AZƏRTAC-ın xüsusi müxbirinin çoxsaylı etiraz məktubları nəticəsiz qalmayıb

Bakı:

20 °C

94 %

0 m/s

Əlaqə

AZ RU EN

Ana səhifə / Siyasət / AZƏRTAC-ın xüsusi müxbirinin çoxsaylı etiraz məktubları nəticəsiz qalmayıb

AZƏRTAC-ın xüsusi müxbirinin çoxsaylı etiraz məktubları nəticəsiz qalmayıb

13.12.2016 [09:48]

AZƏRTAC-ın xüsusi müxbirinin Çexiyanın müxtəlif hökumət instansiyalarına, NATO üzrə Türkiyənin müttəfiqləri olan ölkələrin səfirliklərinə və Çexiyanın aparıcı KİV redaksiyalarına çoxsaylı etiraz məktubları yazıb YPD/PYD kürd təşkilatının terrorçu mahiyyətini izah edəndən, Avropanın bir sıra nüfuzlu siyasətçiləri ilə şəxsi görüşlər keçirəndən sonra, bu təşkilatın Praqadakı ofisi nəhayət, öz fəaliyyətini dayandırmaq və ofisi bağlamaq barədə hakimiyyət orqanlarından göstəriş alıb. AZƏRTAC-ın xüsusi müxbirinin tutarlı dəlillərindən biri Çexiya dövlətinin Ukrayna və Türkiyəyə münasibətdə ikili standartları rəhbər tutması olub. Xatırladaq ki, Çexiya məhkəməsi qondarma “DXR (Donetsk Xalq Respublikası) nümayəndəliyi”nin bağlanması haqqında qərar çıxardığı halda bu ölkədə bütün qapılar YPG/PYD terrorçularının üzünə açıq idi.
Nəhayət, uzun səylər nəticə verib.
Səciyyəvi haldır ki, “qoyun dərisi geymiş” terrorçular özləri guya çexiyalı siyasətçilərlə əməkdaşlıq qurmağa və öz xalqının tanınması, öz dövlətlərini yaratmaq üçün dəstək tapmağa nail ola bilmədiklərindən “özləri” həmin ofisi bağlamağı qərara aldıqlarını elan etməklə özlərini təmizə çıxarmağa çalışıblar. Həftəlik “Pravo” nəşrinin yazdığına görə, “ofis öz işini ona görə yekunlaşdırıb ki, onun nümayəndələri Çexiya Respublikasında dəstək tapa bilməyiblər”. Təbii ki, Avropanın mərkəzində terrorizmin təbliğinə və onun leqallaşdırılmasına son qoyulması tələb edilən saysız-hesabsız məktubları barədə bir kəlmə də deyilmir. Bu izahın yalan olması göz qabağındadır: Əgər həmin ofisin təsis edilməsi təşəbbüsünü bu il aprel ayında Çexiyanın hakimiyyət orqanları özləri irəli sürmüşdüsə, onlar dəstəklənməyə və əməkdaşlıq qurmağa necə nail ola bilməzdilər?
Xatırladaq ki, 2015-ci ilin payızında, yəni Praqa ofisinin açılmasından yarım il əvvəl bu quldur dəstəsinin rəhbəri Niderland sakini Şeruan Qassan olub. Sözügedən cəmiyyət “kürdlər və humanitar yardım haqqında informasiya” yaymağı, habelə “beynəlxalq əməkdaşlıq” qurmağı planlaşdırırdı. Lakin bir məsələ aydın deyil: terrorçularla hansı əməkdaşlıqdan söhbət gedə bilər?
İstisna olunmur ki, İstanbulda törədilmiş dəhşətli terror aktından sonra Çexiyanın hakim dairələri AZƏRTAC-ın xüsusi müxbirinin etirazlarını yada salmağa məcbur olublar. Həmin terror aktına görə məsuliyyət təkcə PKK-nın yox, həm də onun filiallarının, o cümlədən YAPG/PYD-nin üzərinə düşür.

Paylaş:

Baxılıb: 640 dəfə