Azərbaycan-İran əlaqələri uğurla inkişaf edir

Bakı:

29 °C

44 %

4 m/s

Əlaqə

AZ RU EN

Ana səhifə / Siyasət / Azərbaycan-İran əlaqələri uğurla inkişaf edir

Azərbaycan-İran əlaqələri uğurla inkişaf edir

22.11.2014 [12:14]

Azərbaycan Respublikası Baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov noyabrın 21-də İran İslam Respublikasının ölkəmizdəki səfiri Möhsün Pakayin ilə görüşüb.
Dövlət Komitəsinin mətbuat xidmətindən AzərTAc-a verilən məlumata görə, görüşdə iki dost və müsəlman ölkə olan Azərbaycan ilə İran arasında humanitar sahədəki əməkdaşlığın xalqlarımızın mənafeyi naminə daha da inkişaf etdirilməsi məqsədi ilə İranın kooperasiya, əmək və sosial rifah naziri Əli Rəbiinin dəvəti əsasında Əli Həsənovun rəhbərlik etdiyi nümayəndə heyətinin noyabrın 23-27-də İrana edəcəyi rəsmi səfərlə bağlı müzakirələr aparılıb.
Əli Həsənov görüşdə Azərbaycan ilə İran arasında münasibətlərin inkişafından danışıb. Diqqətə çatdırılıb ki, dərin köklərə malik olan əlaqələrimiz Ulu öndər Heydər Əliyevin hakimiyyətə qayıdışından sonra inkişaf edib. Ümummilli liderin siyasətini layiqincə davam etdirən Azərbaycan Prezidenti İlham Əliyev də ölkələrimiz arasında əlaqələri uğurla inkişaf etdirir.
Bildirilib ki, son günlər ölkələrimiz arasında yüksək səviyyəli görüşlərin keçirilməsi münasibətlərin dinamik inkişafının bariz göstəricisidir.
Görüşdə Əli Həsənov cari ilin aprel ayında Azərbaycan Prezidenti İlham Əliyevin İrana, ötən həftə İran Prezidenti Həsən Ruhaninin Azərbaycana səfərini xatırladıb. Baş nazirin müavini səfər çərçivəsində keçirilən görüşləri, imzalanan sənədləri Azərbaycanla İran arasında dostluq, qarşılıqlı əməkdaşlıq əlaqələrinin yüksək səviyyədə olmasının bariz nümunəsi kimi dəyərləndirib. Əli Həsənov bildirib ki, ölkələrimiz və xalqlarımız arasında bütün sahələrdəki tarixi münasibətlər bu gün nəinki mehriban qonşuluq, hətta əsl dostluq və qardaşlıq münasibətlərinin nümunəsinə çevrilib.
Baş nazirin müavini qeyd edib ki, Ermənistan-Azərbaycan, Dağlıq Qarabağ münaqişəsi bu gün xalqımızın ən ağrılı və yeganə problemidir. O, dünya dövlətlərinin işğalçı Ermənistana heç bir təzyiq göstərməməsinin Azərbaycana qarşı ədalətsizlik olduğunu deyib. Bildirilib ki, böyük dövlətçilik tarixinə malik qonşu İran daim Azərbaycanın yanında olub. Ölkələrimiz arasındakı qarşılıqlı faydalı əməkdaşlıq müvafiq dövlət və hökumət qurumları arasında əlaqələrin genişlənməsinə də şərait yaradıb. İran Ermənistan-Azərbaycan, Dağlıq Qarabağ münaqişəsi nəticəsində doğma ocaqlarından didərgin salınmış soydaşlarımızın dözülməz vəziyyətlə üz-üzə qaldığı vaxtdan Azərbaycana humanitar yardım göndərən ilk dövlətlərdəndir ki, bunu da xalqımız heç vaxt unutmayacaq.
Əli Həsənov, həmçinin İranın dövlət televiziya kanalına bu ölkəyə nəzərdə tutulmuş səfəri, Azərbaycan-İran münasibətləri və Ermənistan-Azərbaycan, Dağlıq Qarabağ münaqişəsi ilə bağlı müsahibə verib.

Paylaş:

Baxılıb: 847 dəfə