Azərbaycanın bu günü və gələcəyi: gəncliyin sözü

Bakı:

13 °C

47 %

10 m/s

Əlaqə

AZ RU EN

Ana səhifə / Siyasət / Azərbaycanın bu günü və gələcəyi: gəncliyin sözü

Azərbaycanın bu günü və gələcəyi: gəncliyin sözü

06.07.2010 [11:27]

Əli Əhmədov: Biz istəyirik ki, siz gənclər Azərbaycanın ictimai həyatında fəal olasınız
Yeni Azərbaycan Partiyasının (YAP) gənclər üçün təşkil etdiyi Yay İstirahət Düşərgəsi başa çatıb. SİA-nın düşərgədə olan müxbirinin verdiyi məlumata görə, düşərgənin ikinci günü gənclər “Azərbaycanın bu günü və gələcəyi: gəncliyin sözü” mövzusunda diskussiyalarda iştirak ediblər. Tədbirdə gənclərlə birlikdə Yeni Azərbaycan Partiyasının Sədr müavini, İcra katibi, millət vəkili Əli Əhmədov, İcra katibinin müavini, millət vəkili Mübariz Qurbanlı, Azərbaycan Dövlət İqtisad Universitetinin rektoru, millət vəkili Şəmsəddin Hacıyev və YAP Nəsimi rayon təşkilatının sədri, millət vəkili Məlahət İbrahimqızı da iştirak edib.
Tədbirdə ilk olaraq Yeni Azərbaycan Partiyasının Sədr müavini Əli Əhmədov çıxış edib. O, gəncləri salamlayaraq, düşərgənin əhəmiyyətindən söz açıb: “Biz bu düşərgələri ona görə təşkil edirik ki, həm siz bir-birinizi yaxından tanıyasınız, həm də biz sizi daha yaxından tanıyaq. Sizin düşüncələriniz bizim üçün əhəmiyyətlidir”.
Millət vəkili bugünkü mövzunun bütün azərbaycanlıları, ən çox isə gəncləri düşündürdüyünü qeyd edib. Ə.Əhmədov ölkəmizdəki inkişafın Azərbaycanın əhalisinin firavanlığına yönəldiyini dilə gətirib. “ölkə Prezidenti də bütün işlərini bu istiqamətdə qurur. Bu mövzu bilavasitə sizin gələcəyiniz, həyatınızla bağlıdır”, deyə o, qeyd edib.
Millət vəkili YAP-ın məqsədlərindən birinin də ölkənin ictimai həyatında gənclərə yer vermək olduğunu bildirib: “Bir halda ki, Azərbaycanın gələcəyi sizdən ötrü yaradılır, ölkəmizin gələcəyinin yaradılmasında sizin fikirləriniz də nəzərə alınmalıdır və siz də bu işlərdə fəal iştirak etməlisiniz”.
Bu gün Azərbaycan dövlətinin vətəndaşlarına daha layiqli həyat verməsi üçün baza hazırladığnı deyən Ə.Əhmədov ölkəmizin iqtisadiyyatının sürətlə inkişaf etdyini qeyd edib. O, Azərbaycanın ən yüksək göstəricilər nümayiş etdiyini vurğulayıb. Millət vəkili bugünkü Azərbaycanın hamının gözləri önündə inkişaf etdiyinin, gənclərin Oğuz və Qəbələdə olaraq həmin regionların nə dərəcədə dəyişdiyinin, necə gözəlləşdiyinin şahidi olduğunu qeyd edib.
“Bugünkü Azərbaycan gələcək Azərbaycan üçün dəyişir və inkişaf edir. Biz istəyirik ki, siz gənclər Azərbaycanın ictimai həyatında fəal olasınız. Parlament seçkilərində YAP-ın ideyalarının təbliğ olunmasına cəlb olunasınız”, - deyə Ə.Əhmədov əlavə edib.
Daha sonra isə Azərbaycan Dövlət İqtisad Universitetinin rektoru, millət vəkili Şəmsəddin Hacıyev çıxış edərək düşərgə iştirakçılarını salamlayıb.
Azərbaycanın bu günü və sabahını təsəvvür etmək üçün onun tarixinə nəzər salmaq lazım olduğunu deyən Ş.Hacıyev dövlətimizin çox şərəfli bir tarix yaşadığını qeyd edib: “Tarix boyu taleh yüklü məsələlər həll olunub. Bunlar hamısı ümummilli lider Heydər Əliyevin adı ilə bağlıdır”.
Azərbaycanın 2003-cü ildən sonra çox sürətli inkişaf yaşadığını vurğulayan millət vəkili dünyanın heç bir ölkəsində belə inkişaf müşahidə olunmadığnı deyib.
“Azərbaycan qısa müddət ərzində inkişaf baxımından 20 ilə yaxın yol keçib. ölkəmizin dövlət büdcəsi 10 dəfədən çox artıb. Əmək haqqının səviyyəsi qaldırılıb, yoxsulluğun səviyyəsi isə azaldılıb. Hər yerdə dünya böhranından danışılmağına, bu böhranın yenidən yaranma təhlükəsinin qeyd edilməsinə baxmayaraq, Azərbaycan böhrandan ən az əziyyət çəkən ölkələrin arasındadır. Azərbaycanın ümumi gəliri Ermənistan və Gürcüstanın birgə gəlirinin 2 qatıdır. Bu gün bizim 22 milyard dollar valyuta ehtiyyatımız var”, - deyə o bildirib.
Azərbaycanda davamlı və tarazlı inkişaf getdiyini dilə gətirən Ş.Hacıyev ölkəmizdə hər hansı bir bölgənin deyil, bütün regionların bərabər şəkildə inkişaf etdiyini vurğulayıb. O, mərkəzlə regionlar arasındakı fərqlərin itidiyini deyib.
Hazırda Azərbaycanın razılığı olmadan regionda heç bir beynəlxalq layihənin həyata keçirilə bilmədiyini vurğulayan rektor Azərbaycanın artıq dünyada sayılıb-seçilən, stabil inkişaf edən ölkə kimi tanındığını qeyd edib.
“Bu gün Azərbaycana qoyulan investisiyanın həcmi 80 milyard dollardan artıqdır. Yaxın gələcəkdə Azərbaycanı möcüzəvi bir iqtisadi inkişaf gözləyir”, - deyən Ş.Hacıyev Azərbaycanın dünya bazarında oyun qaydalarını müəyyən edən ölkələrdən olacağını bildirib.
Daha sonra isə millət vəkilləri gənclərin sullarını cavablandırıblar və müxtəlif mövzularda müzakirələr aparılıb.
Düşərgənin üçüncü günündə isə YAP Oğuz rayon təşkilatının sədri ilə görüş təşkil olunub və günorta saatlarında iştirakçılar Bakıya qayıdıblar.

Paylaş:

Baxılıb: 1081 dəfə