Dövlət ailə, qadın və uşaq siyasətinin həyata keçirilməsində səmərəli fəaliyyət göstərmiş ziyalılar mükafatlandırılıblar

Bakı:

24 °C

61 %

3 m/s

AZ RU EN

Ana səhifə / Siyasət / Dövlət ailə, qadın və uşaq siyasətinin həyata keçirilməsində səmərəli fəaliyyət göstərmiş ziyalılar mükafatlandırılıblar

Dövlət ailə, qadın və uşaq siyasətinin həyata keçirilməsində səmərəli fəaliyyət göstərmiş ziyalılar mükafatlandırılıblar

08.03.2014 [09:56]

Martın 7-də Bakıda Ailə, Qadın və Uşaq Problemləri üzrə Dövlət Komitəsinin (AQUPDK) təşkilatçılığı ilə 8 mart - Beynəlxalq Qadınlar Gününə həsr olunmuş bayram tədbiri keçirilib.
AzərTAc xəbər verir ki, dövlət və hökumət rəsmilərinin, Milli Məclisin deputatlarının, beynəlxalq və qeyri-hökumət təşkilatlarının nümayəndələrinin iştirak etdiyi tədbirdə Azərbaycanda dövlət qadın siyasətinə dair film göstərilib.
AQUPDK-nın sədri Hicran Hüseynova Prezident İlham Əliyevin ölkə qadınlarına ünvanlanan təbrik məktubunu oxuyub.
Mərasimdə Azərbaycan qadınlarının bir qrupunun təltif edilməsi və fəxri adların verilməsi haqqında Azərbaycan Respublikası Prezidentinin 2014-cü il 6 mart tarixli sərəncamları bir daha diqqətə çatdırılıb.
Hicran Hüseynova Prezident İlham Əliyevin ölkəmizdə ailə, qadın və uşaq problemlərinin həllinə xüsusi diqqət yetirdiyini vurğulayıb, Azərbaycanın birinci xanımı, Heydər Əliyev Fondunun prezidenti Mehriban Əliyevanın bu istiqamətdə fəaliyyətini diqqətə çatdırıb.
Bildirilib ki, ölkə rəhbərliyinin güclü dövlət idarəçiliyi, bölgələrin inkişafına yönəldilən sosial-iqtisadi proqramlar, dünya iqtisadi sisteminə sürətli inteqrasiya Azərbaycanı regionda lider dövlətə çevirib. Bu inkişaf Azərbaycan qadınlarının da ictimai həyatın bütün sahələrində fəal iştirakı üçün imkanlar yaradır. Hazırda elə bir sahə yoxdur ki, orada qadınlar təmsil olunmasın.
Bu il Leninqrad şəhərinin blokadasının 70 illiyinin tamam olduğunu qeyd edən komitə sədri həmin ağrı-acılı günləri xatırladıb, blokada iştirakçısı olan qadınları təbrik edib. Qeyd olunub ki, Ermənistan tərəfindən Azərbaycan torpaqlarının işğalı nəticəsində qadınlarımız müasir dövrdə də yenidən müharibə şəraitində yaşayır və mübarizə aparırlar. Azərbaycan hökuməti onların ictimai-siyasi həyata inteqrasiyası üçün bütün zəruri tədbirləri görür.
Tədbirdə dövlət ailə, qadın və uşaq siyasətinin həyata keçirilməsi sahəsində səmərəli fəaliyyət göstərmiş ziyalılar mükafatlandırılıb.
Təltif olunanlar onların fəaliyyətinə verilən yüksək qiymətə görə dövlətimizin başçısına minnətdarlıqlarını bildiriblər.
“Tərəqqi” medalı ilə təltif olunanlar sırasında AzərTAc-ın müxbiri Xatirə Cəfərova da var.
Daha sonra tanınmış müğənnilərin və şagirdlərin iştirakı ilə konsert proqramı təqdim edilib.
Tədbir çərçivəsində xeyriyyəçilik məqsədi ilə əlil qadınların əl işlərindən ibarət satış sərgisi təşkil olunub.

Paylaş:

Baxılıb: 987 dəfə