ABŞ və Azərbaycan arasında yeni keyfiyyətli iqtisadi müttəfiqlik başlayır

Bakı:

13 °C

76 %

7 m/s

Əlaqə

AZ RU EN

Ana səhifə / Siyasət / ABŞ və Azərbaycan arasında yeni keyfiyyətli iqtisadi müttəfiqlik başlayır

ABŞ və Azərbaycan arasında yeni keyfiyyətli iqtisadi müttəfiqlik başlayır

09.08.2025 [23:21]

Prezident İlham Əliyevin ABŞ-a səfəri və iki dövlət arasında imzalanan “Azərbaycan Respublikası ilə Amerika Birləşmiş Ştatları arasında Strateji Tərəfdaşlıq Xartiyasının hazırlanması məqsədilə Strateji İşçi Qrupunun yaradılması haqqında Azərbaycan Respublikası Hökuməti və Amerika Birləşmiş Ştatları Hökuməti arasında Anlaşma Memorandumu” iqtisadi-ticari-enerji sahəsində 30 illik əməkdaşlığın yeni səhifəsini açır. Bu, həm də indiyə qədər iqtisadi və enerji-kommunikasiya proqramlarında birgə iradənin müasir çağırışlar fonunda daha da irəliyə aparılması üçün niyyət və məramları əks etdirir. Prezident İlham Əliyevin bəyan etdiyi kimi ikitərəfli münasibətlər yeni pilləyə qalxır və strateji tərəfdaşlığımız başlayır.

Hər iki dövlıətin liderinin ortaya qoyduğu iradə və imzalanan sənədlər yaxın dost ölkələrin iqtisadi-ticari hərarətin də möhkəmlənməsində yeni imkanlar açacaq.

Azərbaycan və ABŞ arasında strateji tərəfdaşlıq formatı bir çox bölməni - əhatə edir - qarşılıqlı investisiya, ticarət, rabitə, süni intellekt, tranzit, müdafiə sahəsi və digər yaxşı nəticələr əldə edilmiş sahələri əhatə edir.

İndi isə yeni keyfiyyətli dövr başlayır. İki dövlət arasında iqtisadi baxışların qətiyyətli dövünün xarakterizə edən enerji əməkdaşlığı da yeni dövrə qədəm qoyur. Belə ki, səfər çərçivıəsində SOCAR və “ExxonMobil” korporasiyası arasında “Əməkdaşlıq haqqında Memorandum” imzalanması 30 illik enerji salnaməsənin uğurlu davamını əks etdirir. Bu anlaşma və əməkdaşlıq şirkətlər arasında mövcud olan müsbət əlaqələri möhkəmləndirmək və Azərbaycanda həm qeyri-ənənəvi, həm də ənənəvi neft və qaz imkanlarının dəyərləndirilməsi istiqamətində potensial əməkdaşlıq sahələrini səfərbər edəcək.
Eləcə də, Azərbaycanın iqtisadiyyat nazirinin SOCAR-ın prezidenti ilə birlikdə “SpaceX” şirkətinin və “EXIM Bank”ın rəhbər vəzifəli şəxsləri ilə keçirdiyi görüşləri yeni texnoilogiyalar, süni intellekt, innovasiya və sənaye quruculuğunda açılan pəncərədir. Azərbaycanın qlobal çağırışlar və yeni trendlər fonunda öz iqtisadiyyatının dayanıqlı inkişafını, potensialını artırmaq iradəsi ABŞ-ın da innovasiya-investisiya baxışları ilə üst-üstə düşür, strateji inkişaf istiqamətləri və əlverişli investisiya mühitinin yeni tranzilərini birləşdirir. “EXIM Bank” kimi nəhəng qlobal maliyyə institunun davamlı dəstək niyyəti isə sərmayələrdə axının qapısını aşacaq. Digər əməkdaşlıqlar da Amerikanın güclü iqtisadi dəstəyi və sərmayə axınları sayəsində Azərbaycan iqtisadiyyatının şaxələndirilməsinə və yeni bilik və bacarıqları ehtiva edən sahələrin inkişafına möhkəm baza yaradacaq. Bu isə iqtisadiyyatda innovasiyaların tətbiqini və rəqəmsallaşmanın genişləndirilməsini sürətləndirəcək. Bir sözlə, enerji və qeyri-enerji sahəsində atılacaq addımlar Azərbaycan iqtisadiyyatında yüksək əlavə dəyər yaradan sahələriirəlilələdəcək, xarici tərəfdaşlarla əlaqələrin gücləndirəcək və bölgədə tərəflərin cəlb olunduğu böyük investisiya layihələrinin icrası üçün yeni perspektivlər açacaq.

Azərbaycan bu istiqamətdə inkişaf edəcək, ölkənin iqtisadiyyatını şaxələndirəcəyik və bu gün də olduğu kimi, işsizliyi daha da azaldacaq, eyni zamanda, regionda digər dövlətlərin də qoşulduğu iqtisadi rifah həmrəyliyi formalaşdıracaq.
Beləliklə, Azərbaycan Prezidentinin ABŞ-yə səfəri çərçivəsində Azərbaycan-ABŞ arasında əldə edilmiş razılaşmalar və imzalanan sənədlər iqtisadi sahədə çoxşaxəli əməkdaşlıq əldə etmək üçün möhkəm zəminlər yaradır.

Elbrus Cəfərli

Paylaş:

Baxılıb: 418 dəfə