Beynəlxalq təşkilatlar etiraz etməlidir!

Bakı:

10 °C

93 %

3 m/s

Əlaqə

AZ RU EN

Ana səhifə / Siyasət / Beynəlxalq təşkilatlar etiraz etməlidir!

Beynəlxalq təşkilatlar etiraz etməlidir!

20.12.2023 [10:25]

Səbinə Əliyeva: Terrorun hədəfi məhz mülki əhalidir...

N. BAYRAMLI

Bir neçə gün öncə Xocavənd rayonu Yemişcan kəndi ərazisində yerləşən məktəbdə partlayıcı tələ qurğusu aşkarlanaraq zərərsizləşdirilib. Bu barədə Minatəmizləmə Agentliyinin (ANAMA) mətbuat xidmətinin yaydığı məlumatda bildirilib ki, ANAMA əməkdaşları tərəfindən həyata keçirilən əməliyyatlar zamanı məktəbin sinif otaqlarının birində yazı masasına yapışqan lent vasitəsilə quraşdırılmış F-1 əl qumbarası aşkarlanıb. Döyüş vəziyyətinə gətirilərək kəndir vasitəsilə stula və qapının tutacağına bərkidilib. Belə ki, qapını açdıqda və ya bağladıqda kəndirin dartılması nəticəsində tələ qurğu işə düşə bilər. Bununla yanaşı, daha böyük partlayışın törədilməsi üçün 1 ədəd F-1 əl qumbarası yazı masasının altına da yerləşdirilib.

Qeyd edək ki, işğaldan azad edilmiş ərazilərdə icra edilən minatəmizləmə əməliyyatları zamanı dəfələrlə tələ minaları, improvizə edilmiş partlayıcı qurğulara rast gəlinib. Ərazini tərk edən ermənilər dinc əhaliyə zərər yetirmək məqsədilə təhsil ocağında da bu növ qurğular yerləşdirib. Aşkar edilən tələ qurğu ANAMA əməkdaşları tərəfindən zərərsizləşdirilərək, ərazinin təhlükəsizliyi təmin edilib. ANAMA bir daha vətəndaşlara çağırış edərək bildirib ki, təhlükəsizliyinə əmin olmadıqları ərazilərə, obyektlərə daxil olmasınlar, tanımadıqları əşyalara toxunmasınlar.

Məsələyə Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva da münasibət bildirib. Ombusman deyib ki, işğaldan azad edilmiş ərazilərdə icra edilən minatəmizləmə əməliyyatları zamanı dəfələrlə tələ minalara, improvizə edilmiş partlayıcı qurğulara rast gəlinməsi faktı Ermənistanın azərbaycanlılara qarşı terror siyasətini bir daha təsdiq edir. Onun sözlərinə görə, Xocavənd rayonu Yemişcan kəndi ərazisində yerləşən məktəbdə sinif otaqlarının birində iki ədəd F-1 əl qumbarasının döyüş vəziyyətinə gətirilməsi, kəndir vasitəsilə stula və qapının tutacağına bərkidilmiş həmin tələ qurğusunun təhsil ocağında yerləşdirilməsi terrorun məhz mülki əhaliyə qarşı yönəldiyini göstərir. “Azərbaycan Respublikasının İnsan Hüquqları üzrə Müvəkkili (Ombudsman) olaraq, Ermənistanın dinc əhalinin fundamental insan hüquq və azadlıqlarının kobud pozulması ilə müşayiət olunan cinayət əməllərini şiddətlə qınayır, beynəlxalq təşkilatları bu kimi əməllərə sərt reaksiya verməyə dəvət edirəm”,-deyə S.Əliyeva vurğulayıb.

Ümumiyyətlə, ermənilərin ərazilərimizə tələ-qurğular, bütövlüklə mina yerləşdirməsi rəsmi İrəvanın terror siyasətinin göstəricisidir. Məsələ ilə bağlı “Yeni Azərbaycan”a danışan Demokratiya və İnsan Hüquqları Komitəsinin sədri, hüquqşünas Çingiz Qənizadə bildirib ki, Azərbaycanda davam edən mina problemini və dövlət qurumlarının bu problemi həll etmək istiqamətində üzləşdikləri çətinlikləri nəzərə alaraq, minatəmizləmə sahəsində Azərbaycanın potensialının gücləndirilməsi üçün beynəlxalq dəstəyin artırılmasına ciddi ehtiyac var. Bu cür dəstək minatəmizləmə səylərinə kömək etməklə yanaşı, o cümlədən minalarla mübarizə istiqamətində qlobal kampaniyaya töhfə verəcək və regionda sülh və əməkdaşlığa sadiqliyi nümayiş etdirəcək.

O qeyd edib ki, Ermənistan işğal dövründə ərazilərimizə yüzminərlə mina yerləşdirib: “Eləcə də, tələ minalar və digər qurğuların məktəblərdə yerləşdirilməsi qarşı tərəfin terrorçu mahiyyətindən xəbər verir. Hesab edirəm ki, bütün bunlar müharibə cinayətləridir. Ona görə də, dünya ictimaiyyəti, beynəlxalq təşkilatlar ermənilərin bu cinayətlərinə münasibət bildirməlidirlər. Biz onu da bilirik ki, Ermənistan Azərbaycan mina xəritələrini də düzgün verməyib. Bu səbəbdən, tez-tez mina partlayışlarına rast gəlirik. 44 günlük Vətən müharibəsindən sonra mina qurbanlarının sayı 340 nəfəri ötüb. Düşünürəm ki, beynəlxalq birlik səssiz qalmamalı, erməni tərəfinə təzyiq göstərməlidir ki, erməni tərəfi düzgün mina xəritələrini təqdim etsin”.

Paylaş:

Baxılıb: 516 dəfə