Qubadlı ictimaiyyəti Ulu öndər Heydər Əliyevin anadan olmasının 92-ci ildönümü münasibətilə ümumrayon tədbiri keçirib

Bakı:

28 °C

43 %

3 m/s

AZ RU EN

Ana səhifə / Sosial / Qubadlı ictimaiyyəti Ulu öndər Heydər Əliyevin anadan olmasının 92-ci ildönümü münasibətilə ümumrayon tədbiri keçirib

Qubadlı ictimaiyyəti Ulu öndər Heydər Əliyevin anadan olmasının 92-ci ildönümü münasibətilə ümumrayon tədbiri keçirib

09.05.2015 [12:43]

Qubadlı rayon İcra Hakimiyyəti Ulu öndər Heydər Əliyevin anadan olmasının 92-ci ildönümü münasibətilə ümumrayon tədbiri keçirib. Tədbirdə rayon İcra Hakimiyyətinin başçısı Malik İsaqov, RİH Aparatının məsul şəxsləri, idarə, müəssisə, təşkilat rəhbərləri və ictimaiyyət nümayəndələri iştirak ediblər. Tədbir iştirakçıları öncə Ulu öndərin rayon İcra Hakimiyyəti binasının foyesində qoyulmuş büstünün önünə gül dəstələri qoyublar.
Daha sonra Sumqayıt şəhərində yerləşən “28 may” mədəniyyət evində davam etdirilən tədbirdə Ulu öndərin doğum günü münasibətilə təşkil olunan sərgi nümayiş etdirilib.
Tədbirdə geniş məruzə ilə çıxış edən Qubadlı rayon İcra Hakimiyyətinin başçısı Malik İsaqov Ümummilli lider Heydər Əliyevin siyasi fəaliyyətindən bəhs edib. Ulu öndərin fəaliyyətinin hər bir sahəsinin fundamental tədqiqat mövzusu olduğunu qeyd edən RİH başçısı bildirib ki, hələ Sovet dövründə Azərbaycana rəhbərlik edən Heydər Əliyev ölkəni sürətli inkişaf yoluna çıxarmaqla güclü elmi, iqtisadi və mənəvi potensial yarada bildi, başlıcası isə xalqın qəlbində, arzu və istəklərində, 100 illərlə yaşayan azadlıq və müstəqillik ideyalarının formalaşmasına zəmin yaratdı: “Xalqın tələbi ilə müstəqil Azərbaycan respublikasına rəhbərliyi qəbul edən Ulu öndərin o ağır günlərdəki fəaliyyətinin xronikasına nəzər salanda Onun sarsılmaz siyasi iradəsinə, idarəçilik məharətinə, müdrik qərarlar qəbul etmək səriştəsinə heyran qalmaya bilmirsən. Ümummilli liderimiz Heydər Əliyev Azərbaycanın müstəqil dövlətçiliyinə qənim kəsilən xarici və daxili qüvvələri məharətlə zərərsizləşdirdi. Müstəqil dövlətin əsl mənada qurulması, iqtisadi, hərbi, potensiallarının hərəkətə gətirilməsi üçün vacib şərt olan sabitlik bərqərar oldu. Bu gün Ulu öndərimizin siyasi irsinin layiqli davamçısı, Azərbaycan Respublikasının Prezidenti İlham Əliyev tərəfindən Ulu öndərin ideya və strategiyasının yeni tarixi şəraitə uyğun və uğurla həyata keçirilməsi ölkəmizin inkişafında əhəmiyyətli rol oynayıb”.
Daha sonra Ümummilli lider Heydər Əliyevin anadan olmasının 92-ci ildönümü münasibətilə təşkil edilmiş rayon məktəbliləri arasında inşa yazı, musiqi məktəblərinin şagirdləri arasında mahnı, bilik və idman yarışları, şagirdlərin rəsm və əl işlərindən ibarət sərgi qalibləri mükafatlandırılıb, Ümummilli liderin həyatından bəhs edən videoçarx nümayiş olunub.
Tədbir konsert proqramı ilə davam etdirilib.
PƏRVİZ

Paylaş:

Baxılıb: 911 dəfə