Baş yazarlar KİVDF-nin fəaliyyətindən razıdırlar

Bakı:

26 °C

56 %

4 m/s

Əlaqə

AZ RU EN

Ana səhifə / Siyasət / Baş yazarlar KİVDF-nin fəaliyyətindən razıdırlar

Baş yazarlar KİVDF-nin fəaliyyətindən razıdırlar

09.04.2010 [10:24]

Azərbaycan Respublikası Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) yaradılmasından bir il ötür. Belə bir fondun yaradılmasında məqsəd vətəndaş cəmiyyəti quruculuğu prosesində ölkədə fikir, söz və məlumat azadlığını inkişaf etdirmək, kütləvi informasiya vasitələrinin müstəqilliyini dəstəkləmək, media orqanları arasında əməkdaşlığı gücləndirmək və jurnalistlərin peşəkarlığının artırılmasına şərait yaratmaqdan ibarət idi.
Məhz Fondun bir illik fəaliyyətini qiymətləndirmək məqsədilə “Olaylar İA” media rəhbərlərinə müraciət edib.
“Xalq Cəbhəsi” qəzetinin baş redaktoru Elçin Mirzəbəyli deyib ki, Kütləvi İnformasiya Vasitələrinin İnkişafına Dövlət Dəstəyi Fondu bir illik fəaliyyətində bir sıra uğurlara imza atıb: “Ona görə, fondun bir illik fəaliyyətinin onun gələcək işlərində effektiv rol oynayacağı qənaətindəyəm”.
E.Mirzəbəyli bildirib ki, fondun bir illik fəaliyyəti ölkədə kütləvi informasiya vasitələrinin inkişafına müsbət təsir göstərib: “Fondun fəaliyyətində ən müsbət istiqamət ondan ibarətdir ki, bu fəaliyyət məqsədyönlü olduğundan, konkret layihə həyata keçiriləndə media orqanlarının nümayəndələri peşəkarlıq baxımından təcrübə qazanırlar. Digər tərəfdən, mətbuat orqanlarında sənədləşmə işinin qaydaya düşməsi təmin edilir ki, bunun özü də çox əhəmiyyətlidir. Azərbaycan mətbuatının fəallığının artmasına, mətbuat orqanları arasında rəqabətin güclənməsinə zəmin yaranır”.
“Bakı Xəbər” qəzetinin baş redaktoru Aydın Quliyevin fikrincə, Azərbaycanda KİV-in İnkişafına Dövlət Dəstəyi Fondunun fəaliyyəti ilə yaxşı bir iş ənənəsinin əsası qoyulub: “Artıq mətbuat orqanları və jurnalistlər arasında bir neçə müsabiqə keçirilib. Müsabiqələrin nəticəsindən aydın olur ki, fondun bir il ərzində həyata keçirdiyi tədbirlər iki istiqamətdə dəyərli olub. Onlardan biri mətbuatın maddi-texniki bazasının möhkəmləndirilməsi, digəri isə çətin rəqabət şəraitində mətbuat orqanlarına inkişaf imkanlarının göstərilməsi olub. Fond mətbuat orqanları qarşısında nümayiş etdirib ki, inkişaf etmək üçün nə etmək lazımdır. Təkcə bu iki istiqamət ötən bir ildə Fondun gördüyü işləri xarakterizə etmək üçün kifayətdir”.
“OLAYLAR” İnformasiya Agentliyinin baş direktoru və “Olaylar” qəzetinin baş redaktoru Yunus Oğuz rəhbərlik etdiyi KİV-lərin KİV-in İnkişafına Dövlət Dəstəyi Konsepsiyasından faydalandığını deyib: “Bir il ərzində Kütləvi İnformasiya Vasitələrinə Dövlət Dəstəyi Fondu mətbuatın inkişafına bacardığı yardımları etdi. Qəzetlərə birbaşa maliyyə yardımı edildi, KİV-lərin ayrı-ayrı sahələr üzrə layihələrini dəstəklədi və fərdi jurnalist müsabiqəsi keçirərək qalibləri mükafatlandırdı”.
Yunus Oğuz hesab edir ki, bu cür müsabiqələr jurnalistlərin sosial vəziyyətinin yaxşılaşdırılmasına mühüm töhfə verir. Baş redaktor deyib ki, KİVDF-nin fəaliyyətini qənaətbəxş saymaq olar.
“Yeni Azərbaycan” qəzetinin baş redaktoru Hikmət Babaoğlunun sözlərinə görə, fondun fəaliyyətini Azərbaycan dövlətinin mətbuatın inkişafına böyük diqqəti kimi qiymətləndirmək lazımdır: “ölkə mətbuatının ən zəif yeri onun maddi təminatı ilə bağlıdır. Fond yarandıqdan sonra bu istiqamətdə çoxlu işlər görülüb. Fond yarandığı gündən indiyə qədər redaksiyalar və jurnalistlər tərəfindən layihələrin həyata keçirilməsini maliyyələşdirir ki, bu da birbaşa qəzet kollektivinin maddi rifahına təsir göstərən faktordur. Hesab edirəm ki, fond ötən bir il müddətində bu istiqamətdə kifayət qədər səmərəli fəaliyyət göstərib, Azərbaycan dövlətinin və xalqının milli maraqlarından irəli gələn layihələrin həyata keçirilməsini təmin edib. Bu gün Azərbaycan həqiqətlərinin dünyaya çatdırılması və ümumilikdə Azərbaycan mətbuatı üçün keyfiyyətcə yeni məzmun daşıyacaq bir çox layihələrə imza atıb. Ən əsası odur ki, fond bu prosesi həyata keçirərkən obyektivlik əsas meyar kimi götürülüb. Hesab edirəm ki, fondun bir illik fəaliyyətini müsbət qiymətləndirmək olar”.
“Səs” qəzetinin baş redaktoru Bəhruz Quliyevin sözlərinə görə, Fond ötən bir il ərzində KİV-in inkişafı naminə çox işlər görüb. Fond yarandığı gündən müxtəlif layihələrin həyata keçirilməsini maliyyələşdirir ki, bu da ölkədə vətəndaş cəmiyyətinin inkişafına doğru atılmış mühüm addımdır: “Qəzetlər tərəfindən istənilən layihənin həyata keçirilməsi layihə çərçivəsində çalışan jurnalistlərin maddi imkanlarının yaxşılaşdırılmasına səbəb olur. Fondun həyata keçirdiyi ayrı-ayrı tədbirlər jurnalist kollektivlərinin bir-birinə yaxınlaşmasına kömək edib. Təkcə bu baxımdan fondun bir illik fəaliyyəti yüksək qiymətləndirilməlidir. Fond fəaliyyəti ilə qəzetlərin xarici ölkələrdən maliyyə asılılığını aradan qaldırıb, xarici ölkələrin qrantlarından xilas edib, qəzetlərin müstəqil fəaliyyəti üçün imkan yaradıb.

Paylaş:

Baxılıb: 1225 dəfə