Görkəmli oftalmoloq alim, akademik Zərifə xanım Əliyevanın unudulmaz xatirəsinə ehtiram

Bakı:

26 °C

56 %

5 m/s

Əlaqə

AZ RU EN

Ana səhifə / Siyasət / Görkəmli oftalmoloq alim, akademik Zərifə xanım Əliyevanın unudulmaz xatirəsinə ehtiram

Görkəmli oftalmoloq alim, akademik Zərifə xanım Əliyevanın unudulmaz xatirəsinə ehtiram

29.04.2009 [16:41]

Yeni Azərbaycan Partiyasının Qadınlar Şurası və Ailə, Qadın və Uşaq problemləri üzrə Dövlət Komitəsinin kollektivi görkəmli oftalmoloq alim, akademik Zərifə xanım Əliyevanın anadan olmasının 86-cı ildönümü münasibətilə Fəxri Xiyabanda alimin ömür-gün yoldaşı, ümummilli lider Heydər Əliyevin xatirəsini ehtiramla yad edib, məzarı önünə gül dəstələri qoyublar. Görkəmli oftalmoloq alim, akademik Zərifə xanım Əliyevanın xatirəsi ehtiramla anılıb, məzarı önünə əklil qoyulub və gül dəstələri düzülüb.

***

Dünən Əziz Əliyev adına Azərbaycan Dövlət Həkimləri Təkmilləşdirmə İnstitutunda görkəmli alim, əməkdar elm xadimi akademik Zərifə xanım Əliyevanın anadan olmasının 86-cı ildönümü ilə bağlı elmi-praktik konfrans keçirilib.
Tədbirdən öncə konfrans iştirakçıları Fəxri Xiyabana gələrək, müasir Azərbaycan dövlətinin memarı və qurucusu, ümummilli lider Heydər Əliyevin xatirəsini ehtiramla yad edib, məzarı önünə əklil qoyublar. Görkəmli oftalmoloq alim, akademik Zərifə xanım Əliyevanın xatirəsi ehtiramla anılıb, məzarı önünə əklil və gül-çiçək dəstələri qoyulub.
Daha sonra konfrans işini davam etdirib. Səhiyyə naziri Oqtay Şirəliyev bildirib ki, tibb elmində böyük xidmətləri olan görkəmli oftalmoloq alim, akademik Zərifə xanım Əliyeva Azərbaycanın XX əsrdə yetirdiyi ən tanınmış qadın alim və şəxsiyyətlərdən biridir.
Alimin Azərbaycanda oftalmologiya elminin inkişafında müstəsna xidmətləri var.
Nazir bildirib ki, Zərifə xanım vaxtilə Azərbaycanda geniş yayılmış traxomanın öyrənilməsi, profilaktikası və müalicəsinə, habelə oftalmologiyanın müasir problemlərinə dair bir çox sanballı tədqiqatların, o cümlədən “Terapevtik oftalmologiya”, “İridodiaqnostikanın əsasları” kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirmə təklifinin müəllifidir. Görkəmli alim Zərifə xanım Əliyeva yüksək ixtisaslı səhiyyə kadrları hazırlanmasına böyük əmək sərf edib.
Sonra görkəmli alimin həyat və fəaliyyətini əks etdirən film nümayiş olunub.
Zərifə Əliyeva adına Respublika Elmi Tədqiqat Göz Xəstəlikləri İnstitutunun direktoru Elmar Qasımov, Azərbaycan Tibb Universitetinin rektoru Əhliman Əmiraslanov, M.A.Topçubaşov adına Elmi Cərrahiyyə Mərkəzinin direktoru Böyükkişi Ağayev və başqaları bütün mənalı ömrünü oftalmologiya elminin inkişafına həsr edən Zərifə xanımın zəngin elmi irsi, bu gün də öz aktuallığını itirməyən tədqiqatları, qazandığı nailiyyətlər, yaratdığı fundamental əsərlərindən danışıblar.

Paylaş:

Baxılıb: 1469 dəfə