Ermənilərin qondarma “soyqırımı” iddiasının tarixi əsası yoxdur

Bakı:

20 °C

77 %

9 m/s

Əlaqə

AZ RU EN

Ana səhifə / Siyasət / Ermənilərin qondarma “soyqırımı” iddiasının tarixi əsası yoxdur

Ermənilərin qondarma “soyqırımı” iddiasının tarixi əsası yoxdur

23.04.2021 [08:18]

Bəlli olduğu kimi, hər il aprelin 24-də ermənilərin qondarma “soyqırımı” iddiası xüsusi olaraq gündəmə gətirilir. Təbii ki, ermənilər saxta iddialarla beynəlxalq ictimai rəyi manipulyasiya etməyə çalışırlar. Eyni zamanda, müxtəlif maraqlı xarici qüvvələr ermənilərin uydurma iddialarından istifadə edərək Türkiyə və Azərbaycana qarşı qara piar kampaniyası aparmağa cəhd göstərirlər. Yeri gəlmişkən, indi diqqət yenidən bəzi ölkələrə, xüsusilə də ABŞ-a yönəlib. Belə ki, saxta iddialarla beynəlxalq ictimai rəyi manipulyasiya etməyə çalışan ermənilər ABŞ prezidentindən ənənəvi müraciətində “soyqırımı” sözünü gözləyirlər. Amma eksperlərin də qeyd etdikləri kimi, tarixi əsasları olmayan cəfəng bir iddianın səsləndirilməsi mənəvi və siyasi cəhətdən yolverilməzdir.
Məsələ ilə bağlı fikirlərini bölüşən Milli Məclisin üzvü Sədaqət Vəliyeva bildirib ki, ermənilərin bu qondarma iddialarının əsası yoxdur və tarixi sənədlər də təsdiq edir ki, 1915-ci ildə Türkiyə ərazisində ermənilərə qarşı heç bir soyqırımı olmayıb. Bu baxımdan, uydurma “erməni soyqırımı” iddialarının gündəmə gətirilməsi Ermənistan və erməni lobbisi ilə yanaşı, bəzi xarici güclərin də marağındadır: “Bu əsassız iddiadan zaman-zaman Azərbaycana və Türkiyəyə qarşı təzyiq vasitəsi kimi istifadə etməyə çalışırlar. Xüsusilə, Türkiyə-Azərbaycan qardaşlığından ciddi narahat olan erməniləri bu əsassız təbliğatı gücləndirməyə cəhd edirlər. Təbii ki, bu əsassız iddia subyektiv mülahizələrə söykənməklə yanaşı, islamofob, anti-Azərbaycan və anti-Türk meyillərin son dövrlərdə güclənməsinin təzahürüdür. Onlar arzulayırlar ki, bəzi dövlətlərin başçıları öz çıxışlarında “soyqırımı” sözünü işlətsinlər. Amma bu olmayacaq. Çünki heç bir dövlət Azərbaycan və Türkiyə kimi tərəfdaşlarla olan əlaqələrini əsassız bir iddiaya qurban vermək istəməz”.
Milli Məclisin üzvü Ramil Həsən də bu qondarma iddianın heç bir tarixi-hüquqi əsasının olmadığını deyib. Onun sözlərinə görə, bəzi ölkələr, bir sıra mərkəzlər bu qondarma iddiadan yalnız öz maraqları üçün istifadə edirlər, onu manipulyasiya vasitəsi kimi əllərində saxlamağa çalışırlar: “Xüsusilə, Azərbaycan ilə Türkiyənin strateji müttəfiq, qardaşlıq münasibətləri sərgiləməsi, erməni təcavüzünə qarşı vahid konsepsiyadan çıxış etməsi qondarma “soyqırımı” iddiasına müraciət məsələsini yenidən aktuallaşdırıb. Fikrimcə, istər ABŞ prezidenti öz ənənəvi müraciətində, istərsə də digər dövlətlər bu məsələdə ehtiyatlı davranış sərgiləməli, tarixi həqiqətləri gözardı etməməlidir. Bu “soyqırımı” iddiasının tarixi yalan olması hər kəsə bəllidir”.
Pərviz SADAYOĞLU

Paylaş:

Baxılıb: 671 dəfə