Minsk qrupunun həmsədrlik institutunun tərkibində dəyişiklik zamanı yetişib

Bakı:

27 °C

46 %

3 m/s

Əlaqə

AZ RU EN

Ana səhifə / Siyasət / Minsk qrupunun həmsədrlik institutunun tərkibində dəyişiklik zamanı yetişib

Minsk qrupunun həmsədrlik institutunun tərkibində dəyişiklik zamanı yetişib

21.04.2010 [09:14]

Əli Əhmədov: İstənilən halda münaqişənin həlli Azərbaycan torpaqlarının işğaldan azad olunmasından keçir
“Təəssüf hissi ilə qeyd etmək lazımdır ki, dünyanın bir sıra dövlətləri, o cümlədən münaqişənin nizama salınmasında vasitəçilik missiyasını üzərinə götürən bəzi dövlətlər bu prosesdə ədalətli mövqe nümayiş etdirməkdə ya çətinlik çəkirlər, ya da müəyyən mərhələdə önəmli addımların atılmasında qətiyyət göstərmirlər”. APA-nın xəbərinə görə, bunu YAP Sədrinin müavini - İcra katibi Əli Əhmədov jurnalistlərə açıqlamasında deyib. Ə.Əhmədov bildirib ki, istənilən halda münaqişənin həlli Azərbaycan torpaqlarının işğaldan azad olunmasından keçir, vasitəçilər də bunu dərk etmək zorundadırlar: “Türkiyənin münaqişənin nizama salınması prosesinə qoşulmasını təbii hesab edirik. Türkiyə ATƏT-in Minsk qrupunun 11 üzvündən biridir. Minsk qrupunun həmsədri olan ölkələrin bu günə kimi lazımı qətiyyət göstərə bilməmələri və işğala məruz qalan dövlət kimi Azərbaycanın mövqeyinin kifayət qədər müdafiə olunmaması bu fikri söyləməyə əsas yaradır ki, Minsk qrupunun həmsədrlik institutunun tərkibində dəyişiklik zamanı yetişib. Biz belə hesab edirik ki, Türkiyə bu formatın kamilləşməsi, tamamlanması üçün ən gərəkli namizəd ola bilər”.
YAP Sədrinin müavini deyib ki, Türkiyə problemin ədalətli və Azərbaycanın pozulmuş hüquqlarının bərpası çərçivəsində həllində maraqlıdır: “Buna görə də Türkiyənin prosesə qoşulmasını alqışlayırıq. Hesab edirik ki, Türkiyənin prosesə qoşulması münaqişənin həlinə töhfə verə bilər”.
Əli Əhmədov Azərbaycanın ABŞ-la birgə hərbi təlimlərdən imtina etməsinə münasibət bildirərkən deyib ki, regionda əmin-amanlığın, sabitliyin, əməkdaşlığın təmin edilməsi Ermənistanla Azərbaycan arasında münaqişənin nəticələrinin aradan qaldırılması ilə bilavasitə əlaqədardır. Bundan kənarda Cənubi Qafqazda sülhün və əmin-amanlığın təmin edilməsi mümkün deyil. Ə.Əhmədov hesab edir ki, bütün proseslər bu kontekstdə nəzərdən keçirilirsə, o zaman birinci olaraq münaqişənin aradan qaldırılması üçün əhəmiyyətli addımlar atılmalıdır: “Bu gün üçün Azərbaycan cəmiyyətinin qəbul edə biləcəyi reallıqlar ondan ibarətdir ki, istənilən beynəlxalq qurumlarla Azərbaycanın münasibətlərinin kökündə dayanan çox vacib məsələlərdən biri də Azərbaycana qarşı haqsızlığa həmin təşkilatların və qurumların münasibətinin açıq şəkildə ortaya qoyulmasıdır. Əgər Azərbaycanın haqlı mövqeyi bu qurumlar tərəfindən müdafiə edilmirsə, onda Azərbaycan cəmiyyətinin bu münasibətlərin Azərbaycanın maraqlarına nə dərəcədə uyğun gəlməsi ilə əlaqədar sualları ortaya çıxır”.

Paylaş:

Baxılıb: 1201 dəfə