Baş nazirin müavini, YAP-ın Sədr müavini Əli Əhmədov MDB Parlamentlərarası Beynəlxalq Müşahidə Missiyasının üzvləri ilə görüşüb

Bakı:

20 °C

77 %

3 m/s

AZ RU EN

Ana səhifə / Siyasət / Baş nazirin müavini, YAP-ın Sədr müavini Əli Əhmədov MDB Parlamentlərarası Beynəlxalq Müşahidə Missiyasının üzvləri ilə görüşüb

Baş nazirin müavini, YAP-ın Sədr müavini Əli Əhmədov MDB Parlamentlərarası Beynəlxalq Müşahidə Missiyasının üzvləri ilə görüşüb

02.11.2015 [11:46]

Baş nazirin müavini, YAP-ın Sədr müavini-İcra katibi Əli Əhmədov partiyanın qərargahında 1 noyabr parlament seçkilərini izləmək məqsədilə ölkəmizdə olan MDB Parlamentlərarası Beynəlxalq Müşahidə Missiyasının üzvləri ilə görüşüb.
Görüşdə Əli Əhmədov ölkəmizdə seçkilərin azad, şəffaf, demokratik, beynəlxalq standartlara uyğun keçirilməsi üçün yaradılan şəraitdən bəhs edib. Bildirib ki, Azərbaycanda demokratik seçki mühiti mövcuddur, bütün siyasi partiyalara seçkilərin hər bir mərhələsində eyni şərait yaradılıb.
Əli Əhmədov vurğulayıb ki, ölkənin aparıcı siyasi təşkilatı olan Yeni Azərbaycan Partiyası seçkilərə böyük qələbə əzmi ilə qatılıb. Bunu şərtləndirən bir sıra amillər mövcuddur. Ulu öndər Heydər Əliyevin yaradıcısı olduğu Yeni Azərbaycan Partiyası bu gün Prezident İlham Əliyevin rəhbərliyi altında uğurla inkişaf edir. Partiyanın sıralarında 670 minə yaxın üzvün birləşməsi təbii ki, həyata keçirilən siyasətə dəstəyin, Yeni Azərbaycan Partiyasının bu gününə və gələcəyinə inamın göstəricisidir.
YAP Sədrinin müavini Əli Əhmədov bildirib ki, hər bir partiya seçkilərə ötən dövr ərzində qazandığı uğurlarla, malik olduğu sosial baza ilə qatılır. Heç şübhəsizdir ki, Yeni Azərbaycan Partiyasına xalqın dəstəyi böyükdür.
Əli Əhmədov ölkədə seçki ab-havasının çox müsbət, xalqın seçki əhval-ruhiyyəsinin yüksək olduğunu qeyd edib. Vurğulayıb ki, bu ab-hava xalqın bugünkü reallıqlara verdiyi yüksək dəyərdən qaynaqlanır.
Demokratiyanın vacib amillərindən biri seçkilərin şəffaflığının təminatının təsdiqi kimi prosesin beynəlxalq təşkilatların, ayrı-ayrı dövlətlərin müşahidəçilərinin izləməsidir. Ə.Əhmədov Azərbaycan dövlətinin beynəlxalq müşahidə missiyalarının seçkiləri izləmələrinə yaratdığı şəraiti prosesin demokratik, azad və şəffaf şəkildə keçirilməsinə göstərdiyi diqqət və önəm kimi qeyd edib.
Görüşdə bu əminlik bir daha ifadə edilib ki, 1 noyabr parlament seçkiləri xalqımızın yüksək fəallığı şəraitində keçiriləcək, Azərbaycan növbəti illərdə də uğurla inkişaf edərək, yeni-yeni hədəflərə çatacaq.
MDB Parlamentlərarası Beynəlxalq Müşahidə Missiyasının üzvləri ölkəmizdə seçki ab-havasından razılıqlarını ifadə ediblər. Azərbaycanın demokratik inkişaf yolunda inamla irəliləməsinin göstəricilərindən biri kimi seçkilərin demokratikliyinə, beynəlxalq standartlara uyğun keçirilməsinə göstərilən diqqəti xüsusi vurğulayıblar.
Ə.Əhmədov Müşahidə Missiyasının üzvlərini maraqlandıran sualları cavablandırıb, bir daha onları ölkəmizdə görməkdən, seçkiləri izləmələrinə göstərdikləri maraqdan məmnunluqlarını ifadə edib.
YAP İcra katibinin müavini Mübariz Qurbanlı görüşdə iştirak edib.

Paylaş:

Baxılıb: 617 dəfə