Siyavuş Novruzov: “Rus təhlükəsi” adı altında müraciət hazırlayıb imzalayanlar birbaşa Rusiya agenturasına xidmət edən insanlardır

Bakı:

27 °C

45 %

4 m/s

AZ RU EN

Ana səhifə / Siyasət / Siyavuş Novruzov: “Rus təhlükəsi” adı altında müraciət hazırlayıb imzalayanlar birbaşa Rusiya agenturasına xidmət edən insanlardır

Siyavuş Novruzov: “Rus təhlükəsi” adı altında müraciət hazırlayıb imzalayanlar birbaşa Rusiya agenturasına xidmət edən insanlardır

29.04.2014 [09:13]

“Rus təhlükəsi” adı altında müraciət hazırlayıb imzalayanlar birbaşa Rusiya agenturasına xidmət edən insanlardır”. Yeni Azərbaycan Partiyası (YAP) İcra katibinin müavini, millət vəkili Siyavuş Novruzov “Media forum” saytına belə deyib.
Siyavuş Novruzovun fikrincə, müraciət müəlliflərinin məqsədi Rusiyanın diqqətini Azərbaycana cəlb etməkdir: “Rusiya-Ukrayna münaqişəsi yeni başlayan dövrdə Müsavat Partiyasından bir qrup Krıma gedirdi. Guya Krım tatarlarını müdafiə edəcəkdilər. Halbuki həmin vaxt Krım tatarları ilə bağlı məsələ aktual deyildi, gündəmdə başqa mövzular vardı. Təbii ki, onlar Krımda heç bir iş görə bilməyəcəkdilər. Sadəcə olaraq Rusiyanın, rus mətbuatının, Vladimir Jirinovski kimi adamların diqqətini Azərbaycana yönəltmək üçün belə addımlar atırlar. Krıma getməyə cəhd göstərmək də Rusiyaya dəstavüz verməkdən ibarət idi. Bu gün də “rus təhlükəsi” adı altında bəyanat hazırlayıb imzalamaqla yenidən Rusiyanın diqqətini Azərbaycana cəlb etməyə var qüvvələri ilə cəhd göstərirlər.
Məgər dövlətin təhlükəsizlik orqanları yoxdur? Bu məsələləri araşdırmır? Təhlükəsizlik Şurası, dövlətin başqa strukturları, hakim partiya, siyasi analitiklər və digər təşkilatlar da bu məsələləri araşdırırlar. Onlar nəyi nə zaman və necə etməyi gözəl bilirlər. Müraciət imzalayanların məqsədi isə şou göstərmək və Rusiyanın diqqətini Azərbaycana cəlb etməkdir”.
YAP İcra katibinin müavini bildirib ki, müraciəti imzalayanlar şəxsi maraqlarını həyata keçirməyə çalışırlar: “Onların məqsədi Azərbaycanın müstəqilliyini qorumaq, ölkəyə dəstək vermək deyil, şəxsi maraqlarını reallaşdırmaqdır. Azərbaycanda vətəndaş həmrəyliyi, birliyi var, insanlar bir-biri ilə həmrəydir və dövlətin ətrafında birləşiblər. Bir-iki partiya sədri cəmiyyətdən kənarda qalıb, çünki cəmiyyət onları qəbul etmir. Cəmiyyət onları bu cür əməllərinə görə təcrid edib. Ona görə də özlərinə həmrəylik axtarırlar. Həmrəy olmaq istəyirlərsə, gəlib cəmiyyətlə birləşsinlər”.
Siyavuş Novruzov hesab edir ki, Azərbaycanda təslimçilik əhval-ruhiyyəsinin yayılması və Rusiyaya meylliliyin güclənməsi haqda deyilənlərin əsası yoxdur. O qeyd edib ki, müstəqil Azərbaycanda yaşayan insanlar, hər bir vətəndaş, xüsusən də gənclər dövlət müstəqilliyinin qədrini bunun nəyin bahasına başa gəldiyini, müstəqillik yolunda nə qədər əzab-əziyyət çəkildiyini anlayırlar: “Əhalinin 90 faizindən artığı öz müstəqilliyini sevir, qoruyur, buna inanır və Prezidentin ətrafında sıx birləşib”.

Paylaş:

Baxılıb: 814 dəfə