“Mətbuat: tarix və müasirlik” mövzusunda “dəyirmi masa”

Bakı:

24 °C

52 %

3 m/s

Əlaqə

AZ RU EN

Ana səhifə / Sosial / “Mətbuat: tarix və müasirlik” mövzusunda “dəyirmi masa”

“Mətbuat: tarix və müasirlik” mövzusunda “dəyirmi masa”

10.07.2015 [09:58]

Görkəmli maarifçi və publisist Həsən bəy Zərdabi tərəfindən nəşr olunmağa başlayan “Əkinçi” qəzeti ilə əsası qoyulan Azərbaycan milli mətbuatı xalqımızın maarifləndirilməsində mühüm rol oynayıb. Bu gün “Əkinçi” ənənələri uğurla davam etdirilir.
AZƏRTAC xəbər verir ki, bu fikirlər Şahbuz rayon İcra Hakimiyyətinin mətbu orqanı olan “Oğuz səsi” qəzetinin redaksiyasında mətbuatın 140 illik yubileyi münasibəti ilə keçirilən “Mətbuat: tarix və müasirlik” mövzusunda “dəyirmi masa”da səsləndirilib.
Tədbirdə Naxçıvan Mətbuat Şurasının sədri Rövşən Hüseynov “Azərbaycan milli mətbuatının keçdiyi yol”, “Şərq qapısı” qəzetinin baş redaktoru Tural Səfərov “Mətbuat: tarix və müasirlik” və “Oğuz səsi” qəzetinin redaktoru Şəhla Nəbiyeva “Muxtar respublikada mətbuata dövlət qayğısı” mövzularında çıxış ediblər. Çıxışlarda bildirilib ki, Azərbaycan mətbuatı xalqımızın azadlıq arzularının gerçəkləşməsinə, milli mənəvi dəyərlərimizin qorunmasına, mədəniyyətin tərəqqisinə, qabaqcıl ictimai fikrin, milli şüurun formalaşmasına böyük töhfələr verib.
Qeyd olunub ki, Azərbaycanda mətbuatın inkişafı Ümummilli liderimiz Heydər Əliyevin adı ilə bağlıdır. Xalqımızın böyük oğlunun ölkəmizə rəhbərlik etdiyi dövrlərdə mətbuat orqanlarının müstəqil fəaliyyəti və inkişafı yolunda süni maneələrin aradan qaldırılması, qanunvericilik bazasının təkmilləşdirilməsi, kütləvi informasiya vasitələrinin maddi-texniki bazasının gücləndirilməsi istiqamətində ardıcıl tədbirlər həyata keçirilib. Bu gün Ulu öndər Heydər Əliyevin yolunu uğurla davam etdirən Prezident İlham Əliyev tərəfindən kütləvi informasiya vasitələrinin inkişafı sahəsində ardıcıl tədbirlər görülür.
Bildirilib ki, kütləvi informasiya vasitələrinin inkişafına göstərilən böyük diqqət və qayğıdan Naxçıvan mediasına da xeyli pay düşüb. Mətbuata göstərilən qayğıdan Azərbaycanın qocaman mətbuat orqanlarından biri olan “Şərq qapısı” qəzeti, eləcə də muxtar respublikada nəşr olunan şəhər və rayon qəzetləri də bəhrələnib, redaksiyaların maddi-texniki bazasının möhkəmləndirilməsi istiqamətində mühüm tədbirlər həyata keçirilib. Milli mətbuatımızın 135 illik yubileyində Naxçıvan Muxtar Respublikası Ali Məclisi və muxtar respublikanın Nazirlər Kabinetinin orqanı olan “Şərq qapısı” qəzeti redaksiyası və Ali Məclisin “Əcəmi” Nəşriyyat-Poliqrafiya Birliyi üçün yeni redaksiya-nəşriyyat kompleksi istifadəyə verilib, əməkdaşlar üçün müasir iş şəraiti yaradılıb, qəzetlərin rəngli nəşrinə başlanılıb. Bütün bunlarla yanaşı, qəzet əməkdaşlarının sosial müdafiəsinin gücləndirilməsi də daim diqqət mərkəzində saxlanılır. Son illər jurnalistlərin əməkhaqları dəfələrlə artırılıb, redaksiyalara yeni xidməti avtomobillər, müasir texniki avadanlıqlar verilib.
Vurğulanıb ki, mətbuata göstərilən dövlət qayğısından “Oğuz səsi” qəzeti də yararlanıb, son illərdə qəzet redaksiyasında maddi-texniki baza yenilənıb, qəzet əməkdaşlarının fəaliyyəti üçün hərtərəfli şərait yaradılıb. Bununla yanaşı, redaksiyaya gənc kadrların cəlb edilməsi də diqqət mərkəzində saxlanılıb, əməkdaşların peşəkarlığının yüksəldilməsi istiqamətində tədbirlər görülüb.
“Oğuz səsi” qəzetinin keçmiş əməkdaşlarından Şəmsəddin Kərimov, Çərkəz Məhərrəmov və Xanlar Səfərəliyev çıxış edərək Azərbaycan milli mətbuatının keçdiyi yoldan danışıb, çalışdıqları dövrlə bu günü müqayisə edərək, muxtar respublikada mətbuata göstərilən dövlət qayğısının nümunə gücündə olduğunu bildiriblər.

Paylaş:

Baxılıb: 952 dəfə