Arif Hacılının antimilli mövqeyi onun hansı “amal”a xidmət göstərdiyini bir daha üzə çıxarır

Bakı:

20 °C

88 %

4 m/s

Əlaqə

AZ RU EN

Ana səhifə / Siyasət / Arif Hacılının antimilli mövqeyi onun hansı “amal”a xidmət göstərdiyini bir daha üzə çıxarır

Arif Hacılının antimilli mövqeyi onun hansı “amal”a xidmət göstərdiyini bir daha üzə çıxarır

08.06.2021 [09:01]

30 ilə yaxın işğal altında saxladığı Azərbaycan torpaqlarını xarabalığa çevirən, kəndlərimizi, şəhərlərimizi yerlə-yeksan edən ermənilər ikinci Qarabağ müharibəsində məğlub olduqdan sonra da öz mənfur xislətlərindən əl çəkmirlər. Ötən dövr ərzində işğal altında saxladıqları ərazilərin hər yerinə, hətta hərbi təyinatı olmayan ərazilərə belə minalar yerləşdirən mənfur qonşularımız bu gün həmin ərazilərin xəritələrini Azərbaycana verməkdən imtina edirlər. Ermənilərin bu hərbi cinayəti nəticəsində isə günahsız insanlar həyatlarını itirir, erməni terrorunun qurbanlarına çevrilirlər.
Yeri gəlmişkən, iyunun 4-də işğaldan azad edilmiş Kəlbəcər rayonunda iki jurnalistin - Sirac Abışovun və Məhərrəm İbrahimovun, o cümlədən Kəlbəcər rayon Susuzluq kənd inzibati ərazi idarəsi üzrə nümayəndəsinin müavini Arif Əliyevin tank əleyhinə minaya düşərək həlak olmalarının məsuliyyəti də məhz cinayətkar Ermənistanın hərbi-siyasi rəhbərliyinin üzərindədir.
Lakin təəssüflər olsun ki, hətta belə bir zamanda da radikal müxalifət yenidən öz xislətini ortaya qoyur. Belə ki, Müsavat Partiyasının sədri Arif Hacılı sosial şəbəkələrdəki paylaşımında baş verənlərə görə Ermənistanı qınamaqdansa, Azərbaycanı hədəfə alıb. Beləliklə, hələ müharibə dövründə özünü və rəhbərlik etdiyi təşkilatı milli həmrəylikdən kənarda saxlayan, xalqla, dövlətlə, ordu ilə bir yerdə olmağı bacarmayan Arif Hacılının bu “mövqeyi” onun hansı “amala” xidmət göstərdiyini bir daha üzə çıxarır. Adını “siyasi partiya rəhbəri” qoymuş bu şəxs ermənilərin Azərbaycanın işğaldan azad edilmiş torpaqlarında basdırdığı minalarla bağlı düşmən ölkəyə qarşı bir kəlmə belə etiraz etməyə özündə cürət tapa bilməyib. Bu gün baş verən mina faciələrinə görə məsuliyyətin Ermənistanın hərbi-syasi rəhbərliyinin üzərinə düşdüyünü hər kəs, o cümlədən Arif Hacılı da yaxşı bilir. Bununla belə, məlum paylaşımında Ermənistanı deyil, Azərbaycan dövlətini hədəfə alması bu adamın “nəyə qadir olduğunu” nümayiş etdirir. Bu gün baş verən mina cinayətlərinə görə məsuliyyət daşıyan Ermənistandan diqqəti yayındırmaq üçün əldən-ayaqdan gedən Arif Hacılının gülünc iddiaları həm də yenidən bir atalar məsəlini yada salır - “utanmasan oynamağa nə var ki”...
Sözügedən paylaşımdakı digər bir məqamda isə Arif Hacılı necə deyərlər “gül vurub”. Belə ki, bir tərəfdən az qala mina cinayətlərinə görə Azərbaycan hakimiyyətini günahlandıran Arif Hacılı, digər tərəfdən, “7 aydır ki, ölkənin 700 min vətəndaşı mina bəhanəsi ilə öz ata-baba yurduna buraxılmır” sözlərini yazıb. Belə yerdə bilmirsən bu siyasi partiya rəhbərinin “məntiqinə” güləsən, yoxsa ağlayasan.
Görəsən, reallıq hissini itirmiş Arif Hacılı niyə demir ki, ermənilər bu rayonlarda daşı daş üstə qoymayıb, Azərbaycanın şəhər və kəndlərini xarabazara çevirib? Düşmənin törətdiyi cinayətlərə “kor olan”, bu cinayətləri “malalamaq” üçün canfəşanlıq göstərən Arif Hacılı işğaldan azad edilmiş ərazilərdə aparılan minatəmizləmə əməliyyatlarını, quruculuq işlərini belə görməzdən gəlir, Azərbaycan dövlətinin həyata keçirdiyi möhtəşəm “Böyük Qayıdış” planına ləkə yaxmağa çalışır. Axı həmin torpaqlara qayıdacaq insanlar öz doğma yurd-yuvasında normal standartlar çərçivəsində və ən əsası, təhlükəsiz bir şəraitdə yaşamalıdır. Deyəsən, insanları “tez-tələsik köçürmək” istəyən Arif Hacılı daha neçə-neçə soydaşımızın ermənilərin basdırdıqları minalara düşməsini arzulayır. Və ya bəlkə onun bu dəfə aldığı sifariş bu yöndədir?...
Və zəruri bir qeyd... Vaxtilə Arif Hacılının və onun təmsil olunduğu səriştəsiz və bacarıqsız hakimiyyət komandasının günahı, xəyanəti ucbatından 1993-cü ilin aprelində düşmənə təhvil verilmiş Kəlbəcərdə partlayan hər bir minaya görə ermənilər qədər elə Arif Hacılı və düşərgədaşları da günahkardır. Heç olmasa “ayıblarına kor olmağı” bacarsınlar...
Pərviz SADAYOĞLU

Paylaş:

Baxılıb: 770 dəfə