Günahkar spikerdir...

Bakı:

23 °C

53 %

6 m/s

Əlaqə

AZ RU EN

Ana səhifə / Siyasət / Günahkar spikerdir...

Günahkar spikerdir...

15.02.2023 [10:36]

Avroparlamentin “şərab” ittihamında

erməni izi Bəzi beynəlxalq statuslu təşkilatlar, təsisatlar “korrupsiya ittihamı” üzərindən manipulyasiyada peşəkarlaşıb. Başqa sözlə, onun dediyini təkrarlamayan, onun maraqlarını təmin edən addımları atmayanlara qarşı bu ittihamı irəli sürmək həmin təşkilatlar üçün “adətə” çevrilib. Amma deyəsən iş dəyişib. Artıq bir müddətdir ki, bu metodologiyadan aktiv şəkildə istifadə edən təşkilatlardan birinin - Avropa Parlamentinin başı qalmaqaldan açılmır. Cəmisi bir neçə ay öncə Belçika polisi Avropa Parlamentinin Belçikada fəaliyyət göstərən 14 vitse-prezidentindən biri olan Eva Kaili rüşvət alma səbəbilə əli olduğu korrupsiya istintaqı ilə əlaqədar paytaxt Brüsseldə saxlamışdı. İndi isə Avroparlament yeni ittihamla çalxalanır.

Bu dəfə spiker günahlandırılır...

Ümumiyətlə, Avropa Parlamentinin spikerinin vəzifələrindən biri bu təşkilatın üzvlərinin bahalı otellərdə, dəbdəbəli restoranlarda keçirdikləri vaxt, təyyarələrdə biznes-salonlarda uçuşlar, şou proqramlarına və idman yarışlarına VIP-lojalarda tamaşa etmək xərclərinin kənar şəxslər tərəfindən ödənilməsi barədə təhqiqat aparmaq və bu barədə hesabatlar təqdim etməmiş Avroparlament deputatlarının cəzalandırılması haqda qərar qəbul etməkdən ibarətdir.

Bəs Avropa Parlamentinin spikeri özü bu qaydalara nə dərəcədə riayət edir?

Almaniya mediasına istinadla KİV xəbər verir ki, Roberta Metsola bu yaxınlarda tənqidə məruz qalıb o, əri ilə birlikdə Fransanın təmtəraqlı otelində keçirdiyi gecənin xərcinin Şərab İstehsalçıları Assosiasiyası tərəfindən ödənilməsi haqda məlumat verməyib. Bu barədə söz-söhbət çox olub, lakin spikerə heç bir sanksiya tətbiq edilməyib. Onun Avropa Parlamentinin spikeri vəzifəsində işi üçün şərab istehsalının nə dərəcədə zəruri olması aydın deyil, bu məsələdə spikerin ərinin rolu isə ümumiyyətlə, tapmacadır.

AP-nin rüşvət “skamyası” - bahalı otellər, uçuşlar...

Avropa Parlamentinin deputatlarının maaşları pis deyil. Lakin bu fakt onların çoxunun səfərlər zamanı bahalı otellərdə qalmaq, aviabiletlər almaq və başqa xərclərin üçüncü şəxslər tərəfindən hədiyyə kimi ödənilməsinə mane olmur. Təmtəraqlı otellərdə gecələmə, qitələrarası uçuşlar, futbol matçları zamanı ən bahalı yerlərdə əyləşmək - bunlar rüşvət deyilmi? DPA agentliyi tərəfindən aparılmış təhqiqat nəticəsində məlum olub ki, Avropa Parlamentinin deputatları bu növ informasiyanın açıqlanması barədə öhdəliklərinə riayət etmirlər. Agentlik Avropa Parlamentinin Almaniyadan olan bütün deputatlarına eyni sualla müraciət edib: onlar səfərlər və parlamentin daxili qaydalarına uyğun olaraq keçirilən tədbirlərlə bağlı xərclərin üçüncü şəxslər tərəfindən ödənilməsi barədə informasiya verirlərmi və bunu vaxtında edirlərmi?

Məlum olub ki, Avropa Parlamenti üzvlərinin yarısının bu qaydadan ümumiyyətlə, xəbəri yoxdur. “Transparency International” təşkilatından bildiriblər: “Parlament üzvləri bu qaydaları ciddi qəbul etmirlər”, nadir bəyannamələr isə çox gec təqdim edilir. Təşkilatın hesabatında deyilir: “Cəzasızlıq mədəniyyəti var”.

“Şərab qalmaqalı”nın görünməyən tərəfi - erməni izləri...

Bəli, zaman-zaman fərqli ölkələrə, həm də Azərbaycana qarşı ikili standartlarla çıxış edən, şər-qarayaxma kampaniyası aparan, hətta qərəzli qətnamələr çıxaran “demokratik” təsisatların iç üzü açılır. Göründüyü kimi, budəfəki “şərab qalmaqalı” ötən ilin sonunda ortaya çıxan “korrupsiya qalmaqalı”ndan heç də geri qalmır. Eyni zamanda, bu dəfəki məsələ özündə bir sıra maraqlı faktları birləşdirə bilər. Məsələn, AP spikerinin xərclərinin “şərabçılar” tərəfindən çəkilməsinin arxasında hansı qüvvələrin dayanması olduqca maraqlı faktdır. Bu rüşvətin nəyin qarşılığında alındığı ortaya çıxmalıdır. Eyni zamanda, bu fakt bir gerçəkliyi növbəti dəfə gün üzünə çıxarır - “demokratik” hesab edilən bu kimi təsisatlar da korrupsiyadan və ya rüşvətdən sığortalanmayıb.

Digər tərəfdən, bu kimi faktlar Avropa strukturlarının da “formatlanmasına” ehtiyac duyulduğunun göstəricisidir. Hətta son dövrlərdə Avropa Parlamentinin əsassız şəkildə Azərbaycana qarşı etdiyi hücumlar belə şərab qalmaqalı ilə bağlı mühüm şübhələrə yer açır. Belə faktlar dəfələrlə qərəzli qətnamələri ilə yadda qalan, birtərəli araşdırmalar aparan, eləcə də birtərəfli qərarları ilə “seçilən” strukturların fəaliyyətini və qərarlarını da şübhə altına alır - bəlkə də, Azərbaycana qarşı aparılan son qərəz kampaniyasının köklərini də məhz bu kimi “erməni şərabı”nın damcıları “suvarmaqdadır”...

P.İSMAYILOV

Paylaş:

Baxılıb: 462 dəfə