İlk Avropa Oyunları Azərbaycanı beynəlxalq ictimaiyyətə daha yaxından tanıdacaq

Bakı:

29 °C

44 %

4 m/s

Əlaqə

AZ RU EN

Ana səhifə / Sosial / İlk Avropa Oyunları Azərbaycanı beynəlxalq ictimaiyyətə daha yaxından tanıdacaq

İlk Avropa Oyunları Azərbaycanı beynəlxalq ictimaiyyətə daha yaxından tanıdacaq

01.05.2015 [10:07]

Ölkəmizdə Avropa Oyunlarının yüksək səviyyədə keçirilməsi üçün müvafiq hazırlıq işləri uğurla davam etdirilir. Mübaliğəsiz Azərbaycan birinci Avropa Oyunlarına tam hazırdır deyə bilərik. Sözsüz ki, bu cür mötəbər tədbirin Bakıda keçirilməsi Avropa ailəsinin Azərbaycana böyük etimadının açıq göstərcisidir. Ölkəmizin hərtərəfli və dinamik inkişafı, ictimai-siyasi sabitlik, mühüm beynəlxalq tədbirlərin keçirilməsində əldə olunan geniş təcrübə, müasir idman infrastrukturunun yaradılması, eləcə də, idmançılarımızın beynəlxalq yarışlarda əldə etdiyi uğurlar Avropa Oyunlarının Azərbaycanda təşkil olunmasını şərtləndirən başlıca faktorlardır. Ölkəmizdəki mövcud infrastruktur istənilən səviyyəli beynəlxalq tədbiri yüksək səviyyədə təşkil etməyə imkan verir.
İlk Avropa Oyunlarına bu gün ictimai təşkilatlarla yanaşı, gənclər də böyük dəstək və maraq göstərirlər. Yeni Azərbaycan Partiyası Gənclər Birliyinin fəalı Rəşad Məmmədovun sözlərinə görə Oyunların ölkəmizdə keçirilməsi Azərbaycanın güclü potensialını, istənilən nəticəni əldə etmək imkanları olduğunu açıq şəkildə göstərir: “İlk Avropa Oyunları bizim üçün çox böyük qazancdır. Bu oyunlar Azərbaycanı Avropada təbliğ edir. Qərb dünyası Azərbaycan dəyərlərini və Azərbaycanın yaşam tərzini daha yaxından izləyə biləcək. İlk Avropa Oyunlarına gələn hər bir insan Azərbaycan haqqında daha çox məlumat əldə edəcək, Azərbaycanın mədəniyyəti, tarixi, qonaqpərvərliyi ilə tanış olacaq. Biz gənclər inanırıq ki, bu yarışlarda da idmançılarımız böyük uğurlara imza atacaq və parlaq qələbələri ilə doğma azarkeşlərini sevindirəcək”.
Fəal gənc Nərmin Əliyeva da birinci Avropa Oyunlarının Bakıda keçirilməsinin əhəmiyyətini çox yüksək qiymətləndirib: “Bu, böyük tarixi hadisədir. Çünki Avropa Oyunları ilk dəfədir ki, keçirilir və Oyunlara məhz Azərbaycan ev sahibliyi edir. Baxmayaraq ki, Olimpiya Oyunları Avropa qitəsində yaranıb və ondan sonra Avropa qitəsində də bərpa edilib, ancaq bu günədək Avropa Oyunları keçirilməyib. İlk Oyunların Bakıda keçirilməsi, əlbəttə, böyük nailiyyətdir və uğurumuzdur. Bu tarixi qərarın qəbul edilməsində ölkəmizin beynəlxalq nüfuzu həlledici rol oynayıb. Son illər ərzində Azərbaycan dünya miqyasında özünü dinamik inkişaf edən müasir güclü ölkə kimi təqdim edə bilib. Baxmayaraq ki, təxminən 24 ildir müstəqil dövlət kimi yaşayırıq bu gün Azərbaycan dünyada çox etibarlı tərəfdaş və dost kimi tanınır. Avropa idman ailəsinin bizə göstərdiyi etimadın təməlində, eyni zamanda, idmançılarımızın uğurları dayanır. Çünki Azərbaycan bu gün dünyada və Avropada idman dövləti kimi tanınır. İdmançılarımızın uğurları həm Avropa, həm Dünya çempionatlarında, həm də Olimpiya Oyunlarında özünü göstərir”.
V.CAVANŞİR

Paylaş:

Baxılıb: 920 dəfə