BANM-də Yeni Azərbaycan Partiyasının yaradılmasının 23 illiyi münasibətilə tədbir keçirilib

Bakı:

27 °C

56 %

5 m/s

Əlaqə

AZ RU EN

Ana səhifə / Sosial / BANM-də Yeni Azərbaycan Partiyasının yaradılmasının 23 illiyi münasibətilə tədbir keçirilib

BANM-də Yeni Azərbaycan Partiyasının yaradılmasının 23 illiyi münasibətilə tədbir keçirilib

21.11.2015 [10:24]

Siyavuş Novruzov: Yeni Azərbaycan Partiyası öz uğurlarını həmişə xalqla olan vəhdətindən əldə edib
Bakı Ali Neft Məktəbində (BANM) Yeni Azərbaycan Partiyasının (YAP) yaradılmasının 23 illiyi münasibətilə tədbir keçirilib. Öncə tədbir iştirakçıları tərəfindən Ümummilli lider, Yeni Azərbaycan Partiyasının yaradıcısı Heydər Əliyevin Bakı Ali Neft Məktəbindəki büstü önünə gül dəstələri qoyulub.
Bakı Ali Neft Məktəbinin rektoru Elmar Qasımov tədbiri giriş sözü ilə açaraq YAP-ın 23 illik bir dövrdə keçdiyi tarixi yola və görülən işlərə diqqət çəkib. Elmar Qasımov bildirib ki, təməli Ümummilli lider Heydər Əliyev tərəfindən qoyulan və Prezident İlham Əliyevin Sədrliyi ilə uğurlu fəaliyyətini davam etdirən Yeni Azərbaycan Partiyası fəaliyyət göstərdiyi 23 il ərzində mühüm tarixi əhəmiyyətli işlər görüb. Azərbaycan Prezidenti, Yeni Azərbaycan Partiyasının Sədri İlham Əliyevin həyata keçirdiyi siyasət ölkəmizə böyük nüfuz qazandırıb, Azərbaycan regionun lider dövlətinə çevrilib.
O, Yeni Azərbaycan Partiyasının Azərbaycanın müstəqil, demokratik, sivil dövlət kimi qurulması və möhkəmləndirilməsində, vətəndaş cəmiyyəti quruculuğunda ən fəal və qabaqcıl rol oynadığını vurğulayıb. Bununla yanaşı, Yeni Azərbaycan Partiyası Azərbaycanın dağılması, parçalanması, bir dövlət kimi məhvolma təhlükəsi yaşadığı dövründən bugünkü inkişafına, regionun ən güclü dövləti kimi özünü təsdiqləməsinə qədər həm çox çətin, həm də şərəfli bir yol keçdiyini xatırladıb.
Yeni Azərbaycan Partiyasının İcra katibinin müavini, millət vəkili Siyavuş Novruzov 23 illik tarixə diqqət çəkərək bu dövrdə partiyanın Azərbaycan xalqı qarşısında gördüyü işləri çox yüksək dəyərləndirib. O bildirib ki, Yeni Azərbaycan Partiyası dövlətçilik uğrunda yorulmadan xidmət edərək öz uğurlu fəaliyyəti ilə ölkəmizi dünya miqyasında tanıtmağa nail olub. S.Novruzov qeyd edib ki, ictimai proseslərin önündə yer alan, müstəqil Azərbaycanın tarixində keçirilən seçkilərdə hər zaman böyük qələbələr qazanan Yeni Azərbaycan Partiyası öz uğurlarını həmişə xalqla olan vəhdətindən əldə edib. Onun sözlərinə görə, Yeni Azərbaycan Partiyası dövlətçiliyimizin qorunub saxlanması və möhkəmləndirilməsi, o cümlədən bugünkü tərəqqisinin əldə olunmasında müstəsna rol oynamaqla bərabər, ən mütəşəkkil, nüfuzlu, ən qabaqcıl və tərəqqipərvər siyasi partiya olduğunu Azərbaycan xalqı qarşısında xidmətləri və əməlləri ilə təsdiq edib.

Paylaş:

Baxılıb: 821 dəfə