Azərbaycanın addımları humanizmə və beynəlxalq hüquqa əsaslanır

Bakı:

10 °C

93 %

7 m/s

Əlaqə

AZ RU EN

Ana səhifə / Siyasət / Azərbaycanın addımları humanizmə və beynəlxalq hüquqa əsaslanır

Azərbaycanın addımları humanizmə və beynəlxalq hüquqa əsaslanır

01.10.2023 [14:29]

BMT-nin beynəlxalq ekspert qrupu bölgəyə gəlib

II Qarabağ müharibəsinin bitməsi və Azərbaycanın öz ərazi bütövlüyünü təmin etməsinin ardından Ermənistan və onun havadarları ölkəmizə qarşı "beynəlxalq təzyiq" kampaniyası təşkil etməyə çalışırlar. Hər dəfə "oxları daşa" dəyən ermənipərəstlər bu yolda hansı addımlara əl atmadılar? – son 11 ayda 3 dəfə Azərbaycanla bağlı bu və ya digər məsələlərin BMT TŞ müstəvisinə çıxarılmasından tutmuş, uğursuz imzatoplama kampaniyalarına kimi bütün vasitələrdən istifadə olundu. Amma hər dəfəsində proses Azərbaycanın qələbəsi ilə nəticələndi. Azərbaycan bütün hallarda verilən suallara aydın, səlist, məntiqli və beynəlxalq hüquq çərçivəsində cavab verdi. Beləliklə, bu kimi sıralanan "erməni oyunları" fiaskoyla nəticələndi.

Getmək arzusunda olanlar…

24 saatlıq antiterror tədbirləri isə ölkəmizin suverenliyini tam təmin etdi. Dövlətimiz terror yuvasını, xunta rejimini çökdürməklə 30 ilə yaxın davam etmiş haqsızlığı aradan qaldırdı, şəffaflığı təmin etdi. II Qarabağ müharibəsindən sonra sülhyaratma prosesləri dövründə Azərbaycan birmənalı şəkildə bəyan edirdi ki, Qarabağın erməni sakinlərinə qarşı hər hansı bir fərqli standart nümayiş etdirilməyəcək – Azərbaycan qanunlarına tabe olan insanlar da digər vətəndaşlarla eyni bərabər hüquqa malik olacaqlar. Təbii ki, seçim də ermənilərin hüququdur – yəni, Azərybaycan heç kimə "çıx" demədiyi, təzyiq göstərmədiyi kimi, heç kimə də "qal" deyə əmr və ya göstəriş verə bilməz. Çıxıb getmək hüququndan istifadə etmək istəyən erməni sakinlərin rahat və təhlükəsiz hərəkəti üçün bütün şərait yaradılır – daşınma imkanları genişləndirilir, zəruri ərzaq və su tələbatı qarşılanır, tibbi müdaxilələr gərəkdiyi təqdirdə həkimlərlə təchiz olunurlar. Yəni, Azərbaycan heç kimə çıxıb getməsi üçün təzyiq göstərmir. Azərbaycan torpaqlarını tərk etmək niyyətlərini bildirənlər bu addımı öz xoşları ilə atdıqlarını açıq şəkildə ifadə edirlər. Görünür ki, onlar Azərbaycan bayrağı altında yaşamaq istəmirlər. Biz də beynəlxalq hüquqa, beynəlxalq konvensiyalara uyğun olaraq ölkə qanunları çərçivəsində yaşamaq istəməyən ermənilərin getmək arzularını adekvat şəkildə təhlükəsiz yola salmaq imkanları yaradaraq qarşılayırq.

Ermənistan hakimiyyəti və separatçı rejim təzyiq göstərib

Eyni zamanda, Laçın dövlət sərhəd buraxılış məntəqəsində aparılan videoçəkilişlər, müsahibələr, açıqlamalar bir faktı da ortaya çıxarır. Ermənilərin Azərbaycan torpaqlarını tərk etməsinin əsas səbəkarı və günahkarı Ermənistan hakimiyyəti və Qarabağdakı separatçı rejim olub. Onlar ermənilərə Qarabağdan çıxması üçün təzyiq göstərib. Bu faktı buraxılış məntəqəsini tərk edən ermənilər açıq şəkildə təsdiqləyir. Görünən budur ki, Ermənistan belə addımlar atmaqla özü üçün yeni "yalanlar, dezinformasiyalar" yaratmağa çalışır. Antiterror tədbirlərindən sonra ermənilərin Qarabağı tərk etməsinə Ermənistan baş naziri Paşinyanın "etnik təmizləmə" kimi şər-böhtan dolu münasibəti bunu açıq şəkildə göstərir. Halbuki Azərbaycan heç kimi ölkə sərhədlərini tərk etməyə məcbur etməyib – tam əksinə, onlara yaşadıqları ərazidə qalıb Azərbaycan qanunları çərçivəsində həyatlarına davam etmək təklif olunub.

BMT missiyası gəldi

Azərbaycan hər zaman haqqı, ədaləti müdafiə edib. Dövlətimiz bütün beynəlxalq təsisatlarla əməkdaşlı etməyə də hazır olduğunu daim bəyan edib. Bu mənada, BMT missiyasının Qarabağa gəlməsinə icazə verməmiz humanizmdən, həqiqətlərin öz yerini tapmasını arzulamamızdan qaynaqlanır. Yeri gəlmişkən, missiyanın üzvləri bu gün səhər saatlarında Ağdamdan keçərək, Əsgəran-Xankəndi istiqamətində hərəkət edib.

Missiyanın məqsədi yerdə vəziyyətlə tanış olmaq, sakinlərin humanitar ehtiyaclarını müəyyənləşdirməkdir.

Missiyanın tərkibinə təşkilatın müxtəlif qurumlarının nümayəndələri daxildir.

Qeyd edək ki, BMT missiyası Qarabağda sonuncu dəfə təxminən 30 il əvvəl olub

P.İSMAYILOV

Paylaş:

Baxılıb: 607 dəfə