məsələlərlə bağlı aztəminatlı ailələrə maddi köməkliklər edib, bayramlarda onlara bayram sovqatları verib. Bunlardan əlavə rayon İcra Hakimiyyətində Böyük Vətən Müharibəsində qələbənin 70 illiyi münasibətilə tədbir keçirilib, 16 nəfər müharibə veteranına mükafatlar verilib.
Məruzəçi bildirib ki, 2015-ci ilin birinci yarımilində Qubadlı rayon Əhalinin Sosial Müdafiəsi Mərkəzi tərəfindən 186 ailənin hər bir üzvünə, eləcə də, ailələrə yardım təyin olunub. 2015-ci ilin birinci yarısında 9 nəfər Qarabağ müharibəsi əlili, 2 nəfər Böyük Vətən Müharibəsi əlili və 1 nəfər Çernobıl əlili yenidən avtomobil alınması üçün növbəyə qəbul edilib.
Bu ilin birinci yarımilində rayonun səhiyyə sektoru da öz fəaliyyəti ilə diqqət çəkib. Bakı şəhərində 10 min 656, Sumqayıt şəhərində 22 min 849, digər rayonlarda isə 2 min 649 nəfərin tibbi müayinədən keçirilməsi təmin edilib.
Hər zaman olduğu kimi, bu ilin birinci yarısında da rayonun ictimai həyatında əsas yeri Yeni Azərbaycan Partiyası (YAP) Qubadlı rayon təşkilatı tutub. Hazırda partiya rayon təşkilatının üzvlərinin sayı 3 min 365-ə çatıb.
Daha sonra tədbirdə 22 iyun 2015-ci il tarixli “Dövlət qulluqçularının təltif edilməsi haqqında Azərbaycan Respublikası Prezidentinin Sərəncamı”na əsasən təltif olunmuş Yuxarı Mollu kənd inzibati ərazi dairəsi üzrə nümayəndə Rafiq Hüseyn oğlu İsmayılova “Tərəqqi” medalı təqdim olunub.
Pərviz SADAYOĞLU

Paylaş:

Baxılıb: 1073 dəfə