Azərbaycanda seçkilərin təşkilində və keçirilməsində əhəmiyyətli dərəcədə irəliləyiş müşahidə olunub

Bakı:

15°C

72%

7m/s

AZ RU EN

Ana səhifə / Siyasət / Azərbaycanda seçkilərin təşkilində və keçirilməsində əhəmiyyətli dərəcədə irəliləyiş müşahidə olunub

Azərbaycanda seçkilərin təşkilində və keçirilməsində əhəmiyyətli dərəcədə irəliləyiş müşahidə olunub

25.12.2009 [10:06]

Avropa Şurası Yerli və Regional Hakimiyyətlər Konqresinin missiyası bələdiyyə seçkilərini müsbət qiymətləndirir
Dünən “Atropat” otelində dekabrın 23-də Azərbaycanda keçirilmiş bələdiyyə seçkilərini izləmək üçün ölkəmizdə səfərdə olan Avropa Şurasının Yerli və Regional Hakimiyyətlər Konqresinin (AŞYRHK) müşahidə missiyası üzvlərinin mətbuat konfransı keçirildi. Tədbirdə çıxış edən qurumun vitse-prezidenti Jan Klod Frecon (Fransa) müşahidə missiyasının tərkibinə daxil olan AŞYRHK-nın 11 üzvünün Azərbaycanda seçkiqabağı vəziyyətlə tanış olmaq məqsədilə hələ dekabrın 7-də ölkəmizə gəldiyini dedi.
ötən müddət ərzində missiya üzvlərinin bir sıra şəhər və rayonlarda olduqlarını deyən Jan Klod Frecon həmin səfərlərin təşkili üçün göstərilən dəstəyə görə Azərbaycan hakimiyyətinə öz minnətdarlığını bildirdi. Fransalı qonaq, həmçinin, Bakıda olduqları müddətdə onlara göstərilən diqqət və qayğıya görə Mərkəzi Seçki Komissiyasının rəhbərliyinə və Avropa Şurası Parlament Assambleyasındakı Azərbaycan nümayəndə heyətinin üzvlərinə KİV vasitəsi ilə öz təşəkkürünü çatdırdı.
J.Frecon daha sonra, yerlərdə müşahidələrin ardınca missiya üzvlərinin Bakıda toplaşaraq müzakirələr apardıqlarını və bələdiyyə seçkilərinə hazırlıqla bağlı yekun rəyə gəldiklərini söylədi. Missiya üzvlərinin rəyinə görə, dekabrın 23-də Azərbaycanda keçirilmiş bələdiyyə seçkilərinin təşkili yüksək səviyyədə olub. “Mən həm 1999-cu ildə, həm də ondan sonra Azərbaycanda keçirilən bir neçə seçkidə müşahidəçi kimi iştirak etmişəm. Eləcə də, missiya üzvlərindən bir neçəsi Azərbaycanda keçirilən seçkilərdə müşahidəçilik missiyasını həyata keçiriblər. Budəfəki bələdiyyə seçkiləri zamanı seçki məntəqələrinin təşkili, seçki qutularının və səsvermə kabinələrinin hazırlanması çox yaxşı təşkil olunmuşdu. Əgər əvvəlki seçkilərdə, latın əlifbasına keçidlə əlaqədar olaraq, bəzi vətəndaşlar yazıb-oxumaqda çətinlik çəkirdilərsə, kabinələrə öz yaxınları ilə daxil olurdularsa, budəfəki seçkilərdə belə neqativ hallara rast gəlinmədi. Əksinə, son seçkilər onu göstərdi ki, seçki məntəqələrinin sədrləri, eləcə də, komissiyaların üzvləri seçkiləri keçirməkdə daha da püxtələşiblər, öz işlərinin öhdəsindən lazımınca gəlirlər” - deyə AŞYRHK-nın vitse-prezidenti bildirdi.
Onun sözlərinə görə, müşahidə missiyasının Azərbaycanda bələdiyyə seçkiləri ilə bağlı yekun rəyi konqresin Bürosunun yanvarın 15-də keçiriləcək iclasında müzakirə olunacaq: “Seçkilərin gedişi ilə bağlı hesabatı Büroya fransalı Frensis Lek təqdim edəcək. Hesabatın mətni yazılı şəkildə martda təqdim olunacaq”.
öz növbəsində, missiya üzvlərindən Amu Koopmanschap (Hollandiya), həmçinin, Konqresin kommunikasiya və seçkiləri müşahidə komissiyasının rəhbəri Renata Zikmund çıxış edərək seçki günü 100-dən artıq məntəqədə səsvermənin gedişini müşahidə etdiklərini dedilər. Onlar hansı məntəqədə səsverməni müşahidə edəcəklərini kiminsə sifarişi ilə deyil, öz istəkləri ilə seçdiklərini, bununla bağlı onlara hər hansı bir kənar təsirin olmadığını bildirdilər.
Son olaraq, Jan Klod Frecon, Azərbaycanda keçirilən bələdiyyə seçkilərinin əvvəlki illərdəkilərlə müqayisədə irəliyə doğru atılmış bir addım olduğunu vurğuladı.
Səlim LOÄžMANOÄžLU

Paylaş:

Baxılıb: 1027 dəfə