Qaradağda yaşayan aztəminatlı ailələrə bayram sovqatı paylanılıb

Bakı:

11 °C

82 %

6 m/s

Əlaqə

AZ RU EN

Ana səhifə / Siyasət / Qaradağda yaşayan aztəminatlı ailələrə bayram sovqatı paylanılıb

Qaradağda yaşayan aztəminatlı ailələrə bayram sovqatı paylanılıb

26.12.2009 [09:50]

Hər il olduğu kimi bu il də Qaradağ rayonunda yaşayan aztəminatlı ailələr bayramda heç bir sıxıntı çəkməyəcəklər
“Qaradağ rayonunun sosial-iqtisadi inkişafına yardım fondu” rayon ərazisində yaşayan Qarabağ müharibəsi əlillərinə, qaçqın, köçkün və aztəminatlı ailələri sevindirib. Yeni il öncəsi onlara bayram sovqatı paylanılıb. Bu baxımdan hər il olduğu kimi, bu il də Qaradağ rayonunda yaşayan aztəminatlı ailələr bayramda heç bir sıxıntı çəkməyəcəklər.
“Qaradağ rayonunun sosial-iqtisadi inkişafına yardım fondu”nun göndərdiyi sovqatda bir ailənin bayramda ehtiyac duyduğu bütün azuqələr toplanıb. Aztəminatlı ailələrə hər biri 5 kq-dan artıq olmaqla bayram hədiyyəsi paylanılıb. Bu, fondun sakinlərə göstərdiyi növbəti qayğıdır. Rayon ərazisində yaşayan Qarabağ müharibəsi əlillərinə, qaçqın, köçkün və aztəminatlı ailələrə yardımların verilməsi artıq ənənə halını alıb və uzun müddətdir ki, bu adət-ənənəyə sadiqlik nümayiş etdirilir.
Qeyd edək ki, bu fondun Qaradağ rayonunda gerçəkləşdirdiyi ilk belə layihə deyil. “Qaradağ rayonunun sosial-iqtisadi inkişafına yardım fondu” rayon ərazisində indiyədək onlarla layihə gerçəkləşdirib.
Qaradağ rayon İcra Hakimiyyətinin başçısı Hüseyn İsrafilov bildirib ki, “Qaradağ rayonunun sosial-iqtisadi inkişafına yardım fondu” hər il bayram ərəfəsində rayon ərazisində yaşayan qaçqın, köçkün və aztəminatlı ailələrə - ümumilikdə, 3500 ailəyə bayram sovqatı paylayır: “Ulu öndər Heydər Əliyevin siyasi kursunu uğurla davam etdirən cənab Prezident İlham Əliyevin bu təbəqədən olan insanlara münasibəti cəmiyyətimizdə hər zaman müsbət fikirlər yaradıb. Bu gün də biz cəmiyyətimizdə bunu sezirik. Əlbəttə ki, belə yardımlar həmin ailələrin sevincinə səbəb olur. Bunu, həmin kateqoriyadan olan insanlara qarşı diqqət və qayğı kimi qəbul etmək lazımdı”.
Yeni Azərbaycan Partiyası Qaradağ rayon təşkilatının sədri Aydın Hüseynov da vurğulayıb ki, ənənə halını almış bu fəaliyyət aztəminatlı ailələrdə razılıq əlaməti yaradır: “Dövlətimizin sürətli inkişafı aztəminatlı ailələrin rifah halının yüksəlməsinə gətirib çıxarır. Artıq bir müddətdən sonra Azərbaycanda bu istiqamətdə həyata keçirilən siyasət təcrübə kimi digər dövlətlərə də təqdim ediləcək. çünki, Azərbaycanda bütün reallıqlar nəzərə alınaraq uğurlu sosial-iqtisadi siyasət həyata keçirilir”.
ümumilikdə, fondun Qaradağ rayonunun inkişafında böyük xidmətləri var. ölkə başçısının təşəbbüsü və rəhbərliyi altında ümid qəsəbəsində 100-dən artıq qaçqın ailəsi üçün hər cür şəraiti olan mənzillər tikilərək istifadəyə verilib. Bir il əvvəl daha 120 ailə evlə təmin edilib.
“Qaradağ rayonunun sosial- iqtisadi inkişafına yardım fondu”nun təşəbbüsü ilə Qaradağ rayonunda müharibə veteranları və şəhid ailələri üçün 2 yaşayış binası istifadəyə verilib.
Bir neçə aydan sonra isə Lökbatan qəsəbəsində 81 mənzilli növbəti yaşayış binası istifadəyə veriləcək.
RAMİL

Paylaş:

Baxılıb: 1101 dəfə